Stock Market Capitalization: హాంకాంగ్‌ను దాటి.. ప్రపంచంలో నాలుగో అతిపెద్ద స్టాక్ మార్కెట్‌గా భారత్ 

Stock Market Capitalization: భారతీయ స్టాక్ ఎక్స్ఛేంజీలలో లిస్ట్ అయిన షేర్ల మొత్తం విలువ సోమవారం మర్కెట్స్ ముగిసేసరికి 4.33 ట్రిలియన్ డాలర్లను చేరుకుంది. దీంతో ప్రపంచంలోనే నాలుగో అతి పెద్ద ఈక్విటీ మార్కెట్ గా భారత్ నిలిచింది. హాంకాంగ్ 4.29 ట్రిలియన్ డాలర్ల విలువతో ఐదో స్థానానికి దిగిపోయింది.  మన  స్టాక్ మార్కెట్ క్యాపిటలైజేషన్ డిసెంబర్ 5న మొదటిసారిగా $4 ట్రిలియన్‌లను దాటింది, అందులో సగం గత నాలుగేళ్లలో వచ్చింది.

Stock Market Capitalization: వేగంగా పెరుగుతున్న రిటైల్ ఇన్వెస్టర్ బేస్- బలమైన కార్పొరేట్ ఆదాయాల కారణంగా భారతదేశంలో ఈక్విటీలు పుంజుకుంటున్నాయి. ప్రపంచంలో అత్యధిక జనాభా కలిగిన దేశం చైనాకు ప్రత్యామ్నాయంగా ఇప్పుడు మన దేశం నిలిచింది. ఇది  ప్రపంచ పెట్టుబడిదారులు - కంపెనీల నుంచి క్యాపిటల్ ఆకర్షిస్తోంది. భారత్ లోని స్థిరమైన రాజకీయ పరిస్థితులు.. ప్రధాన దేశాలలో అత్యంత వేగంగా పెరుగుతున్న వినియోగ ఆధారిత (consumption-driven economy)  ఆర్థిక వ్యవస్థ భారత్ ను ప్రత్యేకంగా నిలబెడుతున్నాయి. 

Stock Market Capitalization: భారతీయ స్టాక్‌లలో కనిపిస్తున్న ర్యాలీ హాంకాంగ్‌లో చారిత్రాత్మక తిరోగమనంతో సమానంగా ఉంది.  ఇక్కడ చైనా అత్యంత ప్రభావవంతమైన అలాగే  వినూత్న సంస్థలు కొన్ని లిస్ట్ అయ్యాయి. బీజింగ్ కఠినమైన కోవిడ్-19 నియంత్రణలు, కార్పొరేషన్‌లపై నియంత్రణ అణిచివేతలు, రియల్ ఎస్టేట్ రంగ సంక్షోభం, పశ్చిమ దేశాలతో భౌగోళిక రాజకీయ ఉద్రిక్తతలు అన్నీ కలిసి ప్రపంచ వృద్ధి ఇంజిన్‌గా ఉంటూ వచ్చిన చైనా ఆకర్షణను దెబ్బతీశాయి.

Stock Market Capitalization: చైనీస్, హాంకాంగ్ స్టాక్‌ల మొత్తం మార్కెట్ విలువ 2021లో గరిష్ట స్థాయికి చేరినప్పటి నుండి $6 ట్రిలియన్లకు పైగా పడిపోయింది. ఇప్పుడు అక్కడ పాత ఈక్వేషన్స్ లోకి వెళ్ళిపోతోంది. హాంకాంగ్ లిస్టింగ్స్ ఆసియన్ ఫైనాన్షియల్ తో పోలిస్తే పూర్తిగా పడిపోయాయి. ప్రారంభ పబ్లిక్ ఆఫర్‌ల కోసం ప్రపంచంలోనే అత్యంత రద్దీగా ఉండే వేదికలలో ఒకటిగా ఉంటూ వచ్చిన హబ్ తన హోదాను కోల్పోతోంది. 

Stock Market Capitalization: పెద్ద ఆర్థిక ఉద్దీపన చర్యలు(Economic stimulus measures) లేకపోవడంతో కొత్త సంవత్సరంలో చైనా - హాంకాంగ్ పట్ల మదుపరులలో నిరాశ మరింత తీవ్రమైంది. హాంగ్ సెంగ్ చైనా ఎంటర్‌ప్రైజెస్ ఇండెక్స్, హాంకాంగ్‌లో లిస్ట్ అయినా  చైనీస్ షేర్ల గేజ్, 2023లో రికార్డు స్థాయిలో నాలుగు సంవత్సరాల నష్టాల పరంపరను అధిగమించిన తర్వాత ఇప్పటికే దాదాపు 13% క్షీణించింది. ఈ లెక్కలు  దాదాపు రెండు దశాబ్దాలలో కనిష్ట స్థాయికి దిగజారిపోతున్నాయి. ఇదే సమయంలో భారతదేశం స్టాక్ బెంచ్‌మార్క్‌లు రికార్డు స్థాయిల దగ్గర ట్రేడవుతున్నాయి. 

Also Read: బాల రాముడు కొలువయ్యే వేళ.. బంగారం ధరలు ఎలా వున్నాయంటే..

Stock Market Capitalization: ఇటీవలి వరకు చైనా వైపు ఆకర్షితులైన విదేశీయులు తమ ఫండ్స్ దాని దక్షిణాసియా ప్రత్యర్థికి అంటే భారత్ కు పంపుతున్నారు. గ్లోబల్ పెన్షన్ - సావరిన్ వెల్త్ (Sovereign wealth) నిర్వాహకులు కూడా భారతదేశం వైపు మొగ్గు చూపుతున్నారని లండన్‌కు చెందిన థింక్-ట్యాంక్ అధికారిక ద్రవ్య - ఆర్థిక సంస్థల ఫోరమ్ ఇటీవలి అధ్యయనంలో పేర్కొంది.

2023లో ఓవర్సీస్ ఫండ్స్ భారతీయ షేర్లలోకి $21 బిలియన్లకు పైగా కుమ్మరించాయి.  ఇది దేశ బెంచ్‌మార్క్ S&P BSE సెన్సెక్స్ ఇండెక్స్ వరుసగా ఎనిమిదో సంవత్సరం లాభాలను పొందేందుకు సహాయపడింది.

మొత్తమ్మీద చూసుకుంటే, భారత్ స్టాక్ మార్కెట్లు రికార్డులు సృష్టిస్తున్నాయి. హాంకాంగ్ ను వెనక్కి నెట్టి ప్రపంచంలో నాలుగో స్థానంలోకి చేరుకోవడం పట్ల ఆర్ధికవేత్తలు హర్షం వ్యక్తం చేస్తున్నారు. 

Watch this interesting Video: