Panchayat Elections : రెండో దశ నామినేషన్ల స్వీకరణ ప్రక్రియ షురూ..

Panchayat Elections : తెలంగాణలో పంచాయతీ ఎన్నికల కోలాహలం కొనసాగుతోంది. మొత్తం మూడు దశల్లో ఎన్నికలు నిర్వహించనుండగా, మొదటిదశ నామినేషన్ల పర్వం ముగిసింది. ఈ రోజు (ఆదివారం) ఎన్నికల రెండో దశ నామినేషన్ల స్వీకరణ ప్రక్రియ ప్రారంభమైంది. నేటి నుంచి డిసెంబర్ 2వ తేదీ వరకు నామినేషన్లను స్వీకరిస్తారు. 3న నామినేషన్ల పరిశీలన చేస్తానున్నారు. డిసెంబర్ 5వ తేదీన నామినేషన్ల ఉపసంహరణ.. అదే రోజు అభ్యర్థుల జాబితాను ప్రకటించనున్నారు. డిసెంబర్ 14వ తేదీన ఈ రెండో దశ ఎన్నికల పోలింగ్ జరగనుంది. రాష్ట్రవ్యాప్తంగా 193 మండలాల్లోని 4,333 పంచాయతీలు, 38,350 వార్డులకు ఈ ఎన్నికలు నిర్వహిస్తారు.

ఇక నవంబర్ 25వ తేదీ మంగళవారం తెలంగాణ రాష్ట్రంలో పంచాయతీ ఎన్నికల నోటిఫికేషన్‌ను  రాష్ట్ర ఎన్నికల సంఘం విడుదల చేసింది. ఇక తొలి విడత పంచాయతీ ఎన్నికల నామినేషన్ల స్వీకరణ గడువు నిన్నటితో ముగిసింది. నిన్న అర్థరాత్రి వరకు పంచాయతీ ఎన్నికల నామినేషన్ల స్వీకరణ కార్యక్రమం కొనసాగింది. శనివారం చివరి రోజు కావడంతో నామినేషన్లు దాఖలు చేసేందుకు భారీగా అభ్యర్థులు పోట్తెత్తారు.ఇక  దాఖలైన మొత్తం నామినేషన్లను అధికారులు.. ఈరోజు (అదివారం) పరిశీలించ నున్నారు. ఈ  నామినేషన్లకు సంబంధించి డిసెంబర్ 11వ తేదీన రాష్ట్రంలో పంచాయతీ తొలి విడత ఎన్నికల పోలింగ్ జరుగుతుంది. మొదటి దశలో 31 జిల్లాల్లోని 189 మండలాల పరిధిలో ఉన్న 4,236 గ్రామ పంచాయతీలు, 37,440 వార్డులకు పోలింగ్ జరగనుంది. మరోవైపు మూడో విడతలో రాష్ట్రవ్యాప్తంగా 182 మండలాల్లోని 4,159 పంచాయతీలు, 36,452 వార్డుల్లో ఎన్నికలు జరుగుతాయి.

ఇక నవంబర్ 25వ తేదీ మంగళవారం రోజున పంచాయతీ ఎన్నికల నోటిఫికేషన్‌ను  రాష్ట్ర ఎన్నికల సంఘం విడుదల చేసింది. రాష్ట్రవ్యాప్తంగా 12,728 సర్పంచ్‌ స్థానాలు.. 1,12,242 వార్డులకు మొత్తం మూడు విడతల్లో ఎన్నికలు నిర్వహించనునున్నట్లు తెలిపింది. డిసెంబర్ 11, 14, 17 తేదీల్లో పోలింగ్ జరగనుంది. ఉదయం 7 గంటల నుంచి మధ్యాహ్నం 1 గంట వరకు ఈ పోలింగ్ ఉంటుంది. అదే రోజు మధ్యాహ్నం 2 గంటల నుంచి ఓట్ల లెక్కింపు ప్రక్రియ ప్రారంభం అవుతుంది.  

నల్గొండలో సర్పంచ్ అభ్యర్థి భర్త కిడ్నాప్.!

 సర్పంచ్‌ ఎన్నికల ప్రక్రియ కొనసాగుతున్న నేపథ్యంలో గ్రామాల్లో ఆసక్తికర ఘటనలు చోటు చేసుకుంటున్నాయి. నల్గొండ జిల్లాలో ఓ మహిళా సర్పంచ్ అభ్యర్థి భర్త కిడ్నాప్ అయ్యారు. ఇదే సమయంలో ఆమె నామినేషన్ ప్రక్రియ పూర్తి కావడంతో ఆయనను పోలీసులకు అప్పగించారు కిడ్నాపర్లు.నల్గొండ జిల్లా తిప్పర్తి  మండలం ఎల్లమ్మ గూడెం గ్రామ పంచాయతీలో  సర్పంచ్ గా పోటీ చేస్తున్న ఓ  అభ్యర్థి భర్తను  కిడ్నాప్ చేశారు. ఆయన భార్య నామినేషన్ వేయకుండా అడ్డుకునే ప్రయత్నంలో భాగంగానే ఇలా చేసినట్లు తెలుస్తోంది.

 తిప్పర్తి మండలం ఎల్లమ్మ గూడెం గ్రామ పంచాయతీ బీసీ మహిళకు కేటాయించారు ఎన్నికల అధికారులు. దీంతో ఆ ఎన్నికను ఏకగ్రీవం చేసేందుకు మరో సర్పంచ్ అభ్యర్థి భర్త కిడ్నాప్‌ ప్లాన్ చేశాడు. పథకం ప్రకారం మామిడి నాగమ్మ అనే మహిళను ఎన్నికల పోటీ నుంచి తప్పించే ప్రయత్నంలో భాగంగా ఆమె భర్త మామిడి యాదగిరిని కిడ్నాప్ చేశారు. కిడ్నాపర్లు యాదగిరికి మూత్రం తాగించి, చిత్రహింసలు పెట్టి చివరకు పోలీసులకు అప్పగించారు. ఇదే సమయంలో యాదగిరి భార్య నామినేషన్ వేయడంతో కిడ్నాప్(Kidnap) ప్లాన్‌కు తెరపడినట్టయింది. అయితే.. కాంగ్రెస్ పార్టీ మద్దతుదారులైన సందీప్ రెడ్డి అనే వ్యక్తి ఈ కిడ్నాప్ చేసినట్లు ఆరోపిస్తున్నారు. ఈ కిడ్నాప్ ఘటనపై స్థానిక మాజీ ఎమ్మెల్యేలు భూపాల్ రెడ్డి, భాస్కర్ రావులు జిల్లా ఎస్పీకి ఫిర్యాదు చేశారు.