Kannappa : 'కన్నప్ప' నుంచి మరో పోస్టర్ రిలీజ్.. 'కంపడు' పాత్రలో ప్రముఖ విలన్

Kannappa Movie : మంచు విష్ణు ప్రధాన పాత్రలో నటిస్తున్న భారీ చిత్రం 'కన్నప్ప'. ఈ సినిమాకు సంబంధించి ఒక్కొక్క క్యారెక్ట‌ర్‌ను చిత్ర‌యూనిట్ విడుద‌ల చేస్తున్న విష‌యం తెలిసిందే. ఇప్ప‌టికే త‌మిళ న‌టుడు శ‌ర‌త్ కుమార్ నాథనాధుడు అనే పాత్ర‌లో, సినీయ‌ర్ న‌టి మ‌ధుబాల ‘పన్నగ’ అనే చెంచుల దొరసాని పాత్ర‌లో క‌నిపించ‌బోతుంద‌ని.. తెలుగు సినీయ‌ర్ న‌టుడు దేవ‌రాజ్ ‘ముండ‌డు’ అనే ఎరుక‌ల దొర పాత్ర‌లో, న‌టుడు సంప‌త్ రాజ్ భిల్లు జాతి దొర చండుడు అనే పాత్ర‌లో న‌టిస్తున్న‌ట్లు ప్ర‌క‌టించింది.

ఇక తాజాగా ఈమూవీ నుంచి మరో పాత్రను రివీల్ చేశారు. సినిమాలో ప్రముఖ నటుడు ముఖేష్ రిషి పోషిస్తున్న 'కంపడు' పాత్ర ఫస్ట్ లుక్ ను మేకర్స్ తాజాగా రిలీజ్ చేశారు. ' ఫులిందులు అత్యంత పురాతమైన జాతి. సదాశివ కొండల్లో నివసిస్తుంటారు. వంశపారపర్యంగా పవిత్రమైన వాయు లింగాన్ని సంరక్షిస్తున్న ఈ పులింద జాతిని భద్ర గణం అంటారు. భద్ర గణాన్ని నడిపించే నాయకుడే కంపడు' అంటూ పోస్టర్ లో పేర్కొన్నారు.

Also Read : గుర్తింపు కోసమే ప్రభాస్ పై అలాంటి కామెంట్స్ చేశాడు : ‘బేబీ’ నిర్మాత

తాజాగా రిలీజ్ చేసిన ఫస్ట్ లుక్ పోస్టర్ లో ముఖేష్ రిషి లుక్, వేషధారణ చూస్తే పాత్రకు పూర్తి న్యాయం చేకూర్చబోతున్నట్లు స్పష్టమవుతోంది.'కన్నప్ప' చిత్రం భారీ బడ్జెట్‌తో పాన్ ఇండియా స్థాయిలో తెరకెక్కుతోంది. ప్రముఖ నటులు ప్రభాస్, అక్షయ్ కుమార్, మోహన్ లాల్, శివరాజ్ కుమార్ తదితరులు కీలక పాత్రలు పోషిస్తున్నారు. డిసెంబర్ లో ఈ సినిమా ప్రేక్షకుల ముందుకు రానుంది.