BREAKING: ఫాంహౌస్ డ్రగ్స్ పార్టీలో 50 మంది ఇంటర్ స్టూడెంట్లు!

మొయినాబాద్ ప్రాంతంలో ఆదివారం పెద్దమంగళారంలోని చెర్రీ ఓక్స్ ఫామ్‌హౌస్‌పై పోలీసులు దాడులు నిర్వహించారు. ఫాంహౌస్‌లో 50 మంది ఇంటర్ విద్యార్థులు పార్టీ చేసుకుంటున్నారు. వారికి డ్రగ్ టెస్ట్ చేయగా.. ఇద్దరికి గంజాయి పాజిటివ్ వచ్చింది.

author-image
By K Mohan in హైదరాబాద్ Latest News In Telugu
New Update
BREAKING

BREAKING

రంగారెడ్డి జిల్లా మొయినాబాద్‌లోని ఫాంహౌస్‌లో ఆదివారం మైనర్ల డ్రగ్స్ పార్టీ కలకలం రేపింది. పెద్దమంగళారంలోని చెర్రీ ఓక్స్ ఫామ్‌హౌస్‌పై పోలీసులు దాడులు నిర్వహించారు. ఆ ఫాంహౌస్‌ పార్టీలో 50 మంది ఇంటర్ విద్యార్థులు ఉన్నట్లు పోలీసులు గుర్తించారు. పార్టీలో 14 మంది బాలికలు, 34 మంది మైనర్లు పాల్గొన్నారని పోలీసులు తెలిపారు. వారందరికి డ్రగ్ టెస్ట్ చేయగా.. ఇద్దరికి గంజాయి పాజిటివ్ వచ్చింది. ఇంటర్ విద్యార్థులు కిషన్ ఇన్‌స్టాగ్రామ్ ఇన్ల్ఫేయేన్సర్ సాయంతో పార్టీ ప్లాన్ చేశారు. అతను ఇన్‌స్టాగ్రాంలో ట్రాప్ హౌస్ పేరుతో ఒక్కొక్కరి నుంచి రూ.1600 వసూలు వసూలు చేశాడు. ఒంటరిగా వస్తే ఒక రేటు, జంటగా వస్తే మరో రేటుతో పాస్‌లు ఇచ్చి మరీ మొయినాబాద్ ఫాంహౌస్‌లో పార్టీ నిర్వహించారని పోలీసులు గుర్తించారు.

రాజేంద్రనగర్ SOT పోలీసులు 8 మద్యం బాటిళ్లు స్వాధీనం చేసుకున్నారు. పోలీసులు పూర్తిగా ఫాంహౌస్ తనిఖీ చేసి పార్టీలో భారీగా డ్రగ్స్, గంజాయి, మద్యం స్వాధీనం చేస్తున్నారు. ఈ ఘటనపై ఫామ్ హౌస్ యజమానితో పాటు మరో నలుగురిపై కేసులు నమోదు చేశారు. పార్టీలో పాల్గొన్న ఇంటర్ విద్యార్ధులను విచారిస్తున్నారు. 

హైదరాబాద్‌కు చెందిన ఓ డీజే ‘ట్రాప్‌ హౌస్‌.9ఎంఎం’ పేరుతో ఇన్‌స్టాగ్రామ్‌ అకౌంట్ క్రియేట్ చేశాడు. ఇ ఇన్‌స్టాగ్రామ్ అకౌంట్‌తో యాక్టివ్‌గాఉండే మైనర్ల టార్గెట్ చేశాడు. ఆ డీజే మొయినాబాద్‌లోని ఓ ఫామ్‌హౌస్‌లో ట్రాప్‌ హౌస్‌ పేరుతో పార్టీ నిర్వహిస్తున్నట్లు ప్రచారం చేశాడు. ఇది సాధారణ పార్టీ కాదని, ఇందులో హద్దులు లేని ఎంజాయ్‌మెంట్ సరదా ఉంటుందని మైనర్లను ఆకర్షించాడు. ఈ పార్టీకి పాస్‌లు తప్పనిసరి అనే కండీషన్ పెట్టాడు. పార్టీకి ఒక్కరు హాజరుకావాలంటే రూ.1,600 పాస్, జంటగా వస్తే రూ.2,800గా పాస్ ధర నిర్ణయించాడు.

ఇన్‌స్టాలో ఈ ప్రకటనను చూసిన మైనర్లు పార్టీకి ఉత్సాహంగా సిద్ధమయ్యారు. నగరంలోని వివిధ ప్రాంతాలకు చెందిన దాదాపు 50 మంది మైనర్లు శనివారం మధ్యాహ్నం 2 గంటల నుంచి రాత్రి 10 గంటల వరకు మొయినాబాద్‌లోని ఓక్స్ ఫామ్‌హౌస్‌లో ట్రాప్ హౌస్ పార్టీని ఆ డీజే ఏర్పాటు చేశాడు. 

#drugs #Moinabad farmhouse #hyderabad #farmhouse party
సంబంధిత కథనాలు
Advertisment
తాజా కథనాలు