Ranveer-Deepika: గుడ్‌ న్యూస్‌ షేర్ చేసిన దీపికా.. తల్లి కాబోతోందంటూ పోస్ట్!

Ranveer Singh Deepika Announces Pregnancy: బాలీవుడ్ నటి దీపికా పదుకొన్‌ ఫ్యాన్స్‌కు పెద్ద సర్‌ప్రైజ్ ఇచ్చింది. దీపికా ఇన్‌స్టాగ్రామ్ పోస్ట్‌ హాట్‌ టాపిక్‌గా మారింది. తాను ప్రెగ్నెంట్‌నని దీపికా పోస్ట్ చేసింది. త్వరలో తల్లి కాబోతున్నానని, రణవీర్ సింగ్ తండ్రి అవుతాడని చెప్పింది. ఈ పోస్ట్ చూసిన ఈ బాలీవుడ్‌ బ్యూటిఫుల్‌ కపుల్‌ అభిమానుల ఆనందానికి హద్దే లేకుండా పోయింది. రణవీర్‌-దీపికకు ఫ్యాన్స్‌ విషెస్‌ చెబుతున్నారు.

ఇన్‌స్టాగ్రామ్ పోస్ట్‌లో మరో విషయాన్ని క్లారిటీ ఇచ్చింది దీపికా (Deepika Padukone). తమ బిడ్డ ఎప్పుడు జన్మనిస్తుందో కూడా చెప్పింది. ఆమె షేర్ చేసిన పోస్ట్ ప్రకారం సెప్టెంబర్‌లో రణవీర్‌-దీపిక తల్లిదండ్రులు అవుతారు. ప్రస్తుతం ఇద్దరూ పేరెంట్‌హుడ్‌కు సిద్ధమవుతున్నారు. పోస్ట్‌లోని ఫొటోలో పిల్లల బట్టలు, బొమ్మలు, బూట్లు కనిపిస్తున్నాయి. ఆ ఫొటోపై సెప్టెంబర్ 2024 అని రాసి ఉంది. ఈ పోస్ట్ క్యాప్షన్‌ మధ్యలో ఉన్న ఎమోజిని చూస్తే దీపిక ప్రెగ్నెంట్ అని, త్వరలో తల్లి కానుందని క్లారిటీ వచ్చింది.

దీపికా పదుకొన్, రణ్‌వీర్‌సింగ్‌ల (Ranveer Singh) జంట సినీ ప్రపంచంలోని ప్రముఖ జంటలలో ఒకటి. ఈ కపుల్‌ను 'దీప్‌వీర్'  అని పిలుస్తారు. 2018 నవంబర్‌ 18న వీరిద్దరు పవిత్ర బంధంలో అడుగుపెట్టారు. ఈ జంట ఒకటి కాదు రెండు సంప్రదాయాల ప్రకారం పెళ్లి చేసుకున్నారు. దీపికా పదుకొన్‌, రణ్‌వీర్ సింగ్ ఇటలీలోని లేక్ కోమోలోని విల్లా డెల్ బాల్బియానెల్లోలో ఏడు సముద్రాల ఆవల సంప్రదాయ వేడుకలో వివాహం చేసుకున్నారు. నవంబర్ 14, 2018లో ఈ జంట కొంకణి స్టైల్‌లో వివాహం చేసుకున్నారు. పెళ్లికుతురిగా తన తల్లి ఇచ్చిన కంజీవరం చీరను ధరించింది దీపిక. నవంబర్ 15,2018లో దీపికా-రణవీర్‌ సింధీ ఆచారాల ప్రకారం వివాహం చేసుకున్నారు. అందులో ఆమె సబ్యసాచి డిజైన్ చేసిన లెహెంగాను ధరించింది.

Also Read: పవన్‌ నా అవసరం లేదా..? జనసేనానికి ముద్రగడ లేఖ!

WATCH Ranveer Deepika Wedding Trailer: