/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2023/11/These-are-the-benefits-of-eating-sea-fish-regularly-jpg.webp)
Sea Fish Benefits: సముద్ర తీర ప్రాంతం లేని అనేక ప్రాంతాల్లో చెరువులు, కుంట‌ల్లో పెరిగే చేపలను తింటారు. కానీ వాటి క‌న్నా సముద్ర చేపల్లో ఎక్కువ పోష‌కాలు ఉంటాయని హెల్త్‌ నిపుణులు చెబుతున్నారు. ఈ చేపలను త‌ర‌చూ తీసుకుంటే రుచితో పాటు..ఎక్కువ పోష‌కాలు మ‌న‌కు అంద‌జేస్తాయి. అలాగే అనారోగ్య సమస్యలు దూరం అవుతాయి. సముద్రపు చేపలను తినడం వల్ల మ‌న‌కు ఎన్నో లాభాలు ఉన్నాయో ఇప్పుడు కొన్ని విషయాలను తెలుసుకుందాం.
సముద్రపు చేపలను తింటే కలిగే ప్రయోజనాలు:
1. మెదడు ప‌నితీరు, జ్ఞాప‌క‌శ‌క్తి పెరుగుతుంది. సముద్రపు చేపలను తింటే చిన్నారులు, యవతకి మెదడు ప‌నితీరు మెరుగుప‌డి..చాలా యాక్టివ్‌గా ప‌నిచేస్తుంది. అలాగే జ్ఞాప‌క‌శ‌క్తి పెరగటంతో పాటు పెద్దలకు వ‌చ్చే అల్జీమ‌ర్స్ వ్యాధి రాదు.
2. రోగ నిరోధ‌క శ‌క్తి: మ‌న శ‌రీరంలో రోగనిరోధ‌క వ్యవ‌స్థ మెరుగ్గా ప‌నిచేయాలంటే జింక్ అనే పోష‌క అవసరం. సముద్రపు చేప‌ల‌తోపాటు న‌త్తలు, పీత‌లు, రొయ్యల్లో జింక్ పుష్కలంగా ఉంటుంది. అందుకే ఈ ఆహారాల‌ను రోజూ తింటే జింక్ అధికంగా అంది రోగ నిరోధ‌క శ‌క్తి పెరుగుతుంది. చేపల్లో ఉండే విట‌మిన్-ఏ, ఒమెగా 3 ఫ్యాటీ యాసిడ్లు, సెలీనియం మ‌న శ‌రీరంలోకి చేరే సూక్ష్మ క్రిముల‌ను నాశ‌నం చేస్తాయి.
3. గుండె ఆరోగ్యానికి: చేపల్లో ఉండే ఒమెగా 3 ఫ్యాటీ యాసిడ్లు గుండె ఆరోగ్యానికి ఎంతో మేలు చేస్తాయి. వారంలో ఒక సముద్రపు చేపలను తింటే హార్ట్ ఎటాక్‌లు, ఇత‌ర గుండె జ‌బ్బులు వ‌చ్చే అవ‌కాశాలు చాలా త‌క్కువ‌ని ప‌రిశోధ‌న‌లో తెలింది.
4. చ‌ర్మ సంర‌క్షణ: సముద్రపు చేపలను తింటే పోష‌కాలు చ‌ర్మానికి సంర‌క్షణ‌ను అందిస్తాయి. సముద్రపు చేపలను తింటే మొటిమ‌లు, చ‌ర్మ సమస్యలు కూడా తగ్గుతాయి.
Also Read: ఈ చిట్కాలతో ఒత్తిడి తగ్గుతుంది.. గుండె ఆరోగ్యానికి కూడా ఎంతో మంచిది!
5. కంటి ఆరోగ్యానికి: సముద్రపు చేపల్లో ఒమెగా 3 ఫ్యాటీ యాసిడ్లు కంటి ఆరోగ్యాన్ని ప‌రిర‌క్షిస్తాయి. అంతేకాదు వృద్ధులకు కంటి చూపు త‌గ్గే స‌మ‌స్య నుంచి బ‌య‌టప‌డ‌వ‌చ్చు. ప్రధానంగా రేచీకటి తగ్గి, కంటి ఆరోగ్యం మంచిగా ఉంటుంది.
6. డిప్రెష‌న్: చాలామంది నిత్యం అనేక సంద‌ర్భాల్లో అనేక ర‌కాలుగా ఒత్తిడితో ఉంటారు. అయితే.. సముద్ర చేపలను ఆహారంలో తింటే ఒత్తిడి, డిప్రెష‌న్ నుంచి బ‌య‌ట ప‌డ‌వ‌చ్చని నిపుణులు చెబుతున్నారు.
7.ఆర్థరైటిస్: సముద్రపు చేపల్లో ఒమెగా 3 ఫ్యాటీ యాసిడ్లు ఆర్థరైటిస్‌ను త‌గ్గిస్తాయి. శ‌రీరంలో వాపులు, కీళ్లలో దృఢత్వాన్ని త‌గ్గిస్తాయి. సముద్రపు చేపల్లో విట‌మిన్-డి మ‌న శ‌రీరం కాల్షియాన్ని ఎక్కువ‌గా శోషించుకునేలా చేస్తుంది. దీంతో ఎముక‌లు దృఢంగా మారుతాయి.
Also Read: కొబ్బరి లస్సీ ఎలా చేస్తారు.. ఎన్ని ప్రయోజనాలో తెలుసా..?