BIG BREAKING: తెలంగాణ రాజకీయాల్లోకి పవన్ కళ్యాణ్.. మున్సిపల్ ఎన్నికల బరిలో జనసేన

తెలంగాణ రాష్ట్రంలో రాజకీయంగా పాగా వేసేందుకు జనసేన పార్టీ సిద్ధమవుతోంది. రాబోయే మున్సిపల్, స్థానిక సంస్థల ఎన్నికల్లో పోటీ చేయాలని పార్టీ నాయకత్వం నిర్ణయించింది. ఈ మేరకు శేరిలింగంపల్లి నియోజకవర్గంలోని హాఫీజ్‌పేట్ డివిజన్‌లో శనివారం నిర్వహించిన కార్యక్రమంలో పలువురు నాయకులు, కార్యకర్తలు జనసేనలో చేరారు. తెలంగాణ రాష్ట్ర ఇన్‌చార్జ్ శ్రీ ఎన్. శంకర్ గౌడ్ వారికి పార్టీ కండువా కప్పి సాదరంగా ఆహ్వానించారు.

తెలంగాణలో జనసేన పార్టీని సంస్థాగతంగా బలోపేతం చేసే దిశగా, మున్సిపల్ ఎన్నికల్లో పోటీ చేయాలని జనసేన పార్టీ నిర్ణయం.

• పార్టీని సంస్థాగతంగా బలోపేతం చేసేలా కమిటీలు
• ఎన్నికలకు తక్కువ సమయం ఉన్నందున ప్రతీ జనసైనికుడు, వీరమహిళ ఉత్సాహంగా ఎన్నికల ప్రచారానికి సిద్ధం కావాలి
• త్వరలో… pic.twitter.com/CYTW0Jo4qi

— JanaSena Telangana (@JSPTelangana) January 10, 2026

సంస్థాగత బలోపేతంపై దృష్టి

పవన్ కళ్యాణ్ సిద్ధాంతాల పట్ల ఆకర్షితులై పార్టీలోకి వచ్చే వారికి సాదర స్వాగతం పలుకుతున్నట్లు ఈ సందర్భంగా నాయకులు తెలిపారు. పార్టీని క్షేత్రస్థాయి నుండి బలోపేతం చేసేందుకు త్వరలోనే జిల్లా, నియోజకవర్గ స్థాయి కమిటీలను ఏర్పాటు చేయనున్నట్లు వెల్లడించారు. ఎన్నికలకు సమయం తక్కువగా ఉన్నందున ప్రతి జనసేన కార్యకర్త ఉత్సాహంతో ప్రచారానికి సిద్ధం కావాలని పిలుపునిచ్చారు.

కీలక నాయకుల సమక్షంలో భవిష్యత్తు కార్యాచరణ

ఈ కార్యక్రమంలో జనసేన పార్టీ జనరల్ సెక్రటరీ శ్రీ రామ్ తల్లూరి, వైస్ ప్రెసిడెంట్ బి. మహేందర్ రెడ్డి, ప్రచార కార్యదర్శి ఆర్.కె. సాగర్, కుకట్‌పల్లి మాజీ అభ్యర్థి ప్రేమ్ కుమార్ తదితరులు పాల్గొన్నారు. తెలంగాణలో జనసేన శక్తిని చాటడానికి రాబోయే ఎన్నికలే సరైన వేదికని, ప్రతి కార్యకర్త అంకితభావంతో పనిచేయాలని వారు సూచించారు. త్వరలోనే ఎన్నికల పూర్తి స్థాయి కార్యాచరణను ప్రకటించనున్నట్లు పార్టీ స్పష్టం చేసింది.

ఈ నిర్ణయం తెలంగాణలోని జనసేన శ్రేణుల్లో కొత్త ఉత్సాహాన్ని నింపింది. గ్రేటర్ హైదరాబాద్ పరిధిలో పార్టీని మరింత ప్రభావితం చేసే దిశగా నాయకులు ప్రణాళికలు సిద్ధం చేస్తున్నారు.