Indian Festival: శ్రీకృష్ణుడు రాధాతో హోలీ ఆడిన రోజు ఎప్పుడో తెలుసా?

ఈ ఏడాది మార్చి 25న(రేపు) హోలీ వేడుకలు జరుగుతున్నాయి. అయితే దేశంలోని చాలా ప్రదేశాలలో హోలీ వేడుకలు రంగ్భరి ఏకాదశి తరువాత మాత్రమే ప్రారంభమవుతాయి. హోలీ ఐదవ రోజున రంగ్భారి పంచమిని జరుపుకుంటారు. ఈ రోజున కూడా ప్రజలు హోలీ ఆడతారు. రకరకాల వంటలు చేసి కలిసి హోలీ శుభాకాంక్షలు తెలుపుతుంటారు. ఈ రోజు దేవతలకు అంకితం. రంగ పంచమిని ఎందుకు జరుపుకుంటారు, ఎలా జరుపుకుంటారు, ఈ రోజు ప్రాముఖ్యత ఏమిటో తెలుసుకుందాం.

హిందూ క్యాలెండర్ ప్రకారం రంగ పంచమి పండుగను చైత్ర మాసంలోని కృష్ణ పక్షం ఐదవ రోజున జరుపుకుంటారు. ఈ ఏడాది మార్చి 30 శనివారం రంగ్ పంచమి జరుపుకోనున్నారు. రంగ పంచమిని కృష్ణ పంచమి అని కూడా అంటారు. అంతేకాకుండా రంగ్ పంచమిని శ్రీ పంచమి లేదా దేవ్ పంచమి అని కూడా పిలుస్తారు. మహారాష్ట్ర, మధ్యప్రదేశ్, రాజస్థాన్‌లలో రంగ పంచమి పండుగను ఘనంగా జరుపుకుంటారు. పురాణాల ప్రకారం రంగ పంచమి పండుగ శ్రీకృష్ణుడు, రాధా రాణితో ముడిపడి ఉంటుంది. శ్రీ కృష్ణుడు, రాధా రాణిని ఈ రోజున పూజిస్తారు.

ఈ రోజున శ్రీకృష్ణుడు రాధా రాణితో హోలీ ఆడాడని చెబుతారు. వారితో పాటు దేవతలు ఆకాశం నుంచి పూల వర్షం కురిపించారు. మతపరమైన ప్రాముఖ్యత ప్రకారం, రంగ పంచమి రోజున రంగులను ఉపయోగించడం సృష్టిలో సానుకూల శక్తిని ప్రసారం చేయడానికి దారితీస్తుంది. ఈ పాజిటివ్ ఎనర్జీలో ప్రజలు దేవుళ్ల స్పర్శను అనుభూతి చెందుతారు.

Also Read: హోలీ రంగులతో తస్మాత్ జాగ్రత్త!