TS Police: పెండింగ్ చలాన్లపై భారీ డిస్కౌంట్లు.. ఏకంగా 90 శాతం వరకు.. వివరాలివే!

తెలంగాణ పోలీసులు (Telangana Police) వాహనాదారులకు మరో సారి అదిరిపోయే శుభవార్త చెప్పారు. పెండింగ్ చలానాలపై డిస్కౌంట్లను ప్రకటించారు. ఈ నెల 26 నుంచి జనవరి 10 వరకు పెండింగ్ చలాన్లపై రాయితీ అమల్లోకి ఉంటుంది. ఆ తేదీల్లోపు చెల్లించిన వారికి మాత్రమే రాయితీ వర్తించనుంది.
ఇది కూడా చదవండి:New Year 2024: న్యూ ఇయర్ వేడుకలపై సీపీ కఠిన ఆంక్షలు.. వారికి హెచ్చరికలు!

-ఆర్టీసీ బస్సులు, తోపుడు బండ్లపై ఉన్న చలాన్లకు 90 శాతం డిస్కౌంట్

- టూ వీలర్స్ కు 80 శాతం

- ఫోర్ వీలర్స్, ఆటోలకు 60

- భారీ వాహనాలకు 50 శాతం

వాహనదారులు ఈ చలాన్లను డిస్కౌంట్ తో ఆన్లైన్ లేదా మీసేవ సెంటర్లలో చెల్లించుకునే అవకాశం ఉంటుంది. 2022 మార్చిలోనూ చలాన్లపై డిస్కౌంట్ ఇచ్చి వసూలు చేశారు పోలీసులు. ఆ సమయంలో మొత్తం రూ.300 కోట్లు వసూలవడం విశేషం. అయితే.. ఆ తర్వాత జనరేట్ అయిన చలాన్లకు మళ్లీ డబ్బులు వసూలు కాలేదు. ప్రస్తుతం 2 కోట్లకు పైగా చలానాలు పెండింగ్ లో ఉన్నట్లు పోలీసుల లెక్కలు చెబుతున్నాయి. ఈ నేపథ్యంలో ఆయా చలాన్లను క్లీయర్ చేయడం కోసం స్పెషల్ డ్రైవ్ నిర్వహిస్తోంది పోలీస్ శాఖ.