Ram Charan : మెగా వారసురాలిని చూశారా.. అచ్చు తండ్రిలానే... !

Charan Birthday : గ్లోబల్‌ స్టార్‌ రామ్‌ చరణ్(Ram Charan) పుట్టినరోజు(Birthday) నేడు. ఈ సందర్భంగా ఆయన భార్య , కుమార్తెతో కలిసి తిరుమల(Tirumala) శ్రీవారిని దర్శించుకున్నారు. బుధవారం తెల్లవారుజామున వీఐపీ దర్శనం చేసుకున్నారు. మంగళవారం సాయంత్రమే ప్రత్యేక విమానంలో చరణ్‌ దంపతులు తిరుపతికి చేరుకున్నారు.

ఈ క్రమంలోనే తెల్లవారుజామున వారికి టీటీడీ(TTD) అధికారులు స్వాగతం పలికి దర్శనం ఏర్పాట్లను చేశారు. స్వామి వారి దర్శనం అనంతరం వారికి అర్చకులు తీర్థప్రసాదాలు అందజేశారు. స్వామివారిని దర్శించుకునేందుకు వచ్చిన చరణ్ కి పుట్టిన రోజు శుభాకాంక్షలు తెలిపేందుకు మెగా అభిమానులు పోటీ పడ్డారు.

ఈ క్రమంలోనే చరణ్‌ , ఉపాసన(Upasana) తో వారి కుమార్తె, మెగా వారసురాలు క్లీంకార(Klinkara) కూడా ఉంది. స్వామి వారి దర్శనం అయిన తరువాత ఆలయం నుంచి బయటకు వస్తున్న క్రమంలో ఉపాసన చేతిలో ఉన్న పాప ముఖం మీడియాకు కనిపించింది. ఇప్పటి వరకు చరణ్ దంపతులు క్లీంకార ముఖాన్ని బయటకు చూపించలేదు.

దీంతో ఇప్పుడు ఒక్కసారిగా మెగా వారసురాలి ఫేస్‌ కనిపించడంతో అభిమానులు ఆనందం వ్యక్తం చేస్తున్నారు. అచ్చు తండ్రి పోలికలతో ఉందని సంతోషం వ్యక్తం చేస్తున్నారు. క్లీంకార అమ్మ చేతిలో ఉండి ఏటో చూస్తుంది. ఈ ఫోటోలను అభిమానులు సోషల్‌ మీడియాలో వైరల్ చేస్తున్నారు.

Also Read : మెగా పవర్ నుంచి గ్లోబల్ స్టార్.. రామ్ చరణ్ సినీ ప్రస్థానం ఇదే!