Crime News: బాచుపల్లి ప్రాంతంలో ఓ సూట్‌కేస్‌లో గుర్తు తెలియని యువతి మృతదేహం బయటపడిన విషయం తెలిసిందే. ఈ ఘటన హైదరాబాద్‌లో తీవ్ర కలకలం రేపుతోంది. ఈ హత్య కేసు ప్రస్తుతం పోలీసులకు పెద్ద సవాలుగా మారింది. మృతదేహం పాడైపోయిన స్థితిలో ఉండటంతో.. దానికి గల ఆధారాలు గుర్తించడం పోలీసులకు సవాలుగా మారింది. ఘటన స్థలానికి చేరుకున్న పోలీసులు తొలుత శవాన్ని బయటకు తీసి పరిశీలించగా.. ఆమె మెడ చుట్టూ గాయాలున్నట్టు కనిపించింది. దీనితో వైర్ బిగించి హత్య చేసినట్టుగా అనుమానాలు వ్యక్తమవుతున్నాయి.

అనాథ శవంగా ఉన్న .. 

పోలీసులు ప్రాథమికంగా మృతురాలి శరీరంపై ఉన్న దుస్తులు, చేతిలోని మట్టి గాజుల ఆధారంగా ఆమె నార్త్ ఇండియాకు చెందినవారి కావచ్చని భావిస్తున్నారు. మృతురాలిని ఇప్పటివరకు ఎవరూ గుర్తించకపోవడం, ఆమెకు సంబంధించి ఫిర్యాదు రావకపోవడంతో, మృతదేహం బయటపడిన ప్రదేశం నిర్మానుష్యంగా ఉండటంతో అక్కడ సీసీ కెమెరాలు లేకపోవడం విచారణను మరింత సంక్లిష్టం చేసింది. ఈ కేసును ఛేదించేందుకు పోలీసులు నాలుగు ప్రత్యేక దర్యాప్తు బృందాలను ఏర్పాటు చేశారు. బాచుపల్లి, బొల్లారం, దుండిగల్ పరిసర ప్రాంతాల్లో పోలీసులు గాలింపు చర్యలు ముమ్మరం చేశారు. అక్కడి రహదారులపై ఉన్న సీసీ కెమెరా ఫుటేజీలను ఖంగుతీరిగ పరిశీలిస్తున్నారు. మృతురాలి వివరాలను గుర్తించేందుకు నిరంతరం కృషి చేస్తున్నారు.

ఇది కూడా చదవండి: ఈ ఆహారాలు ఆ ప్రమాదాన్ని తగ్గిస్తాయి.. వెంటనే వాటిని తినడం ప్రారంభించండి!

ఘటనాస్థలాన్ని పరిశీలించిన బాలానగర్ డీసీపీ సురేష్ కుమార్.. ఇది ఒక ప్రీ ప్లాన్డ్ హత్యగా అనుమానం వ్యక్తం చేశారు. మృతదేహాన్ని గుర్తించడానికి, హత్య వెనుక ఉన్న కారణాలను వెలికితీయడానికి, ఆధారాలు సేకరించడానికి ప్రత్యేకమైన బృందాలు పని చేస్తున్నాయని తెలిపారు. పోలీసుల అంచనాల ప్రకారం.. మృతురాలి హత్య జరిగి కనీసం మూడు రోజులైనా ఉంటుందని భావిస్తున్నారు. మృతదేహాన్ని బయటపడకుండా కప్పిపుచ్చే ఉద్దేశంతో సూట్‌కేస్‌లో పెట్టి నిర్మానుష్య ప్రదేశంలో వదిలేసినట్లుగా అనుమానిస్తున్నారు. ప్రస్తుతం ఈ కేసు హైదరాబాద్ నగరంలోని మోస్ట్ మిస్టీరియస్ క్రైమ్‌గా మారింది. ఆధారాలు లేని ఈ హత్యను ఛేదించేందుకు పోలీసులు కొత్త కోణాలను విశ్లేషిస్తున్నారు. ప్రజలు ఎవరైనా ఆమె గురించి సమాచారం ఉంటే పోలీసులకు తెలియజేయాలంటూ కోరుతున్నారు.

ఇది కూడా చదవండి: ఢిల్లీ సాకేత్ కోర్టులో ఖైదీల మధ్య ఘర్షణ.. ఓ వ్యక్తి దుర్మరణం

( ts-crime | ts-crime-news | Latest News | telugu-news | crime news)