పీజేఆర్ కొడుకు, కాంగ్రెస్ మాజీ ఎమ్మెల్యే విష్ణువర్ధన్ రెడ్డి ఇంటికి మంత్రి హరీష్ రావు వెళ్ళారు. విష్ణుని కలిసి బీఆర్ఎస్ లోకి రావాలని ఆహ్వానించారు. నిన్న రాత్రి విష్ణువర్ధన్ తెలంగాణ సీఎం కేసీఆర్ను కూడా కలిశారు. ఈ నేపథ్యంలో ఆయన బీఆర్ఎస్ లో చేరుతున్నట్లు ప్రకటించారు.
తెలంగాణలో వలస రాజకీయాలు పెరుగుతున్నాయి. కాంగ్రెస్ లో టికెట్ల వ్యవహారంలో అసంతృప్తితో ఉన్న సీనియర్ నేతలు ఆ పార్టీని వీడి బీఆర్ఎస్ చెంతకు చేరుతున్నారు. ఈ క్రమంలోనే కాంగ్రెస్ పార్టీ నుంచి ముగ్గురు సీనియర్ నేతలు కారెక్కగా, ఒక బీజేపీ నేత బీఆర్ఎస్ లోకి జంప్ అయ్యారు.
కాంగ్రెస్ నేత ఎర్ర శేఖర్ బీఆర్ఎస్ పార్టీలో చేరారు. మంత్రి కేటీఆర్ సమక్షంలో ఈ రోజు ఆయన గులాబీ కండువా కప్పుకున్నారు. ఇదే ఉమ్మడి మహబూబ్ నగర్ జిల్లాకు చెందిన మాజీ మంత్రి నాగం జనార్దన్ రెడ్డి కూడా కాంగ్రెస్ ను వీడి బీఆర్ఎస్ లో చేరే అవకాశం ఉన్నట్లు వార్తలు వస్తున్నాయి.
తెలంగాణ కాంగ్రెస్కు మరో గట్టి షాక్ తగలనుంది. ఆ పార్టీ సీనియర్ నేత నాగం జనార్ధన్ రెడ్డి కాంగ్రెస్ ను వీడనున్నట్లు సమాచారం. నాగం నాగర్ కర్నూల్ టికెట్ దక్కకపోవడంతో కాంగ్రెస్ కు గుడ్ బై చెప్పాలని నిర్ణయించుకున్నట్లు తెలుస్తోంది. నాగం మరో రెండు మూడు రోజుల్లో బీఆర్ఎస్ లో చేరే ఛాన్స్ ఉంది. ఆదివారం సాయంత్రం మంత్రి కేటీఆర్ తో నాగం జనార్ధన్ రెడ్డి భేటీ అవుతారని సమాచారం.
నల్లగొండ జిల్లాలో అధికార బీఆర్ఎస్ పార్టీకి వరుసగా షాక్ల మీద షాక్లు తగులుతున్నాయి. పార్టీని వీడి కాంగ్రెస్లో చేరే వారి సంఖ్య నానాటికి పెరిగిపోతుంది. తాజాగా తెలంగాణ శాసనమండలి చైర్మన్ గుత్తా సుఖేందర్ రెడ్డి ప్రధాన అనుచరులు దేవరకొండ ప్రాంతానికి చెందిన కొందరు నేతలు కాంగ్రెస్లోకి జంప్ అయ్యారు. దేవరకొండ మున్సిపల్ చైర్మన్ అలంపల్లి నరసింహ, ఎంపీపీ జాన్ యాదవ్, సిరందాస్ కృష్ణయ్య, లక్ష్మమ్మ, కృష్ణయ్య, వడ్త్యా దేవేందర్ నాయక్ సహా పలువురు కాంగ్రెస్లో చేరారు.
