కవిత బతుకమ్మ సంబరాలు.. వీడియో వైరల్!

ఈ ఏడాది బతుకమ్మ సంబరాల్లో కవిత కనిపించపోవడంపై బీఆర్ఎస్ శ్రేణులు, మహిళలు, అభిమానులు తీవ్ర నిరాశకు లోనవుతున్నారు. బతుకమ్మను ఘనంగా జరుపుకునే కవిత ప్రజలకు బతుకమ్మ శుభాకాంక్షలు కూడా చెప్పకపోవడం చర్చనీయాంశమైంది. కవిత పాత వీడియోలు వైరల్ అవుతున్నాయి.

author-image
By srinivas in తెలంగాణ Latest News In Telugu
New Update
dfdferdfererf

Kavitha Bathukamma: తెలంగాణ రాష్ట్రం ఏర్పడిన తర్వాత బతుకమ్మ పండుగను మరింత ఘనంగా జరుపుకుంటున్నాం. ముఖ్యంగా కేసీఆర్ కూతురు, ఎమ్మెల్సీ కవిత రాష్ట్రవ్యాప్తంగా బతుకమ్మ సంబరాల్లో సందడి చేసేవారు. జాగృతి పేరిట ఈ పూల పండుగను విశ్వవ్యాప్తం చేయడంలో ఆమె కీలక పాత్ర పోషించారు. అయితే ఢిల్లీ లిక్కర్ స్కామ్ కేసులో జైలుకెళ్లి ఇటీవలే బెయిల్ పై విడుదలైన కవిత.. ఈ యేడాది బతుకమ్మ సంబరాల్లో ఎక్కడా కనిపించట్లేదు. దసరాకు ముందే ఆమెకు బెయిల్ రావడంతో పండుగ వేడుకల్లో కవిత పాల్గొంటారని అంతా భావించారు. కానీ కవిత మాత్రం ఉలుకుపలుకు లేకుండా మౌనంగా ఉంటున్నారు. కనీసం ప్రజలకు బతుకమ్మ శుభాకాంక్షలు కూడా చెప్పకపోవడం చర్చనీయాంశమైంది. ఆమె ఎందుకు ఇలా ఉంటున్నారనే విషయంలో ఆసక్తి నెలకొంది. 

ఇదిలా ఉంటే.. ప్రతి యేడాది తెలంగాణ భవన్ తో పాటు గవర్నమెంట్ ఆఫీసులు, అధికారిక బతుకమ్మ వేడుకల్లో కవిత స్పెషల్ అట్రాక్షన్ గా నిలిచేవారు. అమ్మలక్కలతో కలిసి ఆడిపాడేవారు. స్వయంగా బతుకమ్మ పాటలు పాడి అలరించేవారు. డ్యాన్స్ చేసి సందడి చేసేవారు. తెలంగాణ బతుకమ్మ అంటే కవిత.. కవిత అంటే బతుకమ్మ అనే రేంజ్ లో బీఆర్ఎస్ శ్రేణులు గొప్పగా చెప్పుకునేవారు. అలాంటి కవిత ఇప్పుడు మూగబోవడంపై ఆమె అభిమానులు, సన్నిహితులు నిరాశకు లోనవుతున్నారు. 

ఈ బతుకమ్మ వేడుకల్లో కవిత పాల్గొంటారని భావించిన వారంతా డిజప్పాయింట్ అవుతున్నారు. ఆమె కనీసం బతుకమ్మ శుభాకాంక్షలు కూడా చెప్పకపోవడంపై ఆందోళన చెందుతున్నారు. ఇంట్లో బతుకమ్మ వేడుకలకు సంబంధించి కనీసం ఒక్కపోస్ట్ కూడా కవిత పోస్ట్ చేయకపోవడంపై అసంతృప్తి వ్యక్తం చేస్తున్నారు. ఈ రోజుతో బతుకమ్మ పండుగ ముగియనుండగా సాయంత్రంలోపైన కవిత కనిపిస్తుందా లేదా అనే ఉత్కంఠతో ఎదురుచూస్తున్నారు. 

 

#saddula-batukamma #brs-mlc-kavita
సంబంధిత కథనాలు
Advertisment
Advertisment
తాజా కథనాలు