Andhra Pradesh: స్టూడెంట్‌కి తాళి కట్టిన టీచర్.. పైళ్లి అయిందంటూ రేప్.. కట్ చేస్తే..

Teacher Cheats Student: ఏపీలో పశ్చిమగోదావరి జిల్లాలో దారుణం వెలుగు చూసింది. విద్యాబుద్ధులు చెప్పాల్సి బడిపంతులు.. బుద్ధి తప్పి ప్రవర్తించాడు. కామంతో కళ్లు మూసుకుపోయి.. కీచకుడిలా మారాడు. తాను పాఠాలు చెబుతున్న స్కూల్‌ విద్యార్థినికే తాళి కట్టాడు ఉపాధ్యాయుడు. పెళ్లి అయ్యిందంటూ తన ఇంటికి తీసుకెళ్లి అత్యాచారం చేశాడు. ఆ తరువాత తనకేమీ తెలియనట్లు డ్రామాలాడు. బాధితురాలు తన కుటుంబ సభ్యులతో కలిసి పోలీసులకు ఫిర్యాదు చేయడంతో విషయం వెలుగులోకి వచ్చింది. ఈ ఘటనకు సంబంధించి పోలీసులు తెలిపిన వివరాలు ఇలా ఉన్నాయి. భీమవరం మండలం తాడేరు గ్రామానికి చెందిన పురెళ్ల సోమరాజు.. ఉండి మండలం యండగండి గ్రామంలోని పాఠశాలలో హిందీ ఉపాధ్యాయుడిగా పని చేస్తున్నాడు. అదే స్కూల్ లో పదవ తరగతి చదువుతున్న బాలికను ప్రేమిస్తున్నానని, పెళ్లి చేసుకుంటానంటూ తన స్వగ్రామానికి తీసుకెళ్లాడు. అక్కడే తాళి కట్టి తామిద్దరికీ పెళ్లి అయ్యిందని చెప్పాడు.

అనంతరం తన ఇంటికి తీసుకెళ్లి.. అమ్మాయిపై అత్యాచారం చేశాడు. ఆపై కుటుంబ సభ్యులను తెలియకుండా ఉంచాలంటూ నమ్మించి.. బాలిక ఇంటికి పంపించాడు. ఆ తరువాత ముఖం చాటేశాడు. జరిగిన మోసాన్ని గుర్తించిన బాలికక.. విఝయాన్ని కుటుంబ సభ్యులకు తెలియజేసింది. అయితే, సోమరాజుకు అప్పటికే పెళ్లై భార్య, ఇద్దరు కుమారులు ఉన్నారు. దీంతో బాధిత యువతి.. తన కుటుంబ సభ్యులతో కలిసి పోలీసులకు ఫిర్యాదు చేసింది. బాధితురాలి ఫిర్యాదు మేరకు సోమరాజుపై అత్యాచారం, ఫోక్సో, బాల్య వివాహ నిరోధక చట్టాల ప్రకారం కేసులు నమోదు చేశారు పోలీసులు. కేసుపై అన్ని కోణాల్లో దర్యాప్తు చేస్తున్నారు.

Also Read:

ఆమె జయంతి రోజున మ్యాచ్ పెట్టడం వల్లే టీమిండియా ఓడిపోయింది.. అసోం సీఎం సంచలన కామెంట్స్..

ప్రతి గురువారం విష్ణువును ఇలా పూజించండి.. ఆర్థిక సమస్యలన్నీ తొలగిపోతాయ్..!