Hyderabad : హైదరాబాద్ లో రూ.25 లక్షలకే డబుల్ బెడ్రూం ఇళ్లు.. రేవంత్ సర్కార్ అదిరిపోయే శుభవార్త!

హైదరాబాద్ లో ఇల్లు ఉండాలని ప్రతి ఒక్కరికి ఓ కలగా ఉంటుంది.  అయితే అలాంటి కల నిజమయ్యే సమయం రానే వచ్చింది. సరసమైన ధరలతో,క్లియర్ టైటిల్స్,పారదర్శక విధానంతో ఫ్లాట్లు, ఓపెన్ ప్లాట్లు అందుబాటులోకి వచ్చాయి. ఇవి కేవలం మధ్య తరగతి కుటుంబాల కోసం రూపొందించబడ్డాయి.  బండ్లగూడ (నాగోల్ వైపు), పోచారం (ఇన్ఫోసిస్ సెజ్ దగ్గర) వంటి ప్రాంతాల్లో అభివృద్ధి శరవేగంగా జరుగుతోంది.

ఇక్కడ ధరలను పరిశీలిస్తే  1BHK ఫ్లాట్లు రూ. 13 లక్షల నుంచి రూ. 15 లక్షల మధ్య,  2BHK ఫ్లాట్లు: రూ. 19 లక్షల నుంచి రూ. 25 లక్షల మధ్య అందుబాటులో ఉన్నాయి. అన్ని రకాల హంగులతో వీటిని నిర్మించారు. ఇవి నాగోల్, ఉప్పల్ మెట్రో స్టేషన్లకు దగ్గరగాను, ఐటీ కంపెనీలు సెజ్‌లకు సమీపంలో ఉన్నాయి. ఇక యశోద, కామినేని వంటి ప్రముఖ ఆస్పత్రులు కూడా దగ్గరలోనే ఉన్నాయి. ఇక  సీనియర్ సిటిజన్ల కోసం ప్రత్యేకంగా స్పెషల్ రిజర్వేషన్లు కూడా ఇస్తున్నారు. వృద్ధుల శ్రేయస్సు కోరి సింగిల్ బెడ్‌ రూం ఫ్లాట్లు ప్రత్యేకంగా కేటాయించబడతాయి.  ఈ ధరలు మార్కెట్ ధరల కంటే దాదాపు 40 శాతం తక్కువగా ఉన్నాయని అధికారులు చెబుతున్నారు. చదరపు అడుగు ధర రూ. 2,500 నుండి రూ. 3,000 మధ్య ఉండవచ్చని అంచనా. 

గృహాల దరఖాస్తు గడువు తేదీలు:

దరఖాస్తు గడువులు, లాటరీ తేదీలు వేర్వేరు ప్రాజెక్టులకు వేర్వేరుగా ఉంటాయి.  బండ్లగూడలో దరఖాస్తుకు జూలై 29వ తేదీ ఉండగా లాటరీ జూలై 30వ తేదీన.  పోచారంలో ధరఖాస్తుకు చివరి తేదీ జూలై 31 కాగా, లాటరీ ఆగష్టు 1వ తేదీన నిర్వహించడం జరుగుతుంది. బండ్లగూడ ఫ్లాట్ల కోసం నెంబరు 7702977006, పోచారం ఫ్లాట్ల కోసం 9959989482. సంప్రదించండి.  అతితక్కువ ధరల్లోనే సొంతింటి కలను నెరవేరేలా ప్రభుత్వం కలి్పంచిన ఈ అవకాశాన్ని సద్వినియోగం చేసుకోవాలని రాజీవ్‌ స్వగృహ కార్పొరేషన్‌ సూపరింటెండింగ్‌ ఇంజినీర్‌ సి.భాస్కర్‌ రెడ్డి విజ్ఞప్తి చేశారు.

ప్లాట్ల EMD చెల్లింపు తేదీలు: ఆగష్టు 2 నుంచి 19వరకు
వేలం తేదీలు: ఆగష్టు 4,5,6,20వ తేదీలు. స్థలాల కోసం సంప్రదించాల్సిన నెంబర్లు
కుర్మల్‌గూడ: 8121022230
బహదూర్‌పల్లి: 7999455802
తొర్రూర్ : 8688468930

ఆసక్తి ఉన్నవారు లాటరీ పద్ధతిలో ఈ ఫ్లాట్లను కొనుగోలు చేసుకోవచ్చు. పూర్తి వివరాలు, అర్హతలు, ప్లాన్‌లు, మ్యాప్‌ల కోసం రాజీవ్ స్వగృహ అధికారిక వెబ్‌సైట్ www.swagruha.telangana.gov.in ను సందర్శించవచ్చు. రాష్ట్రవ్యాప్తంగా 16 ప్రాంతాల్లో 1342 ప్లాట్లు కూడా సిద్ధంగా ఉన్నాయి.