Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

Farmers Protest Delhi

PM Modi : ఢిల్లీలో రైతుల నిరసన.. ప్రధాని మోడీ కీలక ట్వీట్

Published on by

PM Modi Tweet About Farmers : మరికొన్ని నెలల్లో జరగనున్న లోక్ సభ ఎన్నికల(Lok Sabha Elections) వేళ దేశరాజధాని ఢిల్లీ(Delhi) లో రైతులు చేస్తున్న ఆందోళన బీజేపీ(BJP) కి తలనొప్పిగా మారింది. తాజాగా రైతులు చేస్తున్న నిరసన(Farmers Strike) నేపథ్యంలో ప్రధాని మోడీ(PM Modi) ట్విట్టర్(X) వేదికగా కీలక ట్వీట్ చేశారు. రైతుల సంక్షేమం కోసమే తమ బీజేపీ ప్రభుత్వం పనిచేస్తోందని అన్నారు. వారి సంక్షేమం కోసం కేంద్రం కట్టుబడి ఉందని పేర్కొన్నారు. రైతుల లేవనెత్తిన ప్రతి డిమాండ్ ను తీర్చేందుకు తమ ప్రభుత్వం సిద్ధంగా ఉందని అన్నారు. చెరుకు పంటకు గిట్టుబాటు ధర పెంచడం చారిత్రక నిర్ణయం అని పేర్కొన్నారు. గిట్టు బాటు ధర పెంచడం వల్ల కోట్లాది మంది రైతులకు ప్రయోజనం కలుగుతుందని తెలిపారు. 

ఢిల్లీలో రైతు మృతి..

రైతులు చేపట్టిన చలో ఢిల్లీ మార్చ్‌(Chalo Delhi March) లో భాగంగా బుధవారం పంజాబ్‌- హర్యానా(Punjab-Haryana) సరిహద్దు శంభు వద్ద ఉద్రిక్తత వాతావరణం నెలకొంది. ఖానౌరీ సరిహద్దులో నిరసనకారులను అడ్డుకునే క్రమంలో హర్యానా పోలీసులు టియర్ గ్యాస్ షెల్స్‌ను ప్రయోగించారు. దీంతో ఒక రైతు తలకు గాయాలై మరణించాడు. పలువురు రైతులు తీవ్రంగా గాయపడ్డారు. ఇందుకు సంబంధించిన వీడియోలు వైరల్ అవుతున్నాయి.

ALSO READ: షణ్ముక్ అరెస్ట్.. వెలుగులోకి సంచలన విషయాలు

చర్చలకు కేంద్రం సిద్ధం..

అయితే ఒకవైపు ఘర్షణ వాతావరణం కొనసాగుతుంటే.. మరోవైపు కేంద్రం వారిని చర్చలకు ఆహ్వానించింది. ‘రైతుల డిమాండ్ల(Farmer’s Demands) పై మరోసారి చర్చించేందుకు కేంద్రం సిద్ధంగా ఉంది. చర్చలకు రైతు సంఘం నాయకులను ఆహ్వానిస్తున్నాం. శాంతియుత వాతావరణాన్ని కొనసాగించడం చాలా ముఖ్యం’ అంటూ కేంద్ర వ్యవసాయ శాఖ మంత్రి అర్జున్ ముండా ఎక్స్‌(ట్విటర్‌)లో పోస్టు పెట్టారు.

Farmers Protest: మంత్రుల కమిటీతో ప్రధాని మోదీ కూడా చర్చించాల్సిందే- రైతు సంఘాలు డిమాండ్

Published on by

Farmers Protest Delhi: దేశరాజధాని ఢిల్లీ సరిహద్దులే రైతులు ఆందోళనలు చేస్తున్న సంగతి తెలిసిందే. రైతులు చేస్తున్న డిమాండ్ల కోసం.. కేంద్రం తరఫున ముగ్గురు మంత్రుల కమిటీ రైతులతో చర్చలు జరపనుంది. అయితే ఈ సమస్యల పరిష్కారానికి మంత్రుల కమిటీతో పాటు ప్రధాని మోదీ (PM Modi) కూడా చర్చలు జరపాలని రైతు సంఘాల నాయకులు కోరుతున్నారు. ఈ నేపథ్యంలో.. గురువారం శంభు సరిహద్దు ప్రాంతంలో ‘కిసాన్‌ మజ్దూర్‌ సంఘర్ష్‌ కమిటీ’ (Kisan Mazdoor Sangharsh Committee) ప్రధాన కార్యదర్శి శర్వాన్‌ సింగ్ పంథేర్‌ (Sarvan Singh Pandher) మీడియాతో మాట్లాడారు. కేంద్ర ప్రభుత్వం తమ డిమాండ్లను అంగీకరించాలని.. లేకపోతే రైతులు శాంతియుతంగా ఆందోళన చేసేందుకు అనుమతి ఇవ్వాలని డిమాండ్ చేశారు.

