Telangana Praja Palana Utsavalu: తెలంగాణలో రేపటి నుంచి  ప్రజా పాలన ఉత్సవాలు

Telangana Praja Palana Utsavalu : తెలంగాణలో  కాంగ్రెస్ పార్టీ అధికారం చేపట్టిన తర్వాత  ప్రభుత్వం అధికారంలోకి వచ్చి రెండేళ్లు పూర్తవడంతో రాష్ట్రవ్యాప్తంగా 'ప్రజా పాలన ఉత్సవాలు' ఘనంగా నిర్వహించనున్నట్లు ముఖ్యమంత్రి రేవంత్‌రెడ్డి వెల్లడించారు. డిసెంబర్ 1 నుంచి 9 వరకు రోజూ ఒక ఉమ్మడి జిల్లాలో ఈ ఉత్సవాలు నిర్వహించనున్నట్లు ఆయన ప్రకటించారు. గత అనుభవాల నుంచి నేర్చుకున్న పాఠాలతో భవిష్యత్తు ప్రణాళికలు రూపొందించామని ముఖ్యమంత్రి రేవంత్‌రెడ్డి  తెలిపారు. సచివాలయంలో సీఎం, మంత్రులు మీడియా సమావేశం నిర్వహించారు. ఈ సందర్భంగా రేవంత్‌రెడ్డి మాట్లాడుతూ.. అద్భుత పాలసీని జాతికి అంకితం చేస్తున్నట్టు చెప్పారు. బలమైన ఆర్థిక రాష్ట్రంగా నిలదొక్కుకునేందుకు విజన్‌ డాక్యుమెంట్‌ తయారు చేసినట్టు పేర్కొన్నారు.

LIVE: Hon’ble CM Sri Revanth Reddy, Deputy CM Bhatti Vikramarka, and Ministers are addressing the media. https://t.co/6TVgSJCwB5

— Bhatti Vikramarka Mallu (@Bhatti_Mallu) November 30, 2025

డిసెంబరు 8, 9 తేదీల్లో తెలంగాణ రైజింగ్‌ గ్లోబల్‌ సదస్సు ప్రత్యేకంగా నిర్వహిస్తున్నట్లు రేవంత్‌ రెడ్డి వ్యాఖ్యానించారు. రాష్ట్ర ఆదాయం పెంచుతామని..పేదలకు పంచుతామని వివరించారు. తెలంగాణకు రెండో మణిహారం రెడీ చేసుకుంటున్నామని.. రాష్ట్రానికి నాలుగు కొత్త ఎయిర్ పోర్టులు రాబోతున్నాయని స్పష్టం చేశారు ముఖ్యమంత్రి రేవంత్‌రెడ్డి. అభివృద్ధి చెందిన తెలంగాణను అందించడమే లక్ష్యమని పేర్కొన్నారు. భవిష్యత్‌ కోసం పారదర్శక పాలసీలు తెస్తున్నామని సీఎం రేవంత్‌రెడ్డి వ్యాఖ్యానించారు. తెలంగాణ రైజింగ్‌ 2047 డాక్యుమెంట్ల గురించి వివరించారు. విజన్‌ డాక్యుమెంట్‌లో రెండు ప్రధాన అంశాలు ఉన్నాయని పేర్కొన్నారు.

 తెలంగాణ డిప్యూటీ సీఎం భట్టి విక్రమార్క మాట్లాడుతూ  ప్రజలకు మరింత చేరువయ్యే పాలన, పారదర్శకత, వేగవంతమైన అభివృద్ధి.. ఇవే మా ప్రభుత్వ లక్ష్యాలని చెప్పారు. ప్రజా పాలన ఉత్సవాల ద్వారా గత రెండేళ్లలో చేసిన పనులను ప్రజల ముందుంచుతూనే, 2047 నాటికి తెలంగాణను అగ్రగామి రాష్ట్రంగా తీర్చిదిద్దే విజన్‌ను పంచుకుంటామని ఆయన వివరించారు. రాష్ట్ర ప్రజలందరూ ఈ ఉత్సవాల్లో భాగం కావాలని ప్రభుత్వం ఆహ్వానిస్తోందని తెలిపారు.

ప్రజా పాలన ఉత్సవాల ప్రధాన షెడ్యూల్: 

డిసెంబర్ 1 (రేపు): మక్తల్‌లో ఉత్సవాలు ప్రారంభం (మధ్యాహ్నం 2 నుంచి 4 గంటల వరకు)

డిసెంబర్ 1 నుంచి 9 వరకు: ప్రతిరోజూ ఒక ఉమ్మడి జిల్లాలో కార్యక్రమం. సీఎం రేవంత్ రెడ్డితో పాటు సంబంధిత ఉమ్మడి జిల్లా మంత్రులు, ఎమ్మెల్యేలు పాల్గొంటారు.

డిసెంబర్ 6: హైదరాబాద్‌లోని యూనివర్సిటీలో ఉత్సవాలు – సీఎం రేవంత్ రెడ్డి హాజరు, అభివృద్ధి పనులకు శంకుస్థాపనలు

డిసెంబర్ 8 & 9: ఫ్యూచర్ సిటీలో భారీ కార్యక్రమాలు

8వ తేదీ: గడిచిన రెండేళ్లలో చేసిన అభివృద్ధి, సంక్షేమ కార్యక్రమాల వివరణ

9వ తేదీ: “తెలంగాణ విజన్-2047” డాక్యుమెంట్ భారీ ఈవెంట్‌లో విడుదల. జాతీయ- అంతర్జాతీయ ప్రతినిధులకు ఆహ్వానం

డిసెంబర్ 10 & 11: ఫ్యూచర్ సిటీలోని స్టాల్స్ సాధారణ ప్రజల సందర్శనకు ఓపెన్

డిసెంబర్ 13: ఉప్పల్ స్టేడియంలో అర్జెంటీనా ఫుట్‌బాల్ సూపర్ స్టార్ లియోనల్ మెస్సి పాల్గొనే ఫ్రెండ్లీ మ్యాచ్ – ఉత్సవాలకు గ్రాండ్ ఫినిష్!