Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

CAA

CAA : ఎన్నికల వేళ హోంశాఖ కీలక నిర్ణయం..14 మందికి భారత పౌరసత్వం మంజూరు!

Published on by

MHA Issues First Citizenship Certificates : దేశంలో ఎన్నికల(Elections) వేళ హోం వ్యవహారాల మంత్రిత్వ శాఖ(MHA) బుధవారం కీలక నిర్ణయం తీసుకుంది. పౌరసత్వ సవరణ చట్టం(CAA) కింద 14 మంది వ్యక్తులకు భారత పౌరసత్వాన్ని మంజూరు చేస్తూ.. పౌరసత్వ ధ్రువీకరణ సర్టిఫికెట్ మొదటి సెట్‌ను జారీ చేస్తున్నట్లు బుధవారం అధికారికంగా ప్రకటించింది.

Also Read : వర్క్ ఫ్రమ్ హోమ్ పేరుతో మెగా మోసం.. రూ. 54 లక్షలు పోగొట్టుకున్న గర్భిణి..!

పౌరసత్వ (సవరణ) రూల్స్ 2024 నోటిఫికేషన్ తర్వాత మొదటి సెట్ పౌరసత్వ ధృవీకరణ పత్రాలు ఈ రోజు జారీ చేయబడ్డాయి. కేంద్ర హోంశాఖ కార్యదర్శి అజయ్ కుమార్ భల్లా ఈరోజు న్యూఢిల్లీలో కొంతమంది దరఖాస్తుదారులకు పౌరసత్వ ధ్రువీకరణ పత్రాలను అందజేశారు. ఈ సందర్భంగా హోం సెక్రటరీ దరఖాస్తుదారులను అభినందించారు. అలాగే పౌరసత్వం (సవరణ) రూల్స్ 2024 ముఖ్య లక్షణాలను హైలైట్ చేస్తూ హోం వ్యవహారాల మంత్రిత్వ శాఖ ట్వీట్ చేసింది.

ఈ మేరకు డిసెంబర్ 2019లో CAA అమలులోకి రాగా.. 2014 డిసెంబర్ 31 లేదా అంతకు ముందు వేధింపులకు గురై భారతదేశానికి వచ్చిన పొరుగు దేశాల ముస్లిమేతర వలసదారులకు ఆశ్రయం అందించి, పౌరసత్వాన్ని కల్పించడమే లక్ష్యంగా పెట్టుకుంది. ఇది పాకిస్థాన్, ఆఫ్ఘనిస్తాన్, బంగ్లాదేశ్ నుంచి హింసించబడిన ముస్లిమేతర వలసదారులకు భారత జాతీయతను కల్పించడమే దీని ముఖ్య ఉద్దేశం.

Mamata Banerjee: కనీసం 200 మార్కునైనా దాటుతారా.. బీజేపీకి దీదీ సవాల్..

Published on by

Mamata Banerjee Challenge BJP to 200 Seats: లోక్‌సభ ఎన్నికలు దగ్గరికొస్తున్నాయి. ఇప్పటికే అధికార, విపక్ష పార్టీలు ఎన్నికల రంగంలోకి దిగాయి. ఎన్నికల్లో 370 సీట్లు సాధించాలని.. ఎన్డీయే కూటమితో కలిపి 400 సీట్లు సాధించాలని బీజేపీ లక్ష్యంగా పెట్టుకున్న సంగతి తెలిసిందే. అయితే తాజాగా పశ్చిమ బెంగాల్ ముఖ్యమంత్రి మమతా బెనర్జీ బీజేపీపై సంచలన వ్యాఖ్యల వ్యాఖ్యలు చేశారు. పార్లమెంటు ఎన్నికల్లో కనీసం 200 మార్కునైనా దాటుతారా అంటూ ఆ పార్టీకి సవాలు చేశారు. 2021 అసెంబ్లీ ఎన్నికల్లో పశ్చిమ బెంగాల్‌లో 200కు పైగా స్థానాల్లో గెలుస్తామని బీజేపీ ప్రచారాలు చేసిందని.. చివరికి 77 సీట్లకే పరిమితమైందని ఎద్దేవా చేశారు.