Also Read: ఆ ఊరంతా ఐఏఎస్‌, ఐపీఎస్‌ అధికారులే.. ఎక్కడో తెలుసా..

అలా ఎలా చేస్తారు

పంజాబ్‌-హర్యానా సరిహద్దుల్లో రైతులపై భద్రత బలగాలు టియర్‌ గ్యాస్‌లు ప్రయోగించడాన్ని ఆయన ఖండించారు. ప్రభుత్వం మమ్మల్ని బలవంతంగా వెనక్కి పంపేందుకు చూస్తోందని మండిపడ్డారు. అందుకోసమే ఈ ప్రాంతంలో మొబైల్‌, ఇంటర్నేట్‌ సేవలు నిలిపివేశారని ఆగ్రహం వ్యక్తం చేశారు. తమ డిమాండ్లు నెరవేర్చే వరకు వెనక్కి వెళ్లే ప్రసక్తే లేదని స్పష్టం చేశారు. ఇదిలా ఉండగా.. రైతు పండింటే ప్రతి పంటకు కనీస మద్దతు ధర (MSP) పాటు ఇతర డిమాండ్లను కూడా నెరవేర్చాలని రైతు సంఘాలు ఢిల్లీ చలోకు (Delhi Chalo) పిలుపునిచ్చాయి.

చర్చలకు ‘సై’ అన్న కేంద్రం

దీంతో పంజాబ్, హర్యానాతో పాటు పలు రాష్ట్రాల నుంచి పెద్ద ఎత్తున రైతులు శంభు, ఖనౌరీ సరిహద్దు ప్రాంతాలకు చేరుకున్నారు. కానీ కేంద్ర ప్రభుత్వం (Central Government) వారిని అడ్డుకునేందుకు పెద్ద ఎత్తున బలగాలను మోహరించింది. బారికేడ్లు, కాంక్రీట్‌ దిమ్మెలు, ఇనుప ముళ్ల కంచెలను ఏర్పాటు చేసింది. వాటిని తొలగించేందుకు ప్రయత్నించిన రైతులపై పోలీసులు టియర్‌ గ్యాస్‌లు, రబ్బర్‌ బుల్లెట్లతో దాడులకు పాల్పడ్డారు. ఈ నేపథ్యంలో ఈ వ్యవహారంపై ఎట్టకేలకు దిగివచ్చిన కేంద్ర రైతు సంఘాలను చర్చలకు ఆహ్వానించింది.

ప్రధాని చర్చలు జరపాల్సిందే

గురువారం సాయంత్రం 5 గంటలకు చంఢీగర్‌లో కేంద్రమంత్రులు పీయూష్‌ గోయెల్‌ (Piyush Goyal), అర్జున్‌ ముండా, నిత్యానంద్‌ రాయ్‌లు.. రైతు సంఘాల నేతలతో సమావేశం కానున్నారు. అయితే ప్రధాని మెదీ.. ఆ ముగ్గురు కేంద్ర మంత్రులతో చర్చలు జరపాలని రైతులు కోరుతున్నారు. కేంద్రం రైతుల పట్ల ఎలాంటి నిర్ణయం తీసుకుంటుందోనని సర్వత్రా ఆసక్తి నెలకొంది. ఇదిలాఉండగా.. ‘భారత్‌ కిసాన్ యూనియన్‌’ పంజాబ్‌లో మధ్యాహ్నం 12 గంటల నుంచి సాయంత్రం 4 గంటల వరకు రైల్‌ రోకోకు పిలుపునిచ్చింది. మరోవైపు టోల్‌ప్లాజాల వద్ద ఉదయం నుంచి మధ్యాహ్నం 2 గంటల వరకు నిరసన చేపట్టాలని సంయుక్త కిసాన్‌ మోర్చా పిలుపునిచ్చింది.

Also Read: మోదీ ప్రభుత్వానికి బిగ్ షాక్‌ ..ఎలక్టోరల్‌ బాండ్స్‌ పై సుప్రీం కోర్టు సంచలన తీర్పు!

Farmers Protest: కదం తొక్కిన రైతులు.. ప్రధాన డిమాండ్లు ఇవే..

