VC. Sajjanar : ఆర్టీసీ సిబ్బందిపై దాడి.. సజ్జనార్ సీరియస్.. హిస్టరీ షీట్స్ ఓపెన్!

TS RTC : వికారాబాద్ పరిధిలోని ఆర్టీసీ డ్రైవర్ రాములుపై జరిగిన దాడిపై టీఆస్‌ఆర్టీసీ ఎండీ వీసీ.సజ్జనార్(VC Sajjanar) ఆగ్రహం వ్యక్తం చేశారు. తమ సిబ్బందిపై దాడులు చేస్తే కఠిన చర్యలు తీసుకుంటామన్నారు. నిందుతులపై హిస్టరీ షీట్స్ కూడా తెరుస్తామని హెచ్చరించారు.

ఇది కూడా చదవండి: Ration cards: తెలంగాణ ప్రజలకు గుడ్ న్యూస్.. కొత్త రేషన్ కార్డులు వచ్చేస్తున్నాయి!

దౌర్జన్యం చేయడం బాధాకరం..

ఈ మేరకు ప్రజలకోసం నిబద్దత, క్రమశిక్షణతో డ్యూటీ చేస్తున్న వారిపై దౌర్జన్యం చేయడం బాధాకరం. విధులు నిర్వర్తించే టీఆస్‌ఆర్టీసీ సిబ్బందిపై దాడులకు పాల్పడితే తీవ్రమైన కఠిన చర్యలుంటాయి. పోలీస్ శాఖ సహకారంతో నిందితులకు కఠిన శిక్షలు పడేలా చేస్తాం. టీఆస్‌ఆర్టీసీ సిబ్బంది ఆత్మస్థైర్యాన్ని దెబ్బతిసే, మనోవేదనకు గురిచేసే ఇలాంటి దాడులను యాజమాన్యం ఏమాత్రం సహించబోదు. డ్రైవర్ రాములుపై జరిగిన దాడి అంశంలో కేసు నమోదు చేయడం జరిగింది.