BiggBoss Telugu : ఈ వారమే బిగ్ బాస్ సీజన్ - 8.. ఈసారి అన్నీ లైవ్ లోనే

BiggBoss Telugu Season-8 : బుల్లితెర బిగ్గెస్ట్ రియాలిటీ షో బిగ్ బాస్ సీజన్ 8 కోసం ప్రేక్షకులు ఆసక్తిగా ఎదురుచూస్తున్నారు. ఇప్పటికే విడుదలైన సీజన్ 8 ప్రోమో ప్రేక్షకులలో ఆసక్తిని పెంచేస్తోంది. ప్రోమోలో 'ఒక్కసారి కమిట్‌ అయితే లిమిటే లేదు’ డైలాగ్ ఆకట్టుకుంటోంది. ఈ సారి లిమిట్ లెస్ ఎంటర్ టైనమెంట్ తో ప్రేక్షకులను అలరించడానికి సిద్దమవుతున్నట్లు తెలుస్తోంది.

ఇక తాజాగా స్టార్ మా లేటెస్ట్ సీజన్ ఎప్పుడు స్టార్ట్ అవుతుందో టైమింగ్స్ తో పాటూ అన్ని వివరాలను వెల్లడించింది. బిగ్‌బాస్‌-8 సెప్టెంబరు 1 ఆదివారం సాయంత్రం 7 గంటల నుంచి ప్రసారం అవుతుందని స్టార్‌ మా అధికారికంగా తెలిపింది. గత సీజన్‌ మాదిరే ఈసారి కూడా హాట్‌స్టార్‌లో 24/7 స్ట్రీమింగ్‌ అవుతుందని పేర్కొంది.

మరోవైపు ఈ సీజన్ లో పాల్గొనబోయే కంటెస్టెంట్స్ వివరాలు నెట్టింట వైరల్ అవుతున్నాయి. వారిలో ముఖ్యంగా రీతూ చౌదరి, సీరియల్ ఆర్టిస్టులు అంజలి,పాగల్ పవిత్ర, యశ్మీ గౌడ, తేజశ్వీ గౌడ, కమెడియన్ బంచిక్ బబ్లూ, కిరాక్ ఆర్పీ పేర్లు వినిపిస్తున్నాయి.

View this post on Instagram

A post shared by Disney+ Hotstar Telugu (@disneyplushotstartelugu)