బాన్సువాడలో కాంగ్రెస్ పార్టీ గెలుపు ఖాయమన్నారు ఆ పార్టీ ఎమ్మెల్యే అభ్యర్థి ఏనుగు రవీందర్ రెడ్డి. బాన్సు వాడ నియోజకవర్గంలో కాంగ్రెస్ పార్టీకి అనూహ్య స్పందన వస్తుందన్నారు. దమ్మున్న లీడర్ ను కాబట్టే అధిష్టానం తనకు బాన్సువాడ టికెట్ కేటాయించిందని తెలిపారు.
కామారెడ్డిలో రేవంత్ రెడ్డిని గెలిపించేందుకు వైఎస్ షర్మిల నేరుగా రంగంలోకి దిగారు. రేవంత్కు వ్యతిరేకంగా కామారెడ్డిలో పోటీకి సిద్ధమైన వైఎస్ఆర్టీపీ నేత నీలం సుధాకర్ను హైదరాబాద్ పిలిచి మాట్లాడారు. పోటీ నుంచి తప్పుకోవాలని సూచించారు. దాంతో సుధాకర్ పోటీ నుంచి తప్పుకుంటున్నట్లు ప్రకటించారు.
నిజామాబాద్ జిల్లాలో మంత్రి కేటీఆర్ పర్యటనలో అపశృతి చోటు చేసుకుంది. ఆయన ప్రయాణిస్తున్న ఎన్నికల ప్రచారం వాహనం సడెన్ బ్రేక్ వేయడంతో.. సెక్యూరిటీ గ్రిల్ విరిగిపోయి మంత్రి కేటీఆర్ సహా పైన ఉన్నవారంతా కింద పడిపోయారు. ఎమ్మెల్యే జీవన్ రెడ్డి, ఎంపీ సురేష్ రెడ్డి గాయపడ్డారు.
అధికారపార్టీ చేసిందంతా దొంగ అభివృద్ధేనని..ఎల్లారెడ్డి నియోజకవర్గ ప్రజలు అధికారపార్టీపై తీవ్ర అసంతృప్తి ఉన్నారన్నారు ఎల్లారెడ్డి కాంగ్రెస్ అభ్యర్థి మదన్ మోహన్ రావు. ఈసారి ఎల్లారెడ్డి నియోజకవర్గంలో గెలిచేది కాంగ్రెస్ పార్టీనేనని ధీమా వ్యక్తం చేశారు. ఊరురా ప్రచారం చేస్తుంటే..ప్రజలు పట్టం కడుతున్నారని..భారీ మెజార్టీతో కాంగ్రెస్ పార్టీని గెలిపించుకుంటామని చెబుతున్నారన్నారు.
ఎన్నికలకు ముందు సీఎం కేసీఆర్కు బిగ్ షాక్ ఇచ్చారు కామారెడ్డి రైతులు. ఈ ఎన్నికల్లో కేసీఆర్ రెండు చోట్ల నుంచి పోటీ చేయనున్న విషయం తెలిసిందే. అందులో కామారెడ్డి ఒకటి. ఇక్కడ నుంచి అసెంబ్లీ బరిలో రైతులు నామినేషన్లు వేయనున్నారు. లింగాపూర్లో ఎనిమిది గ్రామాల మాస్టర్ ప్లాన్ బాధితులు సమావేశం అయ్యారు. 120మంది నామినేషన్లు వేయాలని నిర్ణయం తీసుకున్నారు.
ఆర్మూర్ బీఆర్ఎస్ ఎమ్మెల్యే జీవన్ రెడ్డిపై సంచలన వ్యాఖ్యలు చేశారు కాంగ్రెస్ అభ్యర్థి వినయ్ కృష్ణారెడ్డి. ఆర్మూర్ నియోజకవర్గంలో జీవన్ రెడ్డి అరాచకాలు తారాస్థాయికి చేరాయని ఫైర్ అయ్యారు. ఈఎన్నికల్లో బీఆర్ఎస్ ను బొందపెట్టి...కాంగ్రెస్ గెలిపించుకునేందుకు ఆర్మూర్ ప్రజలు సిద్ధంగా ఉన్నారన్నారు. ముఖ్యంగా ఈ నియోజకవర్గంలో కాంగ్రెస్ పార్టీకి మహిళల ఆదరణ ఎక్కువగా ఉందని వినయ్ కృష్ణారెడ్డి చెబుతున్నారు. ఆర్మూర్ ప్రజలు జీవన్ రెడ్డికి భయపడకండి...భయపడి మళ్లీ తప్పు చేయకండి అంటున్న వినయ్ కృష్ణారెడ్డి...ఆర్టీవీకి ఇచ్చిన ఎక్స్ క్లూజివ్ ఇంటర్వ్యూలో మరిన్ని సంచలన వ్యాఖ్యలు చేశారు.
