Cardiac Arrest : మహిళలల్లో గుండె పోటు లక్షణాలు ఇవే...పురుషులతో పోల్చితే ఎంత ప్రమాదం అంటే..? దేశవ్యాప్తంగా కార్డియాక్ అరెస్ట్ కేసులు వేగంగా పెరుగుతున్నాయి. ఈ రోజుల్లో వృద్ధులే కాదు యువత కూడా దీని వల్ల ప్రాణాలు కోల్పోతున్నారు. ఇటీవలి అధ్యయనం కార్డియాక్ అరెస్ట్ ఉన్న 50 శాతం మంది ప్రజలు 24 గంటల ముందు వేరే హెచ్చరిక సంకేతాలను అనుభవించినట్లు పేర్కొంది. పురుషులతో పోల్చితే మహిళల్లో గుండె పోటు తీవ్రంగా ఉంటుందని వెల్లడించింది. By Bhoomi 29 Aug 2023 in లైఫ్ స్టైల్ టాప్ స్టోరీస్ New Update షేర్ చేయండి Heart attack in women : దేశంలో గుండె సంబంధిత వ్యాధుల కేసులు వేగంగా పెరుగుతున్నాయి. కార్డియాక్ అరెస్ట్ లేదా గుండెపోటు కేసులు వృద్ధులలోనే కాకుండా యువతలోనే ఎక్కువ నమోదు అవుతున్నాయి. గుండె జబ్బుల ప్రమాదాన్ని తగ్గించడానికి ఆరోగ్యకరమైన జీవనశైలిని అనుసరించడం చాలా ముఖ్యం. కానీ గుండెపోటు వచ్చే ముందు మీ శరీరం మీకు ఎలాంటి సూచనలు ఇస్తుందో తెలుసుకోవడం కూడా చాలా ముఖ్యం. వాస్తవానికి, గుండె ఆగిపోయే ముందు మీ శరీరం మీకు హెచ్చరిక సంకేతాలను ఇస్తుంది. ఆ హెచ్చరిక సంకేతాలను ఎలా గుర్తించాలో తెలుసుకుందాం. 24 గంటల ముందే అలర్ట్: ఇటీవలి అధ్యయనం ప్రకారం, గుండె ఆగిపోయిన వారిలో 50 శాతం మంది గుండె పనితీరు క్షీణించడం ప్రారంభించటానికి 24 గంటల ముందు ఒక ప్రత్యేకమైన హెచ్చరికను అనుభవిస్తారని తేలింది. ఒక వ్యక్తి గుండె చుట్టూ రక్తాన్ని పంపింగ్ చేయడం ఆగిపోయినప్పుడు.. సాధారణంగా శ్వాస తీసుకోవడం ఆగిపోతుంది. అప్పుడు గుండెపోటు సంభవిస్తుంది. ఇదంతా జరగడానికి ఒకరోజు ముందే మనకు ముందుగానే హెచ్చరికలు వస్తుంటాయి. ఇది కూడా చదవండి: పొగాకులో ఉండే ఈ సమ్మేళనం క్యాన్సర్తో పోరాడుతుంది: తాజా అధ్యయనం అధ్యయనం ఏమి చెబుతుంది: కార్డియాక్ అరెస్ట్ ఈ హెచ్చరిక సంకేతాలు పురుషుల కంటే మహిళలకు భిన్నంగా ఉన్నాయని తాజా అధ్యయనం వెల్లడించింది. యుఎస్‌లోని సెడార్స్ సినాయ్ మెడికల్ సెంటర్‌లోని (US Cedars-Sinai Medical Center) ష్మిత్ హార్ట్ ఇన్‌స్టిట్యూట్ నిర్వహించిన అధ్యయనంలో మహిళలు, పురుషులు వేర్వేరు లక్షణాలను కలిగి ఉన్నారని నిర్ధారించారు. మహిళల్లో ఆకస్మిక గుండెపోటు వచ్చే ముందు శ్వాసతీసుకోవడంలో ఇబ్బంది ఎదుర్కుంటారని తెలిపింది. పురుషుల్లో గుండెపోటు వచ్చే ముందు తీవ్రమైన ఛాతినొప్పిని అనుభవిస్తారని అధ్యయనంలో తేలింది. కార్డియాక్ అరెస్ట్ ఇతర లక్షణాలు: -బలహీనత -వికారం -ఆకస్మిక అధిక చెమట -శ్వాస తీసుకోవడంలో ఇబ్బంది -పదునైన ఛాతీ నొప్పి నివారణ మార్గాలు: మన జీవనశైలే మన ఆరోగ్యంపై ప్రభావం చూపుతుంది. చెడు జీవనశైలి అనారోగ్య సమస్యలకు కారణం అవుతుంది. మీ గుండెను ఆరోగ్యంగా ఉంచేందుకు మీ జీవనశైలిలో కొన్ని మార్పులు చేయడం తప్పనిసరి. ఒక వ్యక్తి ఆరోగ్యంగా ఉండాలంటే హెల్తీ ఫుడ్, వ్యాయామం, మంచినిద్ర తప్పనిసరి. ఇది కూడా చదవండి: బీజేపీ మాస్టర్ ప్లాన్.. రంగంలోకి వెయ్యి మంది కమలదళం -ధూమపానం, అధికబరువు, చెడు ఆహారపు అలవాట్లు. -మధుమేహం, అధిక రక్తపోటు, డైస్లిపిడెమియాను నియంత్రించడానికి ప్రయత్నించండి. -అధిక కొవ్వు, మితిమీరిన తీపి పదార్థాలను తినడం మానుకోండి. -కార్బోనేటేడ్ డ్రింక్స్ తీసుకోవడం మానేసి శారీరకంగా చురుకుగా ఉండండి. #cardiac-arrest #us-cedars-sinai-medical-center #heart-attack-symptoms-for-women #symptoms-of-womens-heart-attacks #heart-attack-in-women #heart-attacks-in-women మా వార్తాలేఖకు సభ్యత్వాన్ని పొందండి! ప్రత్యేకమైన ఆఫర్లు మరియు తాజా వార్తలను పొందిన మొదటి వ్యక్తి అవ్వండి ఇప్పుడే సభ్యత్వం పొందండి సంబంధిత కథనాలు Advertisment తాజా కథనాలు తదుపరి కథనాన్ని చదవండి