అనేక విషయాల్లో తన మాటను బీజేపీ హైకమాండ్ పట్టించుకోకపోవడంతో బండి సంజయ్ తీవ్ర ఆవేదన వ్యక్తం చేస్తున్నట్లు సమాచారం. ముఖ్యంగా తనకు రెండు సీట్లలో పోటీ చేయడానికి అవకాశం ఇవ్వకపోవడంతో ఆయన అసంతృప్తిగా ఉన్నట్లు వార్తలు వస్తున్నాయి.
తెలంగాణ ఎన్నికలకు సంబంధించి కాంగ్రెస్ పార్టీ ఏర్పాటు చేసిన మేనిఫెస్టో కమిటీ బుధవారం గాంధీభవన్ లో సమావేశమైంది. తాము అధికారంలోకి వస్తే వార్డు సభ్యులకు సైతం గౌరవ వేతనం ఇవ్వాలన్న ప్రతిపాదనలపై ఈ సమావేశంలో చర్చించినట్లు తెలుస్తోంది.
తెలంగాణలో జరగనున్న అసెంబ్లీ ఎన్నికల కోసం బీజేపీ తన బడా లీడర్లను రంగంలోకి దింపుతోంది. ప్రధాని మోదీ, కేంద్ర హోం మంత్రి అమిత్షా, పార్టీ జాతీయ అధ్యక్షుడు జేపీ నడ్డాతో భారీ బహిరంగ సభలకు బీజేపీ ప్లాన్ చేసింది. మొత్తం 25 బహిరంగ సభలు ప్లాన్ చేయగా.. అందులో మోదీ 5 సమావేశాల్లో ప్రసంగించనున్నారని సమాచారం. హైదరాబాద్ రోడ్ షోలోనూ మోదీ పాల్గొంటారని తెలుస్తోంది. అటు అమిత్ షా 8-10 సమావేశాలకు జేపీ నడ్డా కనీసం 10 సమావేశాల్లో పాల్గొంటారని తెలుస్తోంది.
బీసీ మహిళనైన తనకే వేములవాడ బీజేపీ టికెట్ దక్కుతుందని తుల ఉమ ధీమా వ్యక్తం చేశారు. తనను గెలిపించుకోవడానికి ప్రజలు సిద్ధంగా ఉన్నారన్నారు. బండి సంజయ్ తనకు సోదరుడితో సమానమని.. ఆయన తన టికెట్ కు ఎందుకు అడ్డుపతున్నాడో అర్థం కావడం లేదన్నారు.
నియోజకవర్గ అభివృద్ధి కార్యక్రమం (సీడీపీ) నిధుల వినియోగంలో హైదరాబాద్ జిల్లాలో MIM నేతలు తొలి మూడు స్థానాల్లో ఉన్నారు. కార్వాన్ ఎమ్మెల్యే కౌసర్ మొయినుద్దీన్, నాంపల్లి ఎమ్మెల్యే జాఫర్ హుస్సేన్ మెరాజ్, బహదూర్పురా ఎమ్మెల్యే మహ్మద్ మౌజంఖాన్ ఫస్ట్ 3 స్థానాల్లో ఉండగా.. చివరి స్థానంలో ముషీరాబాద్ ఎమ్మెల్యే ముఠా గోపాల్(బీఆర్ఎస్) ఉన్నారు. హైదరాబాద్ జిల్లాలో మొత్తం 15 నియోజవర్గాలున్నాయి.
తెలంగాణ బీజేపీలో వేములవాడ, రాజేంద్రనగర్ టికెట్ల విషయంలో ముఖ్య నేతల మధ్య విభేదాలు చోటు చేసుకుంటున్నట్లు తెలుస్తోంది. వేములవాడ టికెట్ ను తుల ఉమకు ఇవ్వాలని ఈటల పట్టుబడుతుండగా.. మాజీ గవర్నర్ విద్యాసాగర్ రావు తన కుమారుడికి ఇవ్వాలని ముఖ్య నేతలపై ఒత్తిడి తెస్తున్నారు. చేవెళ్ల నియోజకవర్గంలో ఒక్క సీటును కూడా రెడ్లకు ఇవ్వకపోవడంపై మాజీ ఎంపీ కొండా విశ్వేశ్వర్ రెడ్డి అలకవహించినట్లు సమాచారం.
బీజేపీకి డీకే అరుణ, విజయశాంతి కూడా గుడ్ బై చెప్పే అవకాశం ఉందని తెలుస్తోంది. వారిద్దరు కాంగ్రెస్ లో చేరుతారన్న ప్రచారం సాగుతోంది. గద్వాల నుంచి పోటీ చేస్తే తాను గెలిచే అవకాశం లేదని డీకే అరుణ భావిస్తున్నట్లు సమాచారం. విజయశాంతి కూడా పార్టీ తీరుపై తీవ్ర అసంతృప్తిగా ఉన్నట్లు తెలుస్తోంది.
తెలంగాణ కాంగ్రెస్ రెండో జాబితా విడుదలకు ఆ పార్టీ హైకమాండ్ కసరత్తు ప్రారంభించింది. ఈ రోజు జరుగుతున్న కేంద్ర ఎన్నికల కమిటీ సమావేశానికి సోనియాగాంధీ మల్లికార్జున ఖర్గే , కేసీ వేణుగోపాల్, రేవంత్ రెడ్డి, మల్లు భట్టి విక్రమార్క హాజరయ్యారు. ఈ రోజు రాత్రికి సెకండ్ లిస్ట్ ప్రకటించే అవకాశం ఉంది.
తెలంగాణ రాజకీయాల్లో మరో కీలక పరిణామం చోటు చేసుకునే అవకాశం ఉంది. జనసేన చీఫ్ పవన్ కల్యాణ్ ఈ రోజు స్పెషల్ ఫ్లైట్లో కిషన్ రెడ్డితో కలిసి ఢిల్లీకి వెళ్లారు. ఈ రోజు సాయంత్రం అమిత్ షా, జేపీ నడ్డాను ఆయన కలిసి తెలంగాణ ఎన్నికల్లో పొత్తులపై చర్చించనున్నట్లు తెలుస్తోంది.
/rtv/media/post_attachments/wp-content/uploads/2023/10/Minister-KTR-2-1-jpg.webp)
/rtv/media/post_attachments/wp-content/uploads/2023/08/FotoJet6-1-jpg.webp)
/rtv/media/post_attachments/wp-content/uploads/2023/09/congress-1-jpg.webp)
/rtv/media/post_attachments/wp-content/uploads/2023/10/modi-bjp-jpg.webp)
/rtv/media/post_attachments/wp-content/uploads/2023/10/Tula-Uma-jpg.webp)
/rtv/media/post_attachments/wp-content/uploads/2023/10/charminar-jpg.webp)
/rtv/media/post_attachments/wp-content/uploads/2023/10/TS-BJP-1-jpg.webp)
/rtv/media/post_attachments/wp-content/uploads/2023/10/TS-Politics--jpg.webp)
/rtv/media/post_attachments/wp-content/uploads/2023/10/TS-Congress-Second-List-jpg.webp)
/rtv/media/post_attachments/wp-content/uploads/2023/10/57-1-jpg.webp)
