Telangana: మీ అంతు చూస్తా.. ఏసీపీ, ఎస్‌పై రెచ్చిపోయిన రఘునందన్‌ రావు

BJP MP Raghu Nandana Rao: సిద్దిపేట జిల్లా తిమ్మారెడ్డిపల్లిలో ఉద్రిక్త పరిస్థితి నెలకొంది. ప్రార్థనా మందిరం నిర్మాణ విషయంలో ఇరు వర్గాల మధ్య వివాదం చెలరేగింది. నిర్మాణాన్ని అడ్డుకొని గోడ కూల్చారంటూ ఓ వర్గంపై మరో వర్గం కుకునూరుపల్లి పోలీస్ స్టేషన్‌లో ఫిర్యాదు చేసింది. ఈ నేపథ్యంలో ఓ వర్గానికి చెందిన 8 మందిని పోలీసులు అదుపులోకి తీసుకున్నారు. 

Also Read:  ఏడాదిలో పొలిటికల్ గా కేసీఆర్ ఖతం చేస్తా.. తర్వాత కేటీఆర్.. చిట్ చాట్ లో రేవంత్ సంచలనం

ఈ కేసులో అరెస్టైన వారికి బీజేపీ ఎంపీ రఘునందన్‌రావు మద్దతుగా నిలిచారు. తమ పార్టీ కార్యకర్తలను అక్రమంగా అరెస్ట్ చేస్తే.. ఊరుకునేది లేదని పోలీసులకు ఆయన సూచించారు.

Also Read: ఏపీలో మందుబాబులకు పండగే పండగ.. ధరలు తగ్గింపు

ప్రభుత్వ భూమిలో అనుమతులు లేకుండా నిర్మాణం జరుగుతుంటే తమ పార్టీ కార్యకర్తలు అడ్డుకున్నారని పోలీసులకు ఈ సందర్భంగా ఆయన వివరించారు. ప్రభుత్వం చేయాల్సిన పనిని తమ పార్టీ కార్యకర్తలు చేశారన్నారు. 

Also Read:  అమల్లోకి గస్తీ ఒప్పందం..బలగాల ఉపసంహరణ

అరెస్ట్ చేస్తే సహించేది లేదని

చట్ట ప్రకారం కాకుండా ఇష్టానుసారం అరెస్ట్ చేస్తే సహించేది లేదని పోలీసులకు ఈ సందర్భంగా రఘునందన్‌రావు హెచ్చరించారు. కాగా ప్రార్థన మందిరాన్ని అడ్డుకున్నారనే ఆరోపణలతో 8 మందిని అరెస్ట్‌చేసి రిమాండ్‌ చేసినట్లు ఎంపీ ఆరోపించారు. తిమ్మారెడ్డిపల్లిలో అసైన్డ్‌ భూమిలో అనుమతి లేకున్నా ప్రార్థన మందిరాన్ని నిర్మించిన దాన్ని అడ్డుకుంటే కేసులు పెట్టడం సరికాదని రఘునందన్‌ రావు పోలీసులపై ఫైర్‌ అయ్యారు. 

Also Read:  మైక్రో సాఫ్ట్ సీఈవో సత్యనాదెళ్లతో మంత్రి నారా లోకేష్ భేటీ

ప్రభుత్వ భూమిలో ప్రార్థన మందిరాన్ని కడితే అడ్డుకోవలసింది పోయి అడ్డుకున్న వారిని అరెస్ట్‌ చేయడాన్ని ఆయన నిలదీశారు. ఈ విషయమై కుకునూరు పల్లి స్టేషన్‌కు వెళ్లిన ఆయన ఎసీపీ, ఎస్‌ఐలను నిలదీశారు. కాగా ఈ వీడియో సోషల్‌ మీడియాలో వైరల్‌గా మారింది.

Also Read:  ఈ దీపావళికి మోత మోగిపోద్ది.. 'RT75' నుంచి మాస్ అప్డేట్