ఈ మధ్య కాలంలో పెట్రోల్ బాంబులు విసిరే వారి సంఖ్య పెరుగుతోంది. కొంతమంది ఆకతాయితనంగా, మరి కొంతమంది పగలు, ప్రతీకారాల పేరుతో పెట్రోల్ బాంబులు వినియోగిస్తున్నారు. తమిళనాడు రాజ్‌భవన్‌పై పెట్రోల్ బాంబు దాడి జరగడం కలకలం రేపుతోంది. బాంబులు విసిరిన వ్యక్తిని వినోద్‌గా గుర్తించారు. ఈ దాడి వెనుక అధికార డీఎంకే ఉందని బీజేపీ ఆరోపిస్తోంది.
కేంద్రప్రభుత్వం రైతులకు అదిరిపోయే గుడ్‌న్యూస్ చెప్పింది. రబీ పంట సీజన్లో వివిధ ఎరువుల కోసం సబ్సిడీ ఇవ్వనుంది. నత్రజని, భాస్వరం, పొటాష్, సల్ఫర్ వంటి తదితర ఎరువల కోసం.. పోషకాధారిత సబ్సిడీ రేట్లను కేంద్ర మంత్రివర్గం తాజాగా ఆమోదం తెలిపింది. ఈ ఎరువులపై సబ్సిడీ కోసం దాదాపు రూ.22,303 కోట్ల విడుదలకు కేబినెట్ ఆమోద ముద్ర వేసింది. ప్రపంచవ్యాప్తంగా ఎరువుల ధరలు పెరిగినా కూడా రైతులకు భారం కాకుండా సబ్సిడీ కొనసాగుతుందని స్పష్టం చేసింది.
ఢిల్లీ పరిస్థితి దారుణంగా తయారైంది. మామూలుగా ఎప్పుడూ దీపావళి సీజన్ లో స్టార్ట్ అయ్యే వాయు కాలుష్యం ఈ సారి ముందుగానే మొదలైపోయింది. చాలా ఎక్కువగా కూడా ఉంది. అక్కడి ప్రజలు ఊపిరి పీల్చుకోవడానికి కూడా ఇబ్బందులు పడుతున్నారు. దీంతో ఢిల్లీలో లాక్ డౌన్ విధిస్తారు అని సమాచారం.
జమ్మూకశ్మీర్‌లోని ఓ మహిళ ఒకే కాన్పులో నలుగురు శిశువలకు జన్మనిచ్చింది. కానీ గంటల వ్యవధిలోనే ఆ నలుగురు చిన్నారులు సరైన వైద్యం అందక మృతి చెందడం కలకలం రేపింది. కుప్వారా జిల్లా ఆసుపత్రిలో కలీదా బేగం అనే మహిళ ముగ్గురు మగ, ఒక ఆడ శిశువులకు సాధారణ కాన్పులోనే జన్మనిచ్చింది. అయితే వారు తక్కువ బరువుతో జన్మించడంతో సరైన సదుపాయాలు లేక వేరే ఆస్పత్రికి తీసుకెళ్లాలని వైద్యులు సూచించారు. కానీ వారిని తీసుకెళ్లేలోపే గంటల వ్యవధిలో ఆ నలుగురు చిన్నారులు మృతి చెందడంతో వారి కుటుంబంలో విషాదం నెలకొంది.
వాఘ్‌ బక్రీ టీ గ్రూప్‌ ఎగ్జిక్యూటివ్‌ డైరెక్టర్‌ పరాగ్‌ దేశాయ్‌ మృతిలో ఊహించని ట్విస్ట్ నెలకొంది. కుక్కల దాడిలో ఆయన మెదడుకు దెబ్బతగిలినట్టు.. చివరికి మెదడు సంబంధిత వ్యాధికి చికిత్స పొందుతు ప్రాణాలు విడిచారన్న వార్తలపై షాల్బీ ఆస్పత్రి వర్గాలు స్పందించాయి. ఆయన శరీరంపై కుక్క కాటుకు సంబంధించి ఎలాంటి గుర్తులు లేవని చెప్పారు. పరాగ్‌ కిందపడిపోయిన తర్వాత కుటుంబసభ్యులు ముందుగా షాల్బీ ఆస్పత్రికి తరలించిన విషయం తెలిసిందే. తర్వాత అక్కడ నుంచి జైడస్ ఆసుపత్రికి తరలించారు. వీధి కుక్కల కోసం ఎన్నో చేసిన పరాగ్‌.. వాటిని చూసి భయపడే వ్యక్తి కాదని జంతు హక్కుల సంఘాలు అభిప్రాయపడుతున్నాయి.
దసరా పండుగ సందర్భంగా ప్రధాని మోదీ పలు కీలక వ్యాఖ్యలు చేశారు. దేశంలోని ప్రతి చెడు అంశంపై దేశభక్తి సాధించిన విజయానికి ప్రతీకే దసరా పండుగ అని తెలిపారు. సమాజంలో కులతత్వం, ప్రాంతీయతత్వాన్ని రూపుమాపాలన్నారు.చంద్రయాన్-3 సక్సెస్ కావడం, కొత్త పార్లమెంటు భవనం ప్రారంభించడం, మహిళా రిజర్వేషన్ బిల్లును ఆమోదించడం వంటి శుభపరిణామాల మధ్య ఈరోజు దసరా పండుగను జరుపుకుంటున్నామని ప్రధాని అన్నారు. అలాగే ప్రతిఒక్కరూ 10 ప్రతిజ్ఞలు చేయండని పిలుపునిచ్చారు.
పర్యాటక రంగాన్ని ప్రోత్సహించేందుకు శ్రీలంక ప్రభుత్వం కీలక నిర్ణయం తీసుకుంది. ఇండియాతో సహా ఏడు దేశాలకు వీసా లేకుండానే పర్యాటక ప్రదేశాల సందర్శనకు అనుమతి ఇవ్వనుంది. ఈ నిర్ణయం వెంటనే అమల్లోకి వస్తుందని శ్రీలంక విదేశీ వ్యవహారాల మంత్రి అలీ సబ్రీ పేర్కొన్నారు. వచ్చే ఏడాది మార్చి 31 వరకు ఈ పైలట్ ప్రాజెక్టు అమల్లో ఉంటుందని చెప్పారు.
రావణ దహనం ఆదివాసీల మనోభావాలను దెబ్బతీయడమేనంటున్నారు మ‌హారాష్ట్ర గ‌డ్చిరోలి జిల్లాలోని కోడిశలగూడెం ఆదివాసీలు. రావణుడు గొప్ప శివభక్తుడని, వేదాలను అధ్యయనం చేసిన గొప్ప విద్యావేత్త అని అంటున్నారు. రావణబ్రహ్మని తాము కొలుస్తామని చెబుతున్నారు. దసరా పర్వదినాల్లో 11 రోజుల పాటు కఠోర ఉపావాస దీక్ష చేసి రావణాసురిడికి ప్రత్యేక పూజలు నిర్వహించడం వీరి ఆనవాయితీ కూడా.
మణిపూర్ అల్లర్లపై ఆర్ఎస్ఎస్ చీఫ్ మోహన్ భగవత్ కీలక వ్యాఖ్యలు చేశారు. మణిపూర్‌లో ఎన్నో ఏళ్