Health Tips: రోజు మొత్తంలో నెయ్యి, నూనె ఎంత తినాలో తెలుసా!

ఫిట్‌నెస్ కోసం, చాలా మంది ముందుగా తమ ఆహారం నుంచి నెయ్యి, నూనెని తగ్గిస్తారు. నెయ్యి, నూనె ఎక్కువగా తీసుకోవడం వల్ల శరీరానికి చాలా హాని కలుగుతుంది. కానీ ఏది ఎక్కువైనా మంచిది కాదు.. తక్కువైనా మంచిది కాదు. శరీరం ఆరోగ్యంగా ఉండాలంటే అన్ని పోషకాల సమతుల్యత అవసరం. అదేవిధంగా ఫిట్‌గా ఉండాలంటే నెయ్యి, నూనె కూడా అవసరం.

పరిమాణం, నాణ్యతను దృష్టిలో ఉంచుకుని నెయ్యి, నూనెను ఆహారంలో ఉపయోగించాలి. ఆహారంలో నూనెను, నెయ్యిని పూర్తిగా తొలగించడం వల్ల కలిగే నష్టాలు ఏమిటో తెలుసుకుందాం?. చాలా కాలం పాటు ఆహారంలో నెయ్యి, నూనెను తొలగించడం ఆరోగ్యానికి మంచిది కాదని ఆరోగ్య నిపుణులు అంటున్నారు. కొవ్వులలో కరిగే, శరీరాన్ని ఆరోగ్యంగా ఉంచడానికి అవసరమైన అనేక సూక్ష్మపోషకాలు ఉన్నాయి. కాబట్టి, పరిమిత పరిమాణంలో నూనె తీసుకోవడం చాలా ముఖ్యం.

రోజూ ఎంత నెయ్యి తినాలి?
ఆయుర్వేదం ప్రకారం, ప్రతిరోజూ పరిమిత పరిమాణంలో నెయ్యి తీసుకోవాలి. ప్రతిరోజూ కనీసం 2 టీస్పూన్ల దేశీ నెయ్యి తినాలని ఆరోగ్య నిపుణులు చేస్తున్నారు. దీంతో ఎముకలు ఆరోగ్యంగా, దృఢంగా ఉంటాయి. మోకాళ్లు లూబ్రికేట్‌గా ఉండి నొప్పి సమస్య తగ్గుతుంది. అయితే కూరగాయల నూనెను ప్రత్యామ్నాయంగా తినాలి.

రోజూ ఎంత నూనె తీసుకోవాలి?
నూనె శరీరానికి హాని చేస్తుంది, కానీ నూనెలో ఉండే కొవ్వు ఆమ్లాలు శరీరానికి కూడా అవసరం. WHO ప్రకారం, ఒక వయోజన వ్యక్తి రోజుకు 4 టీస్పూన్ల కంటే ఎక్కువ నూనెను తినకూడదు. ఇందులో నెయ్యి, నూనె అన్ని పరిమాణాలు ఉంటాయి. అంటే, 4 చెంచాల కంటే ఎక్కువ నూనెను తినకూడదు.

నెయ్యి నూనెను ఆపడం వల్ల కలిగే నష్టాలు ఏమిటి?
నెయ్యి నూనె తినడం పూర్తిగా మానేస్తే, అది దీర్ఘకాలంలో ఆరోగ్యాన్ని మరింత దిగజార్చవచ్చు. రోజంతా అలసిపోయినట్లు అనిపించవచ్చు. శరీరంలో అవసరమైన కొవ్వు పదార్థాలు తగ్గడం ప్రారంభమవుతుంది. ఫ్యాడ్ ఫ్రీ డైట్ బరువు తగ్గడానికి మీకు సహాయపడుతుంది. అయితే ఇది శరీరానికి చాలా ఒత్తిడిని కలిగిస్తుంది. దీర్ఘకాలంలో శరీరంపై చెడు ప్రభావం చూపుతుంది.

Also read: నొప్పులను మాయం చేసే పారిజాత పూల రసం!