Telangana: రేవంత్ రెడ్డితో పాటు 11 మంది మంత్రుల ప్రమాణ స్వీకారం..

Along with Revanth Reddy as Chief Minister, 11 Ministers Took Oath : తెలంగాణ (Telangana)నూతన ప్రభుత్వం ఇవాళ కొలువుదీరనుంది. ముఖ్యమంత్రిగా రేవంత్ రెడ్డితో పాటు.. 11 మంది మంత్రులుగా ప్రమాణ స్వీకారం చేయనున్నారు. మంత్రి పదవి కేటాయించిన వారికి రేవంత్ రెడ్డి, తెలంగాణ కాంగ్రెస్ (Congress)రాష్ట్ర పార్టీ ఇన్‌ఛార్జ్ మాణిక్ రావు ఠాక్రే ఫోన్లు చేశారు. డిప్యూటీ సీఎంగా మల్లు భట్టి విక్రమార్కను నియమించారు. ఈ మేరకు మంత్రుల లిస్ట్ రాజ్‌భవన్‌కు చేరుకుంది. మంత్రులుగా ఉత్తమ్ కుమార్ రెడ్డి, సీతక్క, కోమటిరెడ్డి వెంకట్ రెడ్డి, దామోదర రాజనర్సింహ, పొన్నం ప్రభాకర్, శ్రీధర్ బాబు, తుమ్మల నాగేశ్వరరావు, పొంగులేటి శ్రీనివాస్ రెడ్డి, జూపల్లి కృష్ణా రావు, కొండా సురేఖ ప్రమాణ స్వీకారం చేయనున్నారు.

అయితే, మంత్రుల జాబితాలో ఉన్న వారికి మాణిక్ రావు ఠాక్రే ఫోన్ చేసి సమాచారం అందించారు. ఇవాళ మధ్యాహ్నం 1.04 గంటలకు ముఖ్యమంత్రిగా రేవంత్ రెడ్డి ప్రమాణ స్వీకారం చేయనున్నారు. ఈ సమయంలోనే మంత్రులు సైతం ప్రమాణ స్వీకారం చేయనున్నారు.

Also Read:

ఇప్పుడు కాదు.. ఆ తరువాతే.. కాన్వాయ్‌కు నో చెప్పిన రేవంత్..

 తెలంగాణ సీఏంగా నేడు రేవంత్ రెడ్డి ప్రమాణస్వీకారం.. హాజరవనున్న ప్రముఖులు..