Amit Shah: అమిత్ షా ఫేక్ వీడియో కేసులో తొలి అరెస్ట్!

Amit Shah: హోంమంత్రి అమిత్ షాకు సంబంధించిన నకిలీ వీడియోకు సంబంధించి కేసులో శ్రీ రీతోమ్ సింగ్ అనే వ్యక్తిని అస్సాం పోలీసులు అరెస్టు చేశారు. ఈ విషయాన్ని స్వయంగా సీఎం హిమంత బిస్వా శర్మ వెల్లడించారు. ఈ మేరకు ఇటీవల అమిత్ షాకు సంబంధించిన ఫేక్ వీడియో సోషల్ మీడియాలో సర్క్యులేట్ కావడం, కాంగ్రెస్ నేతలు షేర్ చేస్తున్నారంటూ ఎంహెచ్‌ఏ, బీజేపీ పోలీసులకు ఫిర్యాదు చేశారు.

Assam police have arrested an individual named Sri Reetom Singh in connection with the fake video involving Honorable Home Minister Sri @AmitShah

— Himanta Biswa Sarma (Modi Ka Parivar) (@himantabiswa) April 29, 2024

కాంగ్రెస్ నేతలు షేర్ చేశారంటూ..
కేంద్ర హోం మంత్రి అమిత్ షాకు సంబంధించిన నకిలీ వీడియోకు సంబంధించి అసోం పోలీసులు ఒక వ్యక్తిని అరెస్టు చేసినట్లు ముఖ్యమంత్రి హిమంత బిస్వా శర్మ సోమవారం (ఏప్రిల్ 29) తెలిపారు. ఆ వ్యక్తిని రీతోమ్ సింగ్‌గా గుర్తించారు. అమిత్ షా సోషల్ మీడియాలో హల్ చల్ చేస్తున్న వీడియోను కాంగ్రెస్ నేతలు షేర్ చేశారంటూ హోం మంత్రిత్వ శాఖ, బీజేపీ నమోదు చేసిన ఫిర్యాదుల నేపథ్యంలో పోలీసులు ఈ చర్య తీసుకున్నారు. ఢిల్లీ పోలీస్ స్పెషల్ సెల్ ఇండియన్ పీనల్ కోడ్ (IPC)లోని వివిధ సెక్షన్లు, ఐటీ చట్టంలోని సంబంధిత నిబంధనల కింద కేసు నమోదు చేసినట్లు వెల్లడించారు.

సీఎం రేవంత్ రెడ్డికి ఢిల్లీ పోలీసులు సమన్లు..
ఇదిలావుంటే.. ఈ విషయంలోనే తెలంగాణ(Telangana) సీఎం రేవంత్ రెడ్డికి ఢిల్లీ పోలీసులు(Delhi Police) సమన్లు జారీ చేశారు. అమిత్ షా(Amit Shah) ఫేక్ వీడియో కేసులో సీఎంతో పాటు పలువురికి సమన్లు ఇచ్చారు. మే 1న విచారణకు రావాలని తెలిపారు.రిజర్వేషన్ల అంశంలో అమిత్ షా ఫేక్ వీడియోను షేర్ చేశారంటూ పలువురు కాంగ్రెస్(Congress) నేతలకు సమన్లు ఇచ్చారు. ఢిల్లీ నుంచి 8 మంది అధికారుల బృందం హైదరాబాద్‌కు చేరుకున్నారు. వీరు గాంధీ భవన్‌కు చేరుకుని అక్కడ సీఎం రేవంత్ రెడ్డితో పాటూ కాంగ్రెస్ నేతలకు నోటీసులు ఇచ్చారు. వీరితో పాటూ తెలంగాణ కాంగ్రెస్ సోషల్ మీడియా ఇంఛార్జ్‌కు సీఆర్పీ 81 కింద నోటీసులు ఇచ్చారు ఢిల్లీ పోలీసులు.