Hi Speed Internet: ఇది మామూలు స్పీడ్ కాదు.. ఒక్క నిమిషంలో 90 సినిమాలు డౌన్‌లోడ్.. 

Hi Speed Internet: ప్రపంచంలోనే అత్యంత వేగవంతమైన ఇంటర్నెట్ సేవలను చైనా తీసుకువచ్చింది. ఇది క్లౌడ్ బ్రాడ్‌బ్యాండ్, ఇది రాకెట్ లాంటి వేగాన్ని అందిస్తుంది. క్లౌడ్ బ్రాడ్‌బ్యాండ్ టెక్నాలజీ సహాయంతో 1 నిమిషంలో దాదాపు 90 వరకూ 8k సినిమాలను డౌన్‌లోడ్ చేసుకోవచ్చని చైనా పేర్కొంది. ఈ కొత్త సేవను F5G-A (అడ్వాన్స్డ్ ఆల్-ఆప్టికల్ నెట్‌వర్క్) అని పిలుస్తారు.

మీరు అధిక ఇంటర్నెట్ స్పీడ్‌ని పొందుతారు
ప్రపంచంలో మొట్టమొదటి 10G క్లౌడ్ బ్రాడ్‌బ్యాండ్ కమ్యూనిటీ షాంఘైలో ప్రారంభమైంది.  ఇది 50G-PON టెక్నాలజీతో పనిచేస్తుంది. చైనా టెలికాం షాంఘై కంపెనీ అలాగే  యాంగ్‌పు జిల్లా ప్రభుత్వం మధ్య భాగస్వామ్యంలో ఇది ప్రారంభించారు. ప్రాథమికంగా కాంతి లాంటి వేగవంతమైన ఇంటర్నెట్ వేగం(Hi Speed Internet) ఇందులో అందించారు.  ఇది డిజిటల్ అనుభవాన్ని గొప్పగా చేస్తుంది.

Also Read:  అంతరిక్షంలోకి మూడు అమెరికా స్పై శాటిలైట్స్.. 

10 గిగాబైట్ క్లౌడ్ బ్రాడ్‌బ్యాండ్ అనుభవం ఇస్తుంది..
దీనిలో , వినియోగదారులకు 10 గిగాబైట్ క్లౌడ్ బ్రాడ్‌బ్యాండ్ అనుభవాన్ని అందిస్తుంది.  ఈ స్పీడ్‌తో 8కే వీడియో క్వాలిటీతో 2 గంటల 90జీబీ మూవీని 72 సెకన్లలో డౌన్‌లోడ్ చేసుకోవచ్చని కంపెనీ పేర్కొంది. ఇది సరికొత్త ప్రపంచ రికార్డు. కొత్త టెక్నాలజీ అందరి పని తీరును మారుస్తుందని పేర్కొంటున్నారు. దీనిలో అల్ట్రా ఫాస్ట్ బ్రాడ్‌బ్యాండ్ స్పీడ్‌(Hi Speed Internet)ను పొందవచ్చు. ఇది ఆన్‌లైన్‌లో పని చేయడం సులభతరం చేస్తుంది.

రియల్ టైమ్ డేటా ప్రాసెసింగ్
చైనా అత్యంత వేగవంతమైన డేటా బదిలీ(Hi Speed Internet) సాంకేతికత మీ స్మార్ట్ హోమ్ టెక్నాలజీని మెరుగుపరుస్తుంది. ఈ సాంకేతికత 10G నెట్‌వర్క్‌ను రియల్ టైమ్ డేటా ప్రాసెసింగ్, లాగ్ ఫ్రీ కమ్యూనికేషన్‌తో అందిస్తుంది.

ఏం లాభం ఉంటుంది?
ఈ వేగంతో, ఆన్‌లైన్‌లో ఎక్కువ డేటాను బదిలీ చేసే వినియోగదారులు ఎక్కువ ప్రయోజనం పొందుతారు. కంటెంట్ సృష్టికర్తలకు వీడియోలను బదిలీ చేయడం సులభం అవుతుంది. ఇది కాకుండా, సాధారణ వినియోగదారులు కూడా పెద్ద ప్రయోజనాలను పొందుతారని భావిస్తున్నారు.