/rtv/media/agency_attachments/K5tL8SzMSJHtxzCWWrSl.png)
/rtv/media/member_avatars/2024-09-20t131001299z-whatsapp-image-2024-09-20-at-63807-pm.jpeg )
/rtv/media/post_attachments/wp-content/uploads/2024/02/h1-b-visa-jpg.webp)
అమెరికాకు వెళ్లాలనుకునే ఇండియన్స్‌పై మరింత భారం పడనుంది. H-1 బీ సహా కొన్ని కేటగిరీల దరఖాస్తు ఫీజులను పెంచుతున్నట్లు తాజాగా అమెరికా ప్రకటించింది. ఏప్రిల్ 1వ తేదీ నుంచి ఈ పెంపు అమల్లోకి రానుంది. చివరిసారిగా 2016లో వీసాల దరఖాస్తుల రుసుమును పెంచారు. ఈ తర్వాత మళ్లీ ఇప్పుడు 2024లో పెంచుతున్నట్లు బైడెన్ ప్రభుత్వం తెలిపింది.
అప్లికేషన్ ఫీజు పెంపు
ప్రస్తుతం హెచ్‌-1బీ వీసా అప్లికేషన్ ఫీజు 460 డాలర్లుగా ఉండగా.. ఇప్పుడు దాన్ని 780 డాలర్లకు పెంచారు. అలాగే హెచ్‌-1బీ రిజిస్ట్రేషన్ ఫీజును కూడా 10 డాలర్ల నుంచి 215 డాలర్ల వరకు పెంచారు. అయితే ఇది 2025 నుంచి అమల్లోకి వస్తుందని అధికారులు తెలిపారు. మరోవైపు ఎల్‌-1 వీసా దరఖాస్తు ఫీజును కూడా 460 డాలర్ల నుంచి 1,385 డాలర్లకు పెంచేశారు.
Also Read: రూ.లక్ష కోట్లు కాజేసి దేశాన్నే కుదిపేసిన మహిళ..
భారతీయులే అధికం
ఈబీ-5 వీసాల దరఖాస్తు రుసుములను కూడా 3,675 డాలర్ల నుంచి ఏకంగా 11,160 డాలర్లకు పెంచారు. ఈ మేరకు డిపార్ట్‌మెంట్‌ ఆఫ్‌ హోంలాండ్‌ సెక్యూరిటీ తమ ఫెడరల్‌ నోటిఫికేషన్‌లో ఈ విషయాలను వెల్లడించింది. అయితే అమెరికా కంపెనీలు విదేశీ నిపుణులను రిక్రూట్‌ చేసుకునేందుకు హెచ్‌-1బీ వీసా అవకాశం కల్పిస్తుంది. అయితే ఈ హెచ్‌-1బీ వీసాలు వినియోగిస్తున్న వాళ్లలో భారతీయులే అధికం.
1990లో ఈబీ-5 ప్రోగ్రామ్‌ను ప్రారంభించారు. అమెరికన్ స్థానికులకు కనీసం 10 మందికి ఉద్యోగం కల్పించేలా కనిష్ఠంగా రూ.5 లక్షల డాలర్ల పెట్టుబడితో వ్యాపారాలు ప్రారంభించేవారికి ఈ వీసాలను జారీ చేస్తారు. ఇక ఎల్‌-1 వీసా అనేది కంపెనీలో అంతర్గతంగా బదిలీ అయ్యే ఉద్యోగులకు ఇచ్చే వీసా. మల్టీ నేషనల్ కంపెనీలు విదేశాల్లో ఉన్న తమ బ్రాంచీల నుంచి ఉద్యోగులను కొంతకాలం పాటుగా అమెరికాకు తీసుకొచ్చి అక్కడ విధులు నిర్వహించడానికి ఈ ఎల్‌-1 వీసా అనేది అవకాశం కల్పిస్తుంది.
Also Read: ‘నన్ను క్షమించండి’ 😢.. ఎమోషనల్ అయిన మార్క్‌ జూకర్‌బర్గ్‌