Also Read: ప్రధాని మోదీనే కేజ్రీవాల్‌ను జైల్లో పెట్టారు-సునీత కేజ్రీవాల్

సీఏఏకు ఎవరూ దరఖాస్తు చేసుకోవద్దు

టీఎంసీ అభ్యర్థి మహువా మొయిత్రాకు మద్దతుగా ఆమె కృష్ణానగర్‌లో నిర్వహించిన ర్యాలీలో ఆమె మాట్లాడారు. బీజేపీకి వ్యతిరేకంగా మాట్లాడినందుకు.. తనపై దుష్ప్రచారాలు చేసి లోక్‌సభ నుంచి బహిష్కరించినట్లు పేర్కోన్నారు. అంతేకాదు పౌరసత్వ సవరణ చట్టాన్ని (CAA)ను పశ్చిమ బెంగాల్‌లో అమలు చేయమంటూ దీదీ స్పష్టం చేశారు. సీఏఏకు అప్లై చేసుకుంటే ప్రజలు విదేశీయులుగా మారుతారంటూ ధ్వజమెత్తారు. అందుకే సీఏఏ కోసం ఎవరూ దరఖాస్తు చేసుకోకూడదంటూ ప్రజలకు పిలుపునిచ్చారు. చట్టబద్ధంగా ఉన్న పౌరులను విదేశీయులుగా మార్చేందకు సీఏఏ ఒక ఉచ్చు అంటూ విమర్శలు చేశారు.

కాంగ్రెస్‌, సీపీఎంలు బీజేపీ వైపే

పశ్చిమ బెంగాల్‌లో CAA, NRCకి అనుమతించబోమన్నారు. అలాగే ఇండియా కూటమిలో భాగస్వాములైన కాంగ్రెస్, సీపీఎం పార్టీలపై కూడా దీదీ ఆగ్రహం వ్యక్తం చేశారు. పశ్చిమ బెంగాల్‌లో ఇండియా కూటమి లేదని.. కాంగ్రెస్, సీపీఎంలు కలిసి బీజేపీ కోసం పనిచేస్తున్నాయంచూ ఆరోపణలు చేశారు.

Also read: సత్తుపల్లిలో పోలీసులపై గిరిజనులు దాడి..సీఐ కిరణ్‌ను కర్రలతో ఎలా కొట్టారో చూడండి!

Supreme Court: సీఏఏ అమలుకు వ్యతిరేకంగా దాఖలు అయిన పిటిషన్ మీద కేంద్రం స్పందించాలి

Published on by

Supreme Court On CAA: సీఏఏ అమలు మీద ఇండియన్ ముస్లింలీగ్ దాకలు చేసిన పిటిషన్ మీద స్పందించాలంటూ సుప్రీంకోర్టు కేంద్రానికి నోటీసులు జారీ చేసింది. మూడు వారాలలోపు ఈ విషయం మీద కేంద్ర ప్రభుత్వం (Central Government) సమాధానం చెప్పాలని ఆదేశించింది. ఏప్రిల్ 8లోగా తమ స్పందన తెలియజేయాలని సుప్రీం కేంద్రాన్ని కోరింది. దీని మీద తదుపరి విచారణ ఏప్రిల్ 9న ఉంటుందని ప్రకటించింది. భారత ప్రధాన న్యాయమూర్తి డివై చంద్రచూడ్ (D.Y. Chandrachud) నేతృత్వంలోని త్రిసభ్య ధర్మాసనం ఈరోజు వీటి మీద విచారణచేసింది.

సీఏఏ చట్టంలో (CAA  Act) మతపరమైన అన్యాయాలు జరిగే అవకాశం ఉందని ముస్లీంలీగ్ పిటిషన్‌లో పేర్కొంది. దీని మీద సుప్రీంకోర్టులో మొత్తం 237 పిటిషన్లు దాఖలు అయ్యాయి. అందులో ముఖ్యమైనది ఇండియన్ ముస్లింలీగ్ (India Muslim League) దాఖలు చేసిన పిటిషన్. మిగతా పిటిషనర్లలో ప్రధానంగా కేరళకు చెందిన ఇండియన్ యూనియన్ ముస్లిం లీడ్, డెమోక్రటిక్ ఫెడరేషన్ ఆఫ్ ఇండియా, కాంగ్రెస్ నేత జైరాం రమేష్, తృషమూల్ నాయకురాలు మహువా మోయిత్రా, ఎంఐఎం ఛీఫ్ అసదుద్దీన్ ఓవైసీలు ఉన్నారు.

