పిచ్చెక్కిపోతారు భయ్యా.. వాట్సాప్‌లో 4 కొత్త AI ఫిచర్లు.. ఫొటో ఎడిటింగ్‌ కూడా

ప్రముఖ మెసేజింగ్ యాప్ వాట్సాప్ తన యూజర్ల కోసం సరికొత్త 'ఏఐ' ఫీచర్లను తీసుకువస్తోంది. ముఖ్యంగా వాట్సాప్ స్టేటస్ ప్రియుల కోసం మెటా ఏఐ సహకారంతో అద్భుతమైన ఎడిటింగ్ టూల్స్‌ ప్రవేశపెడుతోంది. దీనివల్ల థర్డ్ పార్టీ యాప్‌ల అవసరం లేకుండానే ఫోటోలను సూపర్‌గా మార్చుకోవచ్చు.

📝 WhatsApp beta for iOS 25.37.10.73: what's new?

WhatsApp is rolling out a feature that integrates AI-powered Imagine capabilities into status updates, and it's available to some beta testers!https://t.co/0Pi5A0UeP1pic.twitter.com/zXGhJaJYTa

— WABetaInfo (@WABetaInfo) December 25, 2025

ఈ కొత్త అప్‌డేట్‌లో ఏఐ ఫీచర్లు.. 

1. ఇమాజిన్ టూల్స్
వాట్సాప్ స్టేటస్ ఎడిటర్‌లో కొత్తగా 'ఇమాజిన్' అనే ఆప్షన్ కనిపిస్తుంది. దీని ద్వారా యూజర్లు తమ ఫోటోలను రకరకాల విజువల్ స్టైల్స్‌లోకి మార్చుకోవచ్చు. 3D, కామిక్ బుక్, అనిమే, పెయింటింగ్, కావాయి, క్లాసికల్ వంటి స్టైల్స్‌లో ఫోటోను రీ-డిజైన్ చేయవచ్చు. ఒకవేళ ఏఐ జనరేట్ చేసిన ఇమేజ్ నచ్చకపోతే, 'రీడూ' బటన్ నొక్కి మరో కొత్త వెర్షన్‌ను పొందవచ్చు.

2. బ్యాక్-గ్రౌండ్ ఎడిటింగ్, ఆబ్జెక్ట్ రిమూవల్
ఈ ఫీచర్‌తో ఫోటోలోని బ్యాక్-గ్రౌండ్‌ను పూర్తిగా మార్చవచ్చు. ఫోటోలో మీకు నచ్చని వస్తువులు లేదా వ్యక్తులు ఉంటే, ఏఐ సాయంతో వాటిని సులభంగా తొలగించవచ్చు. ఆ ఖాళీ ప్రదేశాన్ని ఏఐ న్యాచురల్‌గా క్రియేట్ చేస్తుంది. 

3. టెక్స్ట్ ప్రాంప్ట్ ద్వారా ఎడిటింగ్
మీరు ఒక సాధారణ ఫోటోను అప్‌లోడ్ చేసి, దానికి సంబంధించిన చిన్న టెక్స్ట్ ప్రాంప్ట్ ఇస్తే చాలు, ఏఐ ఆ ఫోటోను మీకు కావాల్సినట్లు మార్చేస్తుంది.

4. ఫోటో టు యానిమేషన్
స్టిల్ ఫోటోలను చిన్నపాటి యానిమేషన్ వీడియోలుగా మార్చే సౌకర్యం కూడా వస్తోంది. దీనివల్ల మీ స్టేటస్ అప్‌డేట్‌లు మరింత ఆకర్షణీయంగా, చురుగ్గా కనిపిస్తాయి.

ఎప్పుడు అందుబాటులోకి వస్తుంది?
ప్రస్తుతం ఈ ఫీచర్ iOS, ఆండ్రాయిడ్ బీటా వెర్షన్లలో పరీక్షించబడుతోంది. 2026 ప్రారంభం నాటికి ఇది సాధారణ యూజర్లందరికీ అందుబాటులోకి వచ్చే అవకాశం ఉంది. ఈ ఏఐ ఫీచర్లు వాడినప్పటికీ, మీ వ్యక్తిగత చాట్‌లు, కాల్‌లు ఎల్లప్పుడూ ఎండ్-టు-ఎండ్ ఎన్‌క్రిప్టెడ్గానే ఉంటాయని వాట్సాప్ స్పష్టం చేసింది.