UPS : ప్రభుత్వ ఉద్యోగులకు కేంద్రం గుడ్ న్యూస్..  ఆ పథకానికి మోదీ క్యాబినెట్ ఆమోదం

UPS Approved By Central Government : : ఉద్యోగుల పెన్షన్ పథకానికి సంబంధించి మోదీ ప్రభుత్వం (Modi Government) కీలక నిర్ణయం తీసుకుంది. పాత పెన్షన్ స్కీమ్, కొత్త పెన్షన్ స్కీమ్ స్థానంలో యూనిఫైడ్ పెన్షన్ స్కీమ్ (UPS) కి ఈరోజు జరిగిన కేబినెట్ సమావేశం ఆమోదం తెలిపింది. 25 ఏళ్లు పనిచేసిన ఉద్యోగులకు పూర్తి పెన్షన్ వస్తుందని ప్రభుత్వం ప్రకటించింది. యూపీఎస్ పథకం ద్వారా 23 లక్షల మంది కేంద్ర ఉద్యోగులు లబ్ధి పొందనున్నారు. ఈ పథకం 1 ఏప్రిల్ 2025 నుండి అమలు చేయబడుతుంది. పాత పెన్షన్ విధానాన్ని ప్రతిపక్షాలు రాజకీయం చేస్తున్నాయని కేంద్ర సమాచార, ప్రసార శాఖ మంత్రి అశ్విని వైష్ణవ్ (Ashwini Vaishnaw) అన్నారు. “మేము మా ఉద్యోగుల పట్ల సీరియస్ గా ఉన్నాము. అందుకే ఏకీకృత పెన్షన్‌ పథకాన్ని అమలు చేయాలని ప్రభుత్వం నిర్ణయించింది. 25 ఏళ్లు పనిచేసిన ప్రతి ఉద్యోగికి పూర్తి పెన్షన్ అందుతుంది.” అంటూ మంత్రి ప్రకటించారు. 

UPS: 10 ఏళ్లు సర్వీసు చేసిన వారికి 10 వేల పింఛను అందజేస్తారు. ఉద్యోగులు సర్వీసులో ఉండగా మరణిస్తే వారి భార్యలకు 60 శాతం పెన్షన్‌ ఇస్తారు. రాష్ట్ర ప్రభుత్వం కూడా తన నిర్ణయాన్ని అమలు చేయవచ్చని ప్రభుత్వం పేర్కొంది. ఈ పథకం వల్ల ఉద్యోగులపై ఎలాంటి భారం ఉండదు.

ఒక ఉద్యోగి కనీసం 25 సంవత్సరాలు పనిచేసినట్లయితే, పదవీ విరమణకు ముందు 12 నెలల సగటు జీతంలో కనీసం 50శాతం పింఛన్‌ ఇస్తామని ప్రభుత్వం ప్రకటించింది. పింఛనుదారుడు మరణిస్తే, అతని కుటుంబానికి మరణ సమయంలో అందే పెన్షన్‌లో కొంత శాతం లభిస్తుంది. 

UPS: NPS వ్యక్తులందరూ UPSకి వెళ్లడానికి ఆప్షన్ ఉంటుంది.  NPS ప్రారంభించినప్పటి నుండి పదవీ విరమణ చేసిన లేదా పదవీ విరమణ చేయబోతున్న వారందరికీ ఇది వర్తిస్తుంది. దీనికి సంబంధించిన బకాయి ప్రభుత్వమే చెల్లిస్తుంది. 2004 నుండి పదవీ విరమణ చేసిన ఉద్యోగులు కూడా ఈ ప్రయోజనం పొందుతారు. ప్రతి 6 నెలల సర్వీసుకు, పదవీ విరమణ తర్వాత నెలవారీ జీతంలో 10వ వంతు (జీతం - డీఏ) యాడ్ అవుతుంది. NPS ఉద్యోగులు UPSకి మారడం ద్వారా ప్రయోజనం పొందుతారు.

Also Read : నేడు తెలంగాణ టీడీపీ నేతలతో చంద్రబాబు సమావేశం