PM Kisan: అకౌంట్లో డబ్బులు పడాలంటే.. ఇది తప్పనిసరి!

కేంద్ర ప్రభుత్వం దేశ రైతులకు ఆర్థికంగా బలం చేకూర్చేందుకు ప్రధాన మంత్రి కిసాన్ సమ్మాన్ నిధి యోజన (PM KISAN) పథకాన్ని 2019లో ప్రవేశ పెట్టింది. ఈ పథకం ద్వారా రైతులకు ప్రతి నాలుగు నెలలకు 2 వేల రూపాయల చొప్పున సంవత్సరానికి 6 వేల రూపాయల ఆర్థిక సహాయం అందజేస్తుంది కేంద్రం. తాజాగా ప్రధాన మంత్రి కిసాన్ సమ్మాన్ నిధి యోజన యొక్క 15వ విడత ఈ నెలలో పంపిణీ చేయవలసి ఉన్నందున రైతులకు కేంద్ర ప్రభుత్వం శుభవార్తను అందించింది. దీపావళి పండుగ సందర్భంగా 15వ విడత నిధులను నేరుగా రైతుల ఖాతాల్లోకి జమ చేయాలని నిర్ణయం తీసుకున్నట్లు తెలుస్తోంది.

ALSO READ: బుల్డోజర్లతో వెళ్లి నామినేషన్ వేసిన బీజేపీ నేత!

అకౌంట్లో డబ్బులు జమ అవ్వాలంటే.. లబ్ధిదారులు కచ్చితంగా ఈకేవైసీ పూర్తి చేసుకుని ఉండాలని అధికారులు తెలిపారు. లేకుంటే వారు పథకం ప్రయోజనాలను కోల్పోతారని పేర్కొన్నారు.

ఈకేవైసీని ఇలా పూర్తి చేయండి:

* పీఎం కిసాన్ అధికారిక వెబ్‌సైట్ https://pmkisan.gov.in/ సందర్శించండి.

* రైట్ సైడ్‌లో ఉన్న హోమ్ పేజీకి దిగువన.. మీకు ఫార్మర్స్ కార్నర్ కనిపిస్తుంది.

* e-kyc అనే ఆప్షన్‌ను క్లిక్ చేయండి.

* మీ ఆధార్ నంబర్, ఇతర అవసరమైన సమాచారాన్ని ఎంటర్ చేయండి.

* మీ మొబైల్ నంబర్‌కు వచ్చిన ఓటీపీని ఎంటర్ చేస్తే.. ఈ కేవైసీ కంప్లీట్ అవుతుంది.

కొత్తగా దరఖాస్తు చేసుకోవాలంటే ఇలా చేయండి:

* అధికారిక వెబ్‌సైట్ https://pmkisan.gov.in/ను సందర్శించండి.

* న్యూఫార్మర్ రిజిస్ట్రర్ అనే ఆప్షన్‌పై క్లిక్ చేయండి.

* అప్లై చేసుకోవడానికి లాంగ్వేజ్‌ను ఎంచుకోండి.

* మీరు పట్టణ ప్రాంతంలోని రైతు అయితే.. అర్బన్ ఫార్మర్ రిజిస్ట్రేషన్‌ని ఎంచుకోండి.

* మీరు గ్రామీణులైతే గ్రామీణ రైతు రిజిస్ట్రేషన్‌ని ఎంచుకోండి.

* ఆధార్ నంబర్, ఫోన్ నంబర్, రాష్ట్రం ఎంచుకోండి.

* మీ భూమి వివరాలను నమోదు చేయండి.

* అదేవిధంగా భూమికి సంబంధించిన డాక్యుమెంట్స్‌, ఇతర పత్రాలు అప్‌లోడ్ చేసి.. సేవ్ బటన్‌పై క్లిక్ చేయండి.

* క్యాప్చా కోడ్ ఎంటర్ చేసిన తర్వాత గెట్ OTPకి వెళ్లి సబ్మిట్ చేయండి.

* మీ మొబైల్ నంబరుకు వచ్చిన ఓటీపీని ఎంటర్ చేస్తే.. మీ రిజిస్ట్రేషన్ ప్రాసెస్‌ కంప్లీట్ అవుతుంది.