Hyderabad: హైదరాబాద్‌లో 144 సెక్షన్ అమలు.. అతిక్రమిస్తే చర్యలు తప్పవు

హైదరాబాద్‌లో 144 సెక్షన్‌ను నగర పోలీసులు విధించారు. ఒక నెల రోజుల పాటు ఈ ఆంక్షలు ఉంటాయని హైదరాబాద్ నగర పోలీస్ కమిషనర్ సీవీ ఆనంద్ వెల్లడించారు. ఎలాంటి సమావేశాలు, ర్యాలీలకు అనుమతి లేదని తెలిపారు. ఒకవేళ ఎలాంటి సమావేశాలు నిర్వహిస్తే చర్యలు తప్పవని హెచ్చరించారు.

ఇది కూడా చూడండి: జగన్‌, షర్మిల ఆస్తుల వివాదం..మధ్యలో పవన్ ఎంట్రీ? వారి ఛాప్టెర్ క్లోజ్!

నలుగురు కంటే ఎక్కువ మంది గుంపుగా ఉంటే..

నవంబర్ 28 వరకు ఈ ఆంక్షలు అమల్లో ఉంటాయని నగర పోలీస్ కమిషనర్ ఉత్తర్వులు జారీ చేశారు. నలుగురు లేదా అంతకంటే ఎక్కువమంది వ్యక్తులు సమావేశం లేదా ర్యాలీలు చేసి ప్రజలను ఇబ్బంది పెట్టకూడదని నగర పోలీసు కమిషనర్ తెలిపారు.

ఇది కూడా చూడండి: Breaking: ఆగని బాంబు బెదిరింపులు.. విజయవాడలోని ఓ హోటల్‌కు..

తెలంగాణ స్పెషల్ పోలీసులు, వారి కుటుంబ సభ్యులు ప్రస్తుతం తెలంగాణలో ఆందోళనలు చేపడుతున్నారు. ఒకే రాష్ట్రం-ఒకే పోలీసింగ్ విధానం అమలు చేయాలని నిరసనలు చేస్తున్నారు. ఈ క్రమంలో కానిస్టేబుళ్ల కుటుంబ సభ్యులు సెక్రటేరియట్ ముందు ఆందోళలు చేపట్టారు. దీంతో 39 మంది కానిస్టేబుళ్లను పోలీస్ శాఖ సస్పెండ్ చేయగా.. మరో 10 మందిని డిస్మిస్ చేసింది.

ఇది కూడా చూడండి: అరుదైన ఘనత.. దేశంలోనే అత్యుత్తమ బ్యాంక్‌గా..

ఇదిలా ఉండగా నిన్న జరిగిన రేవ్ పార్టీలో ప్రముఖ బీఆర్‌ఎస్ నేతలు ఉన్నారని వార్తలు వచ్చాయి. దీంతో వారు ఆందోళనలు, ధర్నాలకు దిగుతారు ఏమోనని ముందు జాగ్రత్తగా పోలీసుశాఖ ఈ హెచ్చరికలు జారీ చేసినట్లుగా తెలుస్తోంది. 

ఇది కూడా చూడండి: ట్రామీ తుపాను బీభత్సం.. 130కి చేరిన మృతుల సంఖ్య