RBI: మరో బ్యాంక్ పై ఆర్బీఐ కొరడా.. ఎలాంటి కఠిన చర్యలంటే?

రిజర్వ్ బ్యాంక్ ఆఫ్ ఇండియా (RBI) అభ్యుదయ సహకరి బ్యాంక్ లిమిటెడ్ యొక్క డైరెక్టర్ల బోర్డును 12 నెలల కాలానికి శుక్రవారం రద్దు చేసింది. ఫలితంగా, RBI ఈ మధ్య కాలంలో బ్యాంక్ వ్యవహారాలను నిర్వహించడానికి "అడ్మినిస్ట్రేటర్"గా స్టేట్ బ్యాంక్ ఆఫ్ ఇండియా మాజీ చీఫ్ జనరల్ మేనేజర్ సత్య ప్రకాష్ పాఠక్‌ను నియమించింది. సెంట్రల్ బ్యాంక్ తన విధులను నిర్వర్తించడంలో నిర్వాహకుడికి సహాయం చేయడానికి "సలహాదారుల కమిటీ" నియమితులయ్యారు కూడా. RBI ఒక ప్రకటనలో, "సలహాదారుల కమిటీ సభ్యులు శ్రీ వెంకటేష్ హెగ్డే (మాజీ జనరల్ మేనేజర్, SBI); Mr. మహేంద్ర ఛజేద్ (చార్టర్డ్ అకౌంటెంట్); శ్రీ సుహాస్ గోఖలే (మాజీ MD, కాస్మోస్ కో-ఆపరేటివ్ బ్యాంక్ లిమిటెడ్)" నియమించింది.

బ్యాంకింగ్ కార్యకలాపాల మీద ఎలాంటి ఆంక్షలు లేకపోవడం వల్ల రోజువారీ ట్రాన్సక్షన్స్ కు ఎలాంటి ఉండవని తెలుస్తోంది. కాబట్టి బ్యాంక్ వినియోగదారులకు ఎలాంటి ఇబ్బందులు ఉండవు. బ్యాంకింగ్ రెగ్యులేషన్ యాక్ట్ 1949 సెక్షన్ 56, 36ఏఏఏ కింద రిజర్వ్ బ్యాంక్ ఆఫ్ ఇండియా అభ్యుదయ కోఆపరేటివ్ బ్యాంకుపై ఈ చర్య తీసుకుంది. అడ్మినిస్ట్రేటర్ కు సలహాలు అందించేందుకు ఆర్బీఐ ఒక కమిటీని నియమించింది. అందులో సలహాదారుల కమిటీ సభ్యులు శ్రీ వెంకటేష్ హెగ్డే (మాజీ జనరల్ మేనేజర్, SBI); Mr. మహేంద్ర ఛజేద్ (చార్టర్డ్ అకౌంటెంట్); శ్రీ సుహాస్ గోఖలే (మాజీ MD, కాస్మోస్ కో-ఆపరేటివ్ బ్యాంక్ లిమిటెడ్)" ఉన్నారు.

అభ్యుదయ కోఆపరేటివ్ బ్యాంక్ చైర్మన్ సందీప్ ఘండాత్ స్పందిస్తూ..మా బ్యాంకు కు గత రెండేళ్లుగా ఆర్బీఐ నియమించిన అదనపు డైరెక్టర్ ఉన్నారని..ఆయన సెంట్రల్ బ్యాంకులో డిప్యూటీ జనరల్ మేనేజర్ గా విధులు నిర్వహిస్తున్నారని వెల్లడించారు. అంతేకాదు ఆయనతో 29న బ్యాంకు అధికారుల సమావేశం ఉందని ఆలోపే ఆర్బీఐ ఈ చర్యలు తీసుకుందని స్పష్టం చేశారు.

అభ్యుదయ కో ఆపరేటివ్ బ్యాంకుకు 109 బ్రాంచులు, 113 ఏటీఎంలు ఉన్నాయి. 2022 మార్చి నాటికి బ్యాంక్ డిపాజిట్లు రూ. 10,838.07 కోట్లు ఉండగా...రుణాల విలువ రూ. 6,654.37 కోట్లుగా ఉంది. ఈ బ్యాంక్ మహారాష్ట్రలో మాత్రమే కాకుండా కర్నాటక, గుజరాత్ రాష్ట్రాల్లోనూ సేవలను అందిస్తోంది.

ఇది కూడా చదవండి: ఈ రోజు తెలంగాణలో ప్రధాని మోదీ పూర్తి షెడ్యూల్ ఇదే