Ranbir Kapoor: కోహ్లీ బయోపిక్ పై స్పందించిన రణ్ బీర్.. ఏమన్నాడంటే

Ranbir Kapoor about Kohli Biopic: ఇటీవల ఇండియన్ ఫిల్మ్ ఇండస్ట్రీలో బయోపిక్‌ ల ట్రెండ్ నడుస్తోంది. ప్రముఖ వ్యాపారవేత్తలు, సినీ నటులు, ఆటగాళ్లు, తదితర ప్రముఖుల జీవిత కథలను తెరకెక్కిస్తూ దర్శకనిర్మాతలు మంచి బిజినెస్ చేసుకుంటున్నారు. 2015లో దివంగత హీరో సుశాంత్ సింగ్ ప్రధాన పాత్రలో వచ్చిన 'ధోనీ' (Dhoni) బయోపిక్ మంచి వసూళ్లు రాబట్టింది. అలాగే ఇటీవలే శ్రీలంక క్రికెటర్ ముత్తయ్య మురళీధరన్ జీవిత కథగా వచ్చిన '800'పాజిటీవ్ టాక్ అందుకుని పర్వాలేదనింపించింది. ఈ క్రమంలోనే తాజాగా విరాట్ కోహ్లీ (Virat Kohli) బయోపిక్ పై పెద్ద ఎత్తున చర్చ నడుస్తోంది. బాలీవుడ్ హీరో రణ్‌ బీర్ కపూర్ (Ranbir Kapoor) కోహ్లీ పాత్ర పోషించబోతున్నట్లు నెట్టింట వార్తలు హల్ చల్ చేస్తున్నాయి. దీంతో రీసెంట్ ఇంటర్వ్యూలో స్పందించిన రణ్‌ బీర్ ఫుల్ క్లారిటీ ఇచ్చేశారు.

ఈ మేరకు ముంబైలో జరిగిన ఇండియా, న్యూజీలాండ్ సెమీ ఫైనల్ మ్యాచ్‌ చూసేందుకు వచ్చిన రణ్‌బీర్‌ సందడి చేశారు. ఈ క్రమంలోనే తన సినిమా అప్ కమింగ్ మూవీ 'యానిమల్‌' (Animal) ప్రమోషన్స్‌ చేసుకోగా.. కోహ్లీ బయోపిక్‌ గురించి మాట్లాడుతూ ఆసక్తికర వ్యాఖ్యలు చేశారు. టీమిండియా స్టార్‌ క్రికెటర్‌ విరాట్ బయోపిక్‌లో (Kohli Biopic) మీరు నటించాలనుకొంటున్నారా? అనే ప్రశ్నకు రణ్‌బీర్‌ తనదైన శైలిలో సమాధానం చెప్పారు. 'విరాట్ కోహ్లీ జీవితాన్ని సినిమాగా తీస్తే.. అందులో అతడే నటించాలి. ఎందుకంటే అతడు చాలామంది నటుల కంటే అందంగా కనిపిస్తాడు. అలాగే ఫిట్‌గా కూడా ఉంటాడు. అందుకే ఆ పాత్రను కోహ్లీనే పోషించాలి' అని ఇట్రెస్టింగ్ కామెంట్స్ చేశారు. దీంతో ప్రేక్షకులకు మళ్లీ టెన్సన్ మొదలైంది. ఎవరు నటిస్తే బాగుంటుందనే విషయంలో చర్చలు మొదలుపెట్టారు.

Also read :కోకాపేట్‌లో యువకుడి దారుణ హత్య.. స్నేహితుడే హంతకుడు

ఇదిలావుంటే... కోహ్లీ బయోపిక్‌ గురించి వార్తలు రావడం ఇదేం తొలిసారి కాదు. ఈ బ్యాటింగ్‌ మ్యాస్ట్రోపై బాలీవుడ్‌ బడా నిర్మాణ సంస్థ సినిమా తీయనుందంటూ గతంలో వార్తలు వచ్చాయి. అంతేకాదు, అందులో టాలీవుడ్‌ హీరో రామ్ చరణ్‌ నటించనున్నాడని కూడా అప్పట్లో జోరుగా ప్రచారం జరిగింది. ఈ విషయంపై అప్పుడు రామ్‌ చరణ్ మాట్లాడుతూ.. 'కోహ్లీ నాకు చాలా ఇష్టమైన క్రికెటర్‌. అతడు ఎంతో మందికి స్ఫూర్తి. నాకు తన పాత్ర పోషించే అవకాశం వస్తే ఎంతో సంతోషిస్తా. అది అద్భుతంగా ఉంటుంది' అంటూ తన కోరికను బయటపెట్టారు. ఇక వన్డే ప్రపంచకప్‌ 2023 తొలి సెమీ ఫైనల్‌లో బుధవారం జరిగిన మ్యాచ్ లో కోహ్లీ 50వ శతకాన్ని పూర్తి చేసి సచిన్ రికార్ట్ బద్దలు కొట్టిన సంగతి తెలిసిందే.