2019లో ఈ చట్టాన్ని (Citizenship Amendment Act) ప్రతిపాదించినప్పుడు కూడా చాలా పిటిషన్లు దాఖలు అయ్యాయి. అయితే ఆ టైమ్‌లో సీఏఏ నింబధన అమల్లోకి రాకపోవడంతో వాటిని కోర్టు విచారించలేదు. తాజాగా మార్చి 11న సీఏఏ చట్టాన్ని కేంద్ర ప్రభుత్వం అమల్లోకి తీసుకువచ్చింది. దీని ప్రకారం బంగ్లాదేశ్, పాకిస్తాన్, ఆఫ్ఘనిస్తాన్ నుంచి వచ్చిన ముస్లిమేతర హిందువులు, సిక్కు, బౌద్ధ, జైన్, పార్శీ లేదా క్రిస్టియన్స్ డిసెంబర్ 31, లేదా అంతకంటే ముందు భారతదేశంలోకి ప్రవేశించివారు భారత పౌరసత్వం పొందడానికి అర్హులు. ఇందులో ముస్లింలకు అవకాశం ఇవ్వలేదు. అందుకే ఇప్పుడు దానికి వ్యతిరేకంగా భారతదేశంలో ఉన్న ముస్లిం లీగ్‌లు పిటిషన్లు దాఖలు చేశారు.

Also Read: Bengaluru: పోలీసుల అదుపులో బీజేపీ నేత తేజస్వి సూర్య ..ఆజాన్ ఘటనలో నిరసనలు

CAA: ముస్లింలు భయపడొద్దు.. ఇస్లాంను చట్టం రక్షిస్తుంది: కేంద్ర హోంశాఖ

Published on by

Central Home Minister: పౌరసత్వ సవరణ చట్టం (CAA) అమలుపై ఇండియాలో నివసించే ముస్లింలు భయపడాల్సిన అవసరం లేదని కేంద్ర హోంశాఖ తెలిపింది. భారత్ లో ఉన్న 18 కోట్లమంది ముస్లింలు తమ పౌరసత్వాన్ని నిరూపించుకునేందుకు ఎలాంటి పత్రాలు సమర్పించాల్సిన అవసరం లేదని, హిందువులతో సమానంగా హక్కులు కొనసాగుతాయని స్పష్టం చేసింది.

ఇస్లాం పదానికి ముప్పు..
ఈ మేరకు ‘పాకిస్థాన్‌, బంగ్లాదేశ్‌, అఫ్గానిస్థాన్‌.. ఈ మూడు ముస్లిం కంట్రీల్లో మైనారిటీలు పీడనకు గురి కావడం వల్లే ఇస్లాం అనే పదానికి ముప్పు ఏర్పడింది. నిజానికి ఇస్లాం శాంతియుత మతం. విద్వేషం, హింస, పీడనలను ప్రబోధించలేదు. ఇస్లాంను ఈ చట్టం రక్షిస్తుంది. భారత్ లోకి వలసవచ్చిన శరణార్థుల్ని వెనక్కి పంపేందుకు ఈ చట్టంలో ఎలాంటి ఒప్పందం లేదు. ఎవరూ అపోహలకు గురికావొద్దు’ అని సూచించింది. ఇక ముస్లిమేతర మైనారిటీలు 2014 డిసెంబరు 31లోగా మన దేశానికి వచ్చి ఉన్నట్లయితే వారికి మన పౌరసత్వం ఇచ్చే సీఏఏ-2019 చట్ట నిబంధనల్ని కేంద్రం సోమవారం ప్రకటించిన విషయం తెలిసిందే. కాగా దీనిపై హోం శాఖ క్లారిటీ ఇచ్చింది.

ఇది కూడా చదవండి: Arvind Kejriwal: ఇదొక మురికి ఓటు బ్యాంకు రాజకీయం.. సీఏఏ పై కేజ్రివాల్!

ఎవరైనా పౌరసత్వం కోరవచ్చు..
అలాగే దేశంలోకి ‘అక్రమంగా వలసవచ్చిన వారిని పౌరసత్వ చట్టం-1955 మాదిరిగానే సీఏఏ కూడా ‘ఎలాంటి ధ్రువీకరణ పత్రాలు లేకుండా భారత్‌లో అడుగుపెట్టిన విదేశీ’గానే గుర్తిస్తుందని తెలిపింది. ముస్లింలు భారత పౌరసత్వం కోసం దరఖాస్తు చేయకుండా ఈ చట్టం నిషేధించదని, ఏ దేశ ముస్లింలైనా పౌరసత్వ చట్టం సెక్షన్‌-6 కింద భారతీయ పౌరసత్వం కోరవచ్చని తెలిపింది. అది సహజసిద్ధమైన పౌరసత్వాన్ని పరిశీలిస్తుందని హోంశాఖ స్పష్టం చేసింది. ముస్లింలతోపాటు ఏ దేశానికి చెందిన ఇతర వ్యక్తులైనా ప్రస్తుత చట్టాల ప్రకారం భారతీయ పౌరసత్వానికి దరఖాస్తు చేసుకోవచ్చని, భారత్‌ పౌరసత్వం కోసం దరఖాస్తు చేసుకోవడానికి ఈ చట్టం అడ్డుకాదని తెలిపింది.