Published on by

Farmers Protest Delhi: లోక్‌సభ ఎన్నికలకు ముందు అన్నదాతలు మరోసారి ఢిల్లీ సరిహద్దుల్లో నిరసనలు చేయడం దేశవ్యాప్తంగా సంచలనం రేపుతోంది. కేంద్ర ప్రభుత్వం తమ డిమాండ్లును నెరవేర్చాలంటూ మరోసారి రణరంగంలోకి దిగారు. ఢిల్లీ ఛలో (Delhi Chalo) పేరుతో మంగళవారం హస్తినాలో పెద్ద ఎత్తున ఆందోళనలు చేస్తున్నారు. తమ సమస్యలను పరిష్కరించేందుకు కేంద్రం ముందుకురాకపోవడంతో.. పంజాబ్ (Punjab), హర్యానా (Haryana) రాష్ట్రాల నుంచి వేలాది మంది రైతులు ట్రాక్టర్లపై అక్కడికి తరలివచ్చారు. దీంతో ఢిల్లి సరిహద్దు వద్ద రాకపోకలు అంతరాయం కలిగింది.

రైతులు డిమాండ్లు ఏంటంటే

1. రైతులకు సాగు రుణాలను పూర్తిగా మాఫీ చేయాలి

2. MS స్వామినాథన్‌ (Swaminathan) సిఫార్సులకు తగ్గట్లుగా అన్ని పంటలకు కూడా మద్దతు ధర కల్పిస్తూ చట్టం తీసుకురావాలి

3. 2013 భూసేకరణ చట్టం అమలు చేయాలి.. నాలుగు రేట్ల పరిహారం చెల్లించారు.

4. WTOతో చేసుకున్నటువంటి ఒప్పందాలపై నిషేధం విధించాలి

5. రైతులకు అలాగే రైతు కూలీలకు పెన్షన్‌ (Pension) అందించాలి

6. విద్యుత్‌ సవరణ బిల్లు 2020ని ఉపసంహరించుకోవాలి

7. వ్యవసాయాన్ని ఉపాధి హామీ పథకానికి అనుసంధానించి 200 రోజులకు పని దినాలు పెంచాలి. రోజూవారీ కూలి రూ.700 అందించాలి

8. ఫేక్ విత్తనాలు, పురుగు మందుల తయారీదారులపై కఠినంగా చర్యలు తీసుకోవాలి

9. మిర్చి, పసుపు, సుగంధ పంటలకు సంబంధించి జాతీయ కమిషన్‌ను ఏర్పాటు చేయాలి

10. ఆదివాసుల హక్కులను, అటవీ భూములను రక్షించాలి

11. లఖిన్‌పురి ఖేరి ఘటనకు బాధ్యులైన వారిని శిక్షించి.. బాధిత రైతులను ఆదుకోవాలి

12. ఢిల్లీలో చేసిన రైతుల ఉద్యమంలో చనిపోయిన వారి కుటుంబాల్లో ఒకరికి ఉద్యోగం ఇవ్వాలి. అలాగే పరిహారం అందించాలి

Also Read: గుడ్ న్యూస్.. ముందుగానే డెమెన్షియా గుర్తించే విధానం రాబోతోంది!

కేంద్రం ప్రతిపాదనను తిరస్కరించిన ఢిల్లీ ప్రభుత్వం
ఢిల్లీ సరిహద్దు రైతులు పెద్ద ఎత్తున ఆందోళనలు చేస్తున్న నేపథ్యంలో.. కేంద్రం కీలక నిర్ణయం తీసుకుంది. ఛలో ఢిల్లీ పేరుతో రైతులు నిరసనకు దిగిన వేళ.. బవానా స్టేడియాన్ని జైలుగా మార్చాలని ఢిల్లీ ప్రభుత్వానికి ఆదేశించింది. కానీ కేంద్రం ప్రతిపాదనకు ఢిల్లీ సర్కార్ నో చెప్పింది. రైతుల డిమాండ్లు హేతుబద్ధమైనవని.. వాళ్లను అరెస్టు చేయడం పద్దతి కాదని ఢిల్లీ హోంమంత్రి కైలాష్ గెహ్లాట్ అన్నారు. శాంతియుతంగా ఆందోళనలు చేయడం అనేది ప్రతి పౌరునికి రాజ్యాంగం కల్పించిన హక్కు అంటూ గుర్తు చేశారు. ఇదిలా ఉండగా.. రైతుల డిమాండ్లకు సంబంధించి కేంద్ర ప్రభుత్వం ఇంతవరకు స్పందించలేదు. ఈ అంశంపై కేంద్రం ఎలాంటి చర్యలు తీసుకుంటుందో తెలియాలంటే మరికొన్ని గంటలు వేచి చూడాల్సిందే.

Also Read: 300 యూనిట్ల వరకు ఉచిత విద్యుత్.. దేశ ప్రజలకు మోదీ గుడ్‌న్యూస్!