Game Changer : ఎట్టకేలకు 'గేమ్ ఛేంజర్' షూటింగ్ పూర్తి.. రిలీజ్ ఎప్పుడంటే?

Ram Charan Completes Game Changer Shooting : మెగా పవర్ స్టార్ రామ్ చరణ్ - సెన్షేషనల్ డైరెక్టర్ శంకర్ కాంబినేషన్ లో తెరకెక్కుతున్న చిత్రం 'గేమ్ చేంజర్'. సుమారు రెండేళ్లుగా ఈ సినిమా షూటింగ్ సాగుతూ వస్తోంది. కమల్ హాసన్ 'ఇండియన్ 2' మధ్యలో రావడంతో డైరెక్టర్ శంకర్ కి రెండు సినిమాలను ఒకేసారి కంప్లీట్ చేయాల్సిన పరిస్థితి వచ్చింది. అందుకే గేమ్ ఛేంజర్ విడుదల ఆలస్యమయ్యింది. ఇక ఇండియన్ 2 కు సంబంధించి అన్ని పనులు పూర్తయ్యాయి.

ఈ వారంలోనే సినిమాను రిలీజ్ చేస్తున్నారు. దీంతో శంకర్ ప్రస్తుతం 'గేమ్ ఛేంజర్' షూటింగ్ పై దృష్టి సారించారు. ఈ సినిమా ప్రస్తుతం ముగింపు దశలో ఉన్న సంగతి తెలిసిందే. ఇందులో చరణ్‌ పాత్రకు సంబంధించిన మొత్తం చిత్రీకరణ శనివారంతో పూర్తయినట్లు సమాచారం. ఇప్పుడాయన బుచ్చిబాబు దర్శకత్వంలో చేయనున్న తదుపరి చిత్రం కోసం లుక్ మార్చుకోనున్నారు.

Also Read : అక్కడ కనిపిస్తే చాలు చంపుతున్నారు.. ఆ రూమర్స్‌పై స్పందించిన సోనాక్షి!

ఇక మరో పదిరోజుల ప్యాచ్‌ వర్క్‌ పూర్తయితే 'గేమ్‌ ఛేంజర్‌' సినిమా మొత్తం చిత్రీకరణ పూర్తవుతుందని తెలిసింది. త్వరలోనే దాన్ని పూర్తి చేసి.. విడుదల తేదీపై స్పష్టత ఇవ్వనున్నారు. ఫిలిం సర్కిల్స్ లో మాత్రం ఈ సినిమాను డిసెంబర్ లో రిలీజ్ చేయాలని మేకర్స్ భావిస్తున్నట్లు చెబుతున్నారు. అగ్ర నిర్మాత దిల్ రాజు సుమారు 200 కోట్ల భారీ బడ్జెట్ తో నిర్మిస్తున్న ఈ సినిమాకు థమన్ సంగీతం అందిస్తున్నాడు.