తెలంగాణ ప్రజల సొమ్మును కేసీఆర్ కుటుంబం దోచుకుంటోందని మండిపడ్డారు కాంగ్రెస్ పార్టీ అగ్రనేత రాహుల్ గాంధీ. శాండ్, ల్యాండ్, మైన్ ఏ దందాలో చూసినా కేసీఆర్ కుటుంబం దోపిడీ కనిపిస్తుందని దుయ్యబట్టారు. మోర్తాడులో బీఆర్ఎస్, బీజేపీ ప్రభుత్వాలపై నిప్పులు చెరిగారు. వచ్చే ఎన్నికల్లో తెలంగాణలో కాంగ్రెస్ అధికారంలోకి రావడం ఖాయం.. ప్రజా తెలంగాణ ఏర్పడటం ఖాయం అంటూ ధీమ వ్యక్తం చేశారు.
తెలంగాణలో కాంగ్రెస్ అగ్రనేత రాహుల్ గాంధీ ప్రచారం జోరుగా సాగుతోంది. మంథనిలో రోడ్ షో నిర్వహించిన ఆయన.. కాంగ్రెస్ పార్టీ ఇచ్చిన మాటకు కట్టుబడి ఉంటుందన్నారు. '2004 లో తెలంగాణ ఏర్పాటు చేస్తామని మాట ఇచ్చింది.. రాష్ట్రం ఏర్పాటు చేసి ఇచ్చిన మాటను కాంగ్రెస్ నిలబెట్టుకుంది' అని గుర్తు చేశారు. అయితే, ఏ ఆకాంక్షలతో కాంగ్రెస్ తెలంగాణ ఇచ్చిందో ఆ ఆకాంక్షలు నెరవేరలేదన్నారు.
తెలంగాణలో అసెంబ్లీ ఎన్నికల షెడ్యూల్ విడుదలయ్యింది. ఈ నేపథ్యంలో పార్టీలన్నీ ప్రచారం ముమ్మరం చేశాయి. ఈసారి తెలంగాణలో ఎలాగైనా అధికారంలోకి రావడమే లక్ష్యంగా బీజేపీ ముందుకు సాగుతుంది. ముఖ్యంగా నిజామాబాద్ జిల్లాలో బీజేపీ నాయకులు ప్రచారంతో హోరెత్తిస్తున్నారు. బోధన్ లో బీజేపీ జెండాను ఎగరవేస్తావని ఆ పార్టీ నేత మేడపాటి ప్రకాశ్ రెడ్డి ధీమా వ్యక్తం చేశారు. పసుపు బోర్డును ఎలా తీసుకువచ్చామో... అలాగే బాండ్ పేపర్ రాసి నిజాం షుగర్ ఫ్యాక్టరీని బరాబర్ తీసుకువస్తామన్నారు.
/rtv/media/post_attachments/wp-content/uploads/2023/11/KCR-2-jpg.webp)
/rtv/media/post_attachments/wp-content/uploads/2023/11/pocharam-1-jpg.webp)
/rtv/media/post_attachments/wp-content/uploads/2023/11/Revanth-and-Sharmila-jpg.webp)
/rtv/media/post_attachments/wp-content/uploads/2023/11/Minister-KTR-jpg.webp)
/rtv/media/post_attachments/wp-content/uploads/2023/10/madhan-mohan-jpg.webp)
/rtv/media/post_attachments/wp-content/uploads/2023/10/kamareddy-jpg.webp)
/rtv/media/post_attachments/wp-content/uploads/2023/10/VINAY-KRISHNA-REDDY-jpg.webp)
/rtv/media/post_attachments/wp-content/uploads/2023/10/Rahul-Gandhi-jpg.webp)
/rtv/media/post_attachments/wp-content/uploads/2023/09/rahul-1-1-jpg.webp)
/rtv/media/post_attachments/wp-content/uploads/2023/10/prakash-reddy-jpg.webp)
