Cameron Green: ఆ వ్యాధిని జయించి.. కోట్ల రూపాయల విలువైన ఆటగాడిగా మారి.. కామెరూన్ గ్రీన్ కథ వింటే..!

గ్రీన్ గతంలో ఐపీఎల్ 2023లో ముంబయి ఇండియన్స్ తరఫున ఆడాడు. ఆ తర్వాత రాయల్ చాలెంజర్స్ బెంగళూరుకు ట్రేడ్ అయ్యాడు. బ్యాటింగ్‌తో పాటు బౌలింగ్‌లోనూ రాణిస్తూ తాను పూర్తి స్థాయి ఆల్‌రౌండర్ అని నిరూపించుకున్నాడు. ఇప్పటివరకు ఐపీఎల్‌లో 29 మ్యాచ్‌లు ఆడి 700కు పైగా పరుగులు చేశాడు. ఒక సెంచరీ, రెండు అర్ధసెంచరీలు కూడా ఉన్నాయి. బౌలింగ్‌లో 16 వికెట్లు తీసాడు.

అయితే గ్రీన్ జీవిత ప్రయాణం వింటే షాకవ్వక తప్పదు. అతడు పుట్టుకతోనే క్రానిక్ కిడ్నీ వ్యాధితో బాధపడుతున్నాడు. ఈ విషయాన్ని గ్రీన్ 2023లో బహిరంగంగా చెప్పాడు. ప్రస్తుతం అతడి కిడ్నీలు కేవలం 60 శాతం మాత్రమే పనిచేస్తున్నాయి. చిన్న వయసులోనే వైద్యులు అతడి జీవితం చాలా కష్టమని చెప్పిన సందర్భాలు కూడా ఉన్నాయి. అయినప్పటికీ క్రమశిక్షణతో జీవనం, ఆహార నియమాలు పాటిస్తూ, ఆటపై పూర్తి దృష్టి పెట్టాడు.

ఆరోగ్య సమస్యలు ఉన్నప్పటికీ గ్రీన్ ఎప్పుడూ వెనకడుగు వేయలేదు. అన్ని అంచనాలను తలకిందులు చేస్తూ అంతర్జాతీయ క్రికెట్‌లో స్థానం సంపాదించాడు. నేడు ప్రపంచ క్రికెట్‌లో కీలక ఆల్‌రౌండర్‌గా గుర్తింపు పొందాడు. ఇప్పుడు కోల్‌కతా జట్టులో అతడి పాత్రపై అభిమానుల్లో భారీ అంచనాలు ఉన్నాయి.

మొత్తానికి, తీవ్రమైన ఆరోగ్య సమస్యను జయించి, కోట్ల రూపాయల విలువైన ఆటగాడిగా మారిన కామెరూన్ గ్రీన్ కథ ఎంతో మందికి ప్రేరణగా నిలుస్తోంది. ఐపీఎల్ 2026లో అతడు ఎలా రాణిస్తాడో చూడాలని క్రికెట్ అభిమానులు ఆసక్తిగా ఎదురుచూస్తున్నారు.