సీఈసీలో తన పేరు పై చర్చించాలంటే కాంగ్రెస్ లో చేరాలనే నిబంధన ఉందని... అందుకే రాత్రికి రాత్రే పార్టీలో చేరినట్లు కోమటిరెడ్డి రాజగోపాల్ రెడ్డి తెలిపారు. కాంగ్రెస్ అధ్యక్షుడు మల్లికార్జున్ ఖర్గే సమక్షంలో శుక్రవారం కాంగ్రెస్ కండువా కప్పుకోనున్నట్లు వివరించారు.
బాధ్యత కలిగిన వ్యక్తిగా ఎమ్మెల్యే వివేకానంద్ తనపై దాడి చేసిన సమయంలో సంయమనం పాటించానని బీజేపీ నేత కూన శ్రీశైలం గౌడ్ అన్నారు. ప్రజలు ప్రశ్నించడంతోనే ఎమ్మెల్యే ఫస్ట్రేషన్ కు గురవుతున్నాడంటూ ధ్వజమెత్తారు. ఈ సారి తన గెలుపు ఖాయమని ధీమా వ్యక్తం చేశారు.
ఎమ్మెల్సీ కూచుకుళ్ల దామోదర్ రెడ్డి గురువారం తన పదవికి , పార్టీకి రాజీనామా చేశారు. ఈ సందర్భంగా ఆయన కేసీఆర్ కి తన రాజీనామా లేఖను పంపించారు.మరికొద్ది రోజుల్లో ప్రియాంక గాంధీ సభలో ఆయన కాంగ్రెస్ లో చేరుతున్నట్లు ఈ సందర్భంగా ప్రకటించారు.
ఎన్నికల సమయంలో రైతు బంధు నిధుల విడుదల ఆపాలని కాంగ్రెస్ ఈసీకి లేఖ రాయడాన్ని..బీఆర్ఎస్ తీవ్రంగా తప్పుబట్టింది. తెలంగాణ రైతులకు ద్రోహం చేసేలా కాంగ్రెస్ మరో కుట్రకు తెరలేపిందంటూ ఆగ్రహం వ్యక్తం చేసింది. రైతు సంక్షేమ పథకాలను కాంగ్రెస్ అడ్డుకునే కుట్ర చేస్తుందంటూ ఫైర్ అయ్యింది. కాంగ్రెస్ రైతు విద్రోహ చర్యలపై అన్నదాతలు సైతం మండిపడుతున్నారని బీఆర్ఎస్ అంటోంది. రైతుబంధుపై కాంగ్రెస్ అక్కసును తీవ్రంగా ఖండించింది. రైతులంగా కేసీఆర్ వెంట ఉన్నారన్న కారణంతోనే కాంగ్రెస్ ఇలాంటి కుట్రలు చేస్తోందంటూ ఆగ్రహం వ్యక్తం చేసింది. ఏఐసీసీకి కాంగ్రెస్ రాసిన లేఖపై మండిపడుతూ బీఆర్ఎస్ నేత దాసోజు శ్రవణ్ ప్రకటన విడుదల చేశారు.
/rtv/media/post_attachments/wp-content/uploads/2023/10/ktr-vs-revanth-jpg.webp)
/rtv/media/post_attachments/wp-content/uploads/2023/10/pvr-jpg.webp)
/rtv/media/post_attachments/wp-content/uploads/2023/10/brs.png)
/rtv/media/post_attachments/wp-content/uploads/2023/10/Erra-Shekhar-jpg.webp)
/rtv/media/post_attachments/wp-content/uploads/2023/10/05-1-jpg.webp)
/rtv/media/post_attachments/wp-content/uploads/2023/10/cong-vs-brs-jpg.webp)
/rtv/media/post_attachments/wp-content/uploads/2023/10/raj-jpg.webp)
/rtv/media/post_attachments/wp-content/uploads/2023/10/Kuna-Srishailam-Goud-jpg.webp)
/rtv/media/post_attachments/wp-content/uploads/2023/10/mlc-jpg.webp)
