Google: దీపావళి బంపరాఫర్.. కేవలం రూ.11కే 2TB క్లౌడ్ స్టోరేజ్

పండుగ సీజన్‌ను పురస్కరించుకుని, టెక్ దిగ్గజం గూగుల్ భారతీయ వినియోగదారులకు అద్భుతమైన 'గూగుల్ వన్' దీపావళి ఆఫర్‌ను ప్రకటించింది. ఈ బంపర్ ఆఫర్ కింద, 2TB క్లౌడ్ స్టోరేజ్ ప్లాన్‌తో సహా అన్ని ప్లాన్‌లను కేవలం రూ.11కే పొందవచ్చు. ఇది కేవలం లిమిటెడ్ పీరియడ్ ఆఫర్ కాబట్టి, వివరాలను తెలుసుకుని వెంటనే క్లెయిమ్ చేసుకోవాలి. గూగుల్ వన్ సబ్‌స్క్రిప్షన్‌లోని లైట్ (30GB), బేసిక్ (100GB), స్టాండర్డ్ (200GB), మరియు ప్రీమియం (2TB) ప్లాన్‌లు అన్నీ కూడా మొదటి మూడు నెలల పాటు నెలకు కేవలం రూ.11కే లభిస్తాయి. దీంతో మీ ఫొటోస్, వీడియోలు స్టోర్ చేసుకోవచ్చు.

ప్రీమియం ప్లాన్ (2TB): ఈ ప్లాన్ సాధారణంగా నెలకు రూ. 650 కాగా, ఆఫర్‌లో భాగంగా మూడు నెలల పాటు కేవలం రూ. 11కే లభిస్తుంది.

ఇతర ప్లాన్‌లు: 100GB (సాధారణ ధర నెలకు రూ. 130), 200GB (సాధారణ ధర నెలకు రూ. 210) ప్లాన్‌లు కూడా రూ. 11కే అందుబాటులో ఉన్నాయి.

ఈ స్టోరేజ్ గూగుల్ డ్రైవ్, జీమెయిల్, గూగుల్ ఫొటోస్ అన్నింటికీ వర్తిస్తుంది. అలాగే, 2TB స్టోరేజ్‌ను కుటుంబ సభ్యులతో పంచుకునే అవకాశం కూడా ఉంటుంది.

ఈ ఆఫర్ ధరలు కేవలం మొదటి మూడు నెలలకే వర్తిస్తాయి. ఆ తర్వాత సాధారణ నెలవారీ ధరలు తిరిగి అమలులోకి వస్తాయి.

This festive season don’t let storage stop your festive clicks 📸 Google One and Airtel have got your back(ups) ✨

For Airtel prepaid users, claim it on the Airtel Thanks App.

For Google One Diwali offer, tap this link to know more 👇🔗https://t.co/4W2jffm5LIpic.twitter.com/3PXE86rBOb

— Google India (@GoogleIndia) October 17, 2025

క్లెయిమ్ చేయడిలా: 
ఈ దీపావళి ఆఫర్ అక్టోబర్ 31 వరకు మాత్రమే అందుబాటులో ఉంటుంది. దీన్ని క్లెయిమ్ చేసుకోవడానికి ఈ కింది విధంగా చేయండి. ముందుగా, మీ స్మార్ట్‌ఫోన్ లేదా కంప్యూటర్‌లో Google One వెబ్‌సైట్ (లేదా యాప్) ను ఓపెన్ చేయండి. మీ గూగుల్ అకౌంట్‌తో లాగిన్ అవ్వండి. 'స్టోరేజ్ అప్‌గ్రేడ్' లేదా 'ప్లాన్‌లు' అనే ఆప్షన్‌పై క్లిక్ చేయండి. మీకు కావలసిన ప్రీమియం 2TB ప్లాన్‌తో సహా ఏదైనా ప్లాన్‌ను ఎంచుకోండి. సబ్‌స్క్రిప్షన్ పేజీలో, మీకు తగ్గింపు ధర (రూ. 11) కనిపిస్తుంది. మీ పేమెంట్ వివరాలను నమోదు చేసి, ఆఫర్‌ను విజయవంతంగా క్లెయిమ్ చేసుకోండి. క్లౌడ్ స్టోరేజ్ అవసరం ఉన్నవారికి, 2TB ప్లాన్‌ను ఇంత తక్కువ ధరకు పొందడానికి ఇది నిజంగా గొప్ప అవకాశం.