జహీర్ ఆ చిన్నారి బౌలింగ్ చూశావా.. వైరల్ వీడియో పోస్ట్ చేసిన సచిన్!

Sachin: భారత క్రికెట్ దిగ్గజం సచిన్ టెండూల్కర్ ఓ చిన్నారి బౌలింగ్‌కు ఫిదా అయ్యారు. అచ్చం స్టార్ బౌలర్ జహీర్ ఖాన్ శైలిలోనే ఆమె నిప్పులు చెరిగే బంతులేస్తున్న వీడియోను నెట్టింట పోస్ట్ చేయగా తెగ వైరల్ అవుతోంది. ఈ మేరకు సుశీలా మీనా అనే దాదాపు 12 ఏళ్ల బాలిక బౌలింగ్‌ చేస్తున్న వీడియో తనకంటపడగానే వెంటనే ‘ఎక్స్‌’లో షేర్‌ చేసిన సచిన్.. ఆ బౌలింగ్ స్టైల్ జహీర్‌ ఖాన్‌ లాగే ఉందంటూ ప్రశంసలు కురిపించారు. 

Smooth, effortless, and lovely to watch! Sushila Meena’s bowling action has shades of you, @ImZaheer.
Do you see it too? pic.twitter.com/yzfhntwXux

— Sachin Tendulkar (@sachin_rt) December 20, 2024

జహీర్ చూశావా.. 

అంతేకాదు తన పోస్టును జహీర్ కు ట్యాగ్‌ చేస్తూ.. ‘సున్నితమైన చేతులతో అద్భుతమైన బౌలింగ్. చూసేందుకు ఎంతో అందంగా ఉన్న సుశీలా మీనా బౌలింగ్‌ యాక్షన్‌లో నీ షేడ్స్‌ కనిపిస్తున్నాయ్. జహీర్‌ నీవు ఈ వీడియో చూశావా?’ అంటూ రాసుకొచ్చారు. ప్రస్తుతం ఈ వీడియో వైరల్ అవుతుండగా క్షణాల్లోనే లక్షల సంఖ్యలో లైక్స్ వచ్చాయి. చిన్నారి బౌలింగ్ స్టైల్‌ను చూసిన నెటిజన్లు ‘జూనియర్‌ జహీర్‌ ఖాన్‌' అంటూ పొగిడేస్తున్నారు.