Bus seize: పండగ ఎఫెక్ట్‌.. 10 బస్సులు సీజ్‌ !

Bus seize:  సంక్రాంతి పండగ నేపథ్యంలో ప్రయాణికులను ఇబ్బంది పెడితే సహించబోమని, బస్సులను సీజ్ చేస్తామని  ప్రైవేటు బస్సుల యజమానులను రాష్ట్ర రవాణా శాఖ మంత్రి పొన్నం ప్రభాకర్‌ ఇప్పటికే హెచ్చరికలు జారీ చేశారు. నిర్ణిత చార్జీల కంటే ఎక్కువ వసూలు చేస్తే కఠిన చర్యలు తీసుకుంటామని, పర్మిట్‌ నిబంధనలను ఉల్లంఘించినా, చర్యలు తప్పవని పేర్కొన్నారు.  ఈ మేరకు ఆర్టీఏ  అధికారులు రహదారులపైనే స్పెషల్ డ్రైవ్ కొనసాగిస్తున్నారు. పలు ప్రాంతాల నుంచి వస్తున్న బస్సులను తనిఖీ చేస్తున్నారు. 

Also Read:చంపడంలో పీహెచ్‌డీ.. మర్డర్లలో మాస్టర్స్ చేశా.. డాకు మహారాజ్ ఊరమాస్ రిలీజ్ ట్రైలర్!

10 బస్సులు సీజ్.. 

వారం రోజులుగా  ప్రత్యేక తనిఖీలు నిర్వహిస్తున్న అసికారులు ఇప్పటికే 150   బస్సులపై  కేసులు నమోదు చేశామని  అని వివరించారు. ఈ క్రమంలో తాజాగా .. 10 బస్సులను సీజ్ చేశారు.  పెద్ద అంబర్ పేట్ దగ్గర నిర్వహించిన తనిఖీలో 10 బస్సులను సీజ్ చేసినట్లు  తెలుస్తోంది. అలాగే ఆరంఘర్ చౌరస్తా వద్ద చెన్నై, తిరువంతపురం, పాండిచ్చేరి, మంగళూరు, మైసూరు, కన్యాకుమారి నుంచి వస్తున్న పలు ప్రైవేటు ట్రావెల్స్ బస్సులను  తనికీ చేసిన అధికారులు...  నిబంధనలు పాటించని, ఫిట్‌నెస్‌ లేని 11 బస్సులపై కేసు నమోదు చేశారు. సంక్రాంతి పండగ నేపథ్యంలో టీజీఎస్‌ఆర్టీసీ 6, 432 ప్రత్యేక బస్సులు కేటాయించింది. అంతేకాదు  అవసరమైతే మరిన్నింటిని నడిపేందుకు ఆర్టీసీ అధికారులు సిద్దంగా ఉండాలని స్పష్టం చేసింది.

విశాఖ పట్టణం. రాజమండ్రి, విజయవాడ, ఖమ్మం, ఆదిలాబాద్‌, కరీంనగర్‌, వరంగల్‌  ప్రాంతాలకు వెళ్లే ప్రత్యేక బస్సులకు టికెట్ ధరలు 50 శాతం వరకు పెరిగినట్లు ప్రయాణికులు తెలిపారు. మరోవైపు హైదరాబాద్‌ నుంచి విజయవాడకు విమానల టికెట్ ధర రూ. 14 వేలకు పైగా ఉంది.  రాజమండ్రికి రూ.22 వేలు ఉంది.

Also Read:Nora Fatehi: కార్చిచ్చులో ఇరుక్కుపోయిన నటి.. వీడియో వైరల్‌.. అమెరికాలో ఏం జరుగుతోంది?

ఇది కూడా చూడండి: తారక్, చరణ్ ఫ్యాన్స్ కు పండగ.. థియేటర్స్ లో RRR బిహైండ్‌ ది సీన్స్! ట్రైలర్ చూశారా