రష్మికను టార్గెట్ చేసిన కేటుగాళ్లు.. మరో డీప్ ఫేక్‌ వీడియో వైరల్‌!

Rashmika Mandanna: ఆర్టిఫిషియల్ ఇంటెలిజెన్స్ (AI) తో కొందరు కేటుగాళ్లు రెచ్చిపోయి ప్రవర్తిస్తున్నారు. అచ్చం ఒరిజినల్ వీడియో లాగా ఫేక్ వీడియోలను (Fake Videos) క్రియేట్ చేస్తున్నారు. అంతటితో ఆగకుండా సోషల్ మీడియాలో హల్ చల్ చేస్తున్నారు. ఇప్పటికే ఇటీవల సోషల్‌ మీడియా ఇన్ఫ్యూయెన్సర్ జరా పటేల్‌ వీడియోకు రష్మిక (Rashmika Mandanna) ఫేస్ ను యాడ్ చేసి ఓ వీడియోను క్రియేట్ చేశారు. ఆ వీడియో సోషల్ మీడియాలో బాగా వైరల్ అవ్వడంతో టాలీవుడ్ నుండి బాలీవుడ్ వరకూ ప్రతి ఒక్కరూ డీప్ ఫేక్ వీడియోను ఖండించారు.

Also Read: వ్యూహం సినిమాను అందుకే ఏపీ ఫైబర్ లో రిలీజ్ చేస్తున్నాం.!

అంతే కాదు, నటి రష్మిక వీడియో వెలుగులోకి వచ్చిన నెక్స్ట్ డే నే బాలీవుడ్ హీరోయిన్ కత్రినా కైఫ్ (Katrina Kaif) డీప్ ఫేక్ ఫోటో ఒకటి నెట్టింట వైరల్ చేశారు. ‘టైగర్ 3’ సినిమాలోని టవల్ ఫైట్ ఫోటోను తీసుకుని, లో దుస్తుల్లో ఉన్నట్లు మార్ఫింగ్ చేశారు. ఇలా వరుసగా ఫేక్ వీడియోలు సిని సెలబ్రేటిలను కలవరపెడుతున్న తరుణంలోనే రష్మికకు సంబంధించిన మరో వీడియో వైరల్ అవుతోంది.

తాజాగా మరో డీప్‌ ఫేక్‌ వీడియోను సృష్టించారు. ఈ వీడియోలో రష్మిక జిమ్ సూట్ వేసుకుని డ్యాన్స్ చేస్తున్నట్లుగా క్రియేట్ చేశారు. దీంతో ఈ  వీడియోపై రష్మిక ఫ్యాన్స్ తీవ్ర ఆగ్రహం వ్యక్తం చేస్తున్నారు. రష్మికను కావాలని కొందరు టార్గెట్ చేశారని ఆరోపిస్తున్నారు. ఇలాంటివి క్రియేట్ చేసే వారిపై గట్టి చర్యలు తీసుకోవాలని డిమాండ్ చేస్తున్నారు. ఇది ఫేక్ వీడియో అని, ఎవరూ నమ్మకూడదని పోస్టులు పెడుతున్నారు.