భారత పౌరసత్వం కోసం మూడు దేశాల శరణార్థులు దరఖాస్తు చేసుకునేందుకు కేంద్ర సర్కారు కొత్త పోర్టల్‌ను ప్రారంభించింది. సీఏఏ-2019 కింద అర్హత కలిగిన వ్యక్తులెవరైనా ఈ పోర్టల్‌ ద్వారా దరఖాస్తు చేసుకోవచ్చని తెలిపింది. iindiancitizenshiponline.nic.in

Arvind Kejriwal: ఇదొక మురికి ఓటు బ్యాంకు రాజకీయం.. సీఏఏ పై కేజ్రివాల్!

Published on by

Arvind Kejriwal On CAA: లోక్ సభ ఎన్నికల వేళ పౌరసత్వ సవరణ చట్టం(CAA)ను బీజేపీ అమలు చేయడంపై ఢీల్లీ సీఎం అరవింద్‌ కేజ్రీవాల్‌ (Arvind Kejriwal) సంచలన వ్యాఖ్యలు చేశారు. ఓటు బ్యాంకు రాజకీయమే లక్ష్యంగా కేంద్ర ప్రభుత్వం సీఏఏను అమల్లోకి తెచ్చిందంటూ విమర్శలు గుప్పించారు. మురికి రాజయకీయమంటూ మోడీ సర్కార్ పై మండిపడ్డారు.

మురికి ఓటు బ్యాంకు రాజకీయం..
ఈ మేరకు కేజ్రివాల్ మాట్లాడుతూ.. ‘ఇది బీజేపీ (BJP) మురికి ఓటు బ్యాంకు రాజకీయం. పాకిస్థాన్‌ (Pakistan), బంగ్లాదేశ్‌ (Bangladesh) నుంచి వచ్చిన వలసదారులకు పౌరసత్వం ఇచ్చి వారికి బీజేపీ బలహీనంగా ఉన్న నియోజకవర్గాల్లో ఆశ్రయం కల్పిస్తుంది. దీనివల్ల భవిష్యత్‌ లో బీజేపీకి ఓటు బ్యాంకు పెరుగుతుంది. వారి రాజకీయ ప్రయోజనాల కోసమే కేంద్ర ప్రభుత్వం ఈ నిర్ణయం తీసుకుంది. దేశంలో నిరుద్యోగం, ద్రవ్యోల్బణం సమస్యలను పరిష్కరించకుండా కేంద్రం సీఏఏ (CAA) గురించి మాట్లాడటం బాధకరం. 2014 కు ముందు భారత్‌కు వచ్చిన వారికి పౌరసత్వం ఇస్తామంటున్నారు. ఇలా తలుపులు తెరిస్తే మిగిలినవారు ఊరుకుంటారా. పెద్ద సంఖ్యలో వలసదారులు భారతదేశంలోకి వస్తారు. 3 దేశాల్లో 30 మిలియన్లకు పైగా మైనారిటీలు నివసిస్తున్నారు. 15 మిలియన్ల మంది భారత్‌కు వచ్చినా వారు ఎక్కడ స్థిరపడతారు. వారికి ఉద్యోగాలు ఎవరు ఇస్తారని ప్రశ్నించారు. ఇది దేశానికి ప్రమాదకరం. ముఖ్యంగా ఈశాన్య రాష్ట్రాలు ప్రభావితం అయ్యే అవకాశముందంటూ ఆందోశన వ్యక్తం చేశారు.

ఇది కూడా చదవండి: Kolkata: అతనితో మాకు సంబంధం లేదు.. మమత సంచలన వ్యాఖ్యలు!

దేశ పౌరుల పరిస్థితేంటి..
అలాగే ఇప్పటికే బంగ్లాదేశ్‌ నుంచి అక్రమ వలసదారుల వల్ల అస్సాం ప్రజల భాష, సంస్కృతి ఇబ్బందుల్లో పడ్డాయని తెలిపారు. వలసదారులకు పౌరసత్వం ఇస్తే దేశంలోని యువతకు అందాల్సిన ఉద్యోగావకాశాలు వారికే దక్కుతాయన్నారు. వారికి ఉద్యోగాలు ఇస్తారు, ఇళ్ళు కట్టిస్తారు. మరి మన దేశ పౌరుల పరిస్థితేంటి అని కేజ్రీవాల్‌ ప్రశ్నించారు.

