Eatala - Bandi: మరోసారి భయటపడ్డ విభేదాలు.. ఢిల్లీలో ఈటల Vs బండి.. ఫొటోలు వైరల్!

చాలా రోజులుగా ఉప్పు-నిప్పు మాదిరిగా ఉంటున్న తెలంగాణ బీజేపీ ఎంపీ ఈటల రాజేందర్, కేంద్ర మంత్రి బండిసంజయ్ ఈ రోజు ఒకే కార్యక్రమంలో పాల్గొన్నారు. నేడు ఉప రాష్ట్రపతి ఎన్నికల పోలింగ్ సందర్భంగా కేంద్ర మంత్రి ప్రహ్లాద్ జోషీ ఏర్పాటు చేసిన అల్పాహార విందులో వీరిద్దరు పాల్గొన్నారు.

రాష్ట్రానికి చెందిన ఇతర ఎంపీలు కొండ విశ్వేశ్వర్ రెడ్డి, రఘునందర్ రావు, డీకే అరుణ, గోడెం నగేష్‌, కేంద్ర మంత్రి కిషన్ రెడ్డితో కలిసి ఒకే టేబుల్ వద్ద వీరు కూర్చున్నారు. ఈ బ్రేక్ ఫాస్ట్ మీటింగ్ ఫొటోలు సోషల్ మీడియాలో వైరల్ అవుతున్నాయి.

బండి సంజయ్, ఈటల మధ్య కిషన్ రెడ్డి కూర్చున్నారు. అయితే.. బండి సంజయ్, ఈటల ఎదురెదురుగా ఉన్నారు. ఈ క్రమంలో ఈటల బండి సంజయ్ వైపు కాకుండా ఓ వైపు తిరిగి కూర్చున్నారు. దీంతో వీరి మధ్య వివాదం ఇంకా చల్లారలేదన్న చర్చ సాగుతోంది.

గతంలో హుజూరాబాద్ లో తనకు ఎంపీ ఓట్లు తగ్గాయంటూ ఈటల టార్గెట్ గా బండి సంజయ్ ఫైర్ అయిన విషయం తెలిసిందే. శత్రువుతో కొట్లాడొచ్చు కానీ.. కడుపులో కత్తులు పెట్టుకుని కౌగిలించుకునే వారితో కొట్లాడలేమంటూ ఈటల కౌంటర్ ఇచ్చారు.

బండి సంజయ్ ను అధ్యక్ష పదవి నుంచి దించేయడంలో ఈటల కీలక పాత్ర పోషించరాన్న చర్చ ఉండగా.. ఈ సారి ఈటలకు ఛాన్స్ రాకుండా బండి చక్రం తిప్పి పగ తీర్చుకున్నారన్న టాక్ ఉంది.

ఈ కారణంగానే వీరిద్దరు బద్ధ శత్రువులుగా మారిపోయారన్నది బహిరంగ రహస్యమేనని తెలంగాణ పాలిటిక్స్ లో చర్చ ఉంది.

దీంతో వీరిద్దరు ఒకే టేబుల్ వద్ద కూర్చున్న తాజా ఫొటోలు సోషల్ మీడియాలో చక్కర్లు కొడుతున్నాయి.