Movies:సూర్య కంగువా మూవీ క్రేజీ రికార్డ్...38 భాషల్లో సినిమా విడుదల

కోలీవుడ్ స్టార్ హీరో సూర్య హీరోగా నటిస్తున్న కంగువా. బాహుబలిలా ఇదొక రాజుల మూవీ అని తెలుస్తోంది. ఇప్పుడు దీని గురించి ఒక క్రేజీ అప్డేట్ బయటికి వచ్చింది. ఈ సినిమాని కేవలం పాన్ ఇండియా స్థాయిలో కాకుండా పాన్ వరల్డ్ రేంజ్ లో రిలీజ్ చేస్తున్నారు. తమిళ మాస్ డైరెక్టర్ శివ దర్శకత్వంలో తెలకెక్కుతున్న కంగువీ సినిమాను ఏకంగా 38 భాషల్లో విడుదల చేయాలని డిసైడ్ అయ్యారు నిర్మాతలు. ఈ విషయాన్ని నిర్మత జ్ఞానవేల్ రాజా స్వయంగా ప్రకటించారు. కంగువా మూవీ సూర్య కెరియర్ లోనే అత్యంత భారీ బడ్జెట్ సినిమాగా తెరకెక్కుతోంది.

Also Read:అరుదైన మిల్కీ వే గెలాక్సీ ఫోటో తీసిన జేమ్స్ వెబ్ టెలీస్కోప్

పీరియాడికల్ బ్యాక్ డ్రాప్ లో రూపొందుతున్న ఈ మూవీ టీజర్ భారీ రెస్పాన్స్ అందుకుంది. దాంతో పాటూ సినిమాపై ఎక్కడలేని అంచనాలను పెంచేసింది. ముఖ్యంగా ఈ సినిమాలో సూర్య మేకోవర్ అండ్ గెటప్ ఫ్యాన్స్ తో పాటు సినీ లవర్స్ ని విపరీతంగా ఆకట్టుకుంది. ప్రస్తుతం ఈ సినిమాపై సౌత్ లో భారీ అంచనాలు నెలకొన్నాయి. కంగువా సినిమా షూటింగ్ ఆఖరి దశలో ఉంది.

కంగువీను 38 భాషల్లో రిలీజ్ చేయడమే కాకుండా ఐమాక్స్, త్రీడీ వెర్షన్ లోనూ అందుబాటులోకి తెస్తున్నారు. తమిళ చిత్ర పరిశ్రమ స్థాయిని మరింత పెంచేలా ఈ సినిమా ఉండబోతోందన్నా జ్ఞానవేల్ రాజా. ఈ విషయం విన్న సూర్య ఫ్యాన్స్ ఫుల్ ఖుషి అవుతున్నారు. ఇదే కనుక నిజమైతే పాన్ వరల్డ్ స్థాయిలో అత్యధిక భాషల్లో విడుదల కాబోతున్న ఫస్ట్ ఇండియన్ మూవీ ఇదే అవుతుంది అని చెప్పడంలో సందేహం లేదు.

ఇక ఈ సినిమాలో సూర్య ఏకంగా ఆరు విభిన్న తరహా అవతారాల్లో కనిపించబోతున్నట్లు తెలుస్తోంది. అందులో ఓ పాత్రలో నెగిటివ్ షేడ్స్ కూడా ఉంటాయని అంటున్నారు. ఇందులో బాలీవుడ్ బ్యూటీ దిశా పటాని హీరోయిన్ గా నటిస్తోంది.అలాగే జగపతిబాబు, యోగి బాబు, కోవై సరళ తదితరులు కీలక పాత్రలు పోషిస్తున్నారు. రాక్ స్టార్ దేవిశ్రీప్రసాద్ సంగీతం అందిస్తున్న ఈ చిత్రాన్ని స్టూడియో గ్రీన్, UV క్రియేషన్స్ సంస్థలు సంయుక్తంగా నిర్మిస్తున్నాయి. వచ్చే ఏడాది వేసవి కానుకగా ఈ చిత్రాన్ని విడుదల చేయనున్నారు. కంగువా మూవీ గురించి మరో హైలెట్ ఏంటంటే దీన్ని మూడు భాగాలుగా రిలీజ్ చేయాలని నిర్మాతలు ప్లాన్ చేస్తున్నారు.