/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2024/07/FotoJet-60.jpg)
Samantha Gives Green Signal to Another Web Series : 'ఫ్యామిలీ మ్యాన్' వెబ్ సిరీస్ తో బాలీవుడ్ లో ఫుల్ క్రేజ్ తెచ్చుకున్న సమంత.. ఆ సిరీస్ లో నెగెటివ్ రోల్ లో అదరగొట్టింది. రాజ్ అండ్ డీకే ఈ సిరీస్ ను తెరకెక్కించారు. వీళ్లతోనే 'సిటాడెల్' అనే మరో సిరీస్ చేసింది సామ్. ఇందులో బాలీవుడ్ స్టార్ వరుణ్ ధావన్ తో కలిసి నటించింది. ఇప్పటికే షూటింగ్ పూర్తి చేసుకున్న ఈ వెబ్ సిరీస్ త్వరలోనే ఆడియన్స్ ముందుకు రానుంది.
ఇక తాజాగా మరోసారి ఈ కాంబో రిపీట్ కానున్నట్టు తెలుస్తోంది. ఫ్యామిలీ మ్యాన్, సిటాడెల్ తర్వాత సమంత.. రాజ్ అండ్ డీకే లతో ముచ్చటగా మూడోసారి వర్క్ చేయబోతుంది. ఈ మేరకు ఇప్పుడు మరో వెబ్ సిరీస్ లో నటించేందుకు గ్రీన్ సిగ్నల్ ఇచ్చింది. రాజ్ అండ్ డీకే దర్శకత్వం వహించే తాజా వెబ్ సిరీస్‌లోసమంత లీడ్‌ రోల్ ప్లే చేయబోతున్నట్లు తెలుస్తోంది.
కంప్లీట్ యాక్షన్‌ నేపథ్యంలో సాగే ఈ సిరీస్‌లో బాలీవుడ్ హీరో ఆదిత్య రాయ్‌ కపూర్‌ కీలక పాత్రలో నటించబోతున్నట్లు సమాచారం. ఈ వెబ్ సిరీస్‌కి 'రక్తబీజ్' అనే టైటిల్ ఖరారు చేశారట. ఆగస్ట్‌లో షూటింగ్ మొదలు కానుందని సన్నిహిత వర్గాలు తెలిపాయి. మరోవైపు ఈ వెబ్ సిరీస్ కోసం సమంత ఇప్పటికే ప్రిపరేషన్‌ స్టార్ట్‌ చేసిందట. యాక్షన్‌ సిరీస్ కావడంతో మార్షల్‌ ఆర్ట్స్‌ నేర్చుకుంటున్నట్లు తెలుస్తోంది. త్వరలోనే ఈ సిరీస్ కు సంబంధించి మేకర్స్ నుంచి అఫీషియల్ అనౌన్స్ మెంట్ రానున్నట్టు సమాచారం.