Himanta Biswa Sarma: నేను ముఖ్యమంత్రి పదవికి రాజీనామా చేస్తా..!

Published on by

Assam CM Himanta Biswa Sarma:  మార్చి 11న దేశవ్యాప్తంగా సీఏఏని (CAA) కేంద్ర ప్రభుత్వం అమలు చేసిన సంగతి తెలిసిందే. సీఏఏను కేంద్రం నోటిఫై చేయడంతో అస్సాంలో ప్రతిపక్షాలు నిరసనలు, సమ్మెలకు దిగాయి. ఈ అంశంపై అస్సాం ముఖ్యమంత్రి హిమంత బిస్వా శర్మ స్పందించారు. ఈ చట్టంతో అస్సాంలో లక్షలాది మంది ప్రజల్లో భయాందోళన నెలకొందన్నారు. శివసాగర్ లో జరిగిన ఓ కార్యక్రమంలో హిమంతబిశ్వ మాట్లాడుతూ..నేను అస్సాం పుత్రుడిని అని అవసరమైతే తాను రాజీనామా చేయడానికైడా సిద్ధంగా ఉన్నట్లు ప్రకటించారు. పౌరసత్వం పొందిన, నేషనల్ రిజిస్టర్ ఆఫ్ సిటిజన్స్‌లో దరఖాస్తు చేసుకోని ఒక వ్యక్తి అయినా సరే కొత్త చట్టం కొంద పౌరసత్వం లభిస్తే..మొదట వ్యతిరేకించే వ్యక్తిని తానే అన్నారు. సీఏఏను ఇంతకుముందు అమలు చేసినట్లు కొత్తగా ఏమీ లేదని ముఖ్యమంత్రి అన్నారు. ఇప్పుడు పోర్టల్‌లో దరఖాస్తు చేసుకునే సమయం ఆసన్నమైందని హేమంత్ బిస్వా శర్మ (Himanta Biswa Sarma) అన్నారు. పోర్టల్‌లోని డేటాలో పూర్తి విషయం ఉందని…చట్టాన్ని వ్యతిరేకించే వారి వాదనలు వాస్తవంగా సరైనవా కాదా అనేది అందులో పూర్తిగా సమాధానం దొరకుతుందని చెప్పారు.

కేంద్ర ప్రభుత్వం సోమవారం నుంచి దేశవ్యాప్తంగా సీఏఏను అమలు చేయడంతో అస్సాంలో నిరసనలు మొదలయ్యాయి. ముఖ్యమంత్రి హిమంత బిస్వా శర్మ హెచ్చరించినప్పటికీ, కాంగ్రెస్ నేతృత్వంలోని 16 పార్టీల యునైటెడ్ ప్రతిపక్ష ఫోరమ్, అస్సాం (ULfA) మంగళవారం అస్సాంలో సమ్మెను ప్రకటించింది. అలాగే, అస్సాంలోని గౌహతి, బార్‌పేట, లఖింపూర్, నల్బారి, దిబ్రూఘర్, తేజ్‌పూర్‌తో సహా వివిధ ప్రాంతాల్లో పౌరసత్వ (సవరణ) చట్టం (CAA)కి వ్యతిరేకంగా ఆల్ అస్సాం స్టూడెంట్స్ యూనియన్ (AASU) నిరసన వ్యక్తం చేసింది.

సీఏఏ చట్టం ప్రకారం, బంగ్లాదేశ్, పాకిస్తాన్, ఆఫ్ఘనిస్తాన్ నుండి అణచివేతకు గురైన ముస్లిమేతర వలసదారులకు కేంద్ర ప్రభుత్వం ఇప్పుడు భారత పౌరసత్వం ఇవ్వడం షురూ చేసింది. అయితే, ఇందులో, 31 ​​డిసెంబర్ 2014 వరకు భారతదేశానికి వచ్చిన వారందరికీ మాత్రమే పౌరసత్వం లభిస్తుంది. వీటిలో హిందూ, సిక్కు, జైన, బౌద్ధ, పార్సీ, క్రైస్తవ మతాలు ఉన్నాయి.

ఇది కూడా చదవండి: గీతాంజలి సూసైడ్.. సీఎం జగన్ మాస్ వార్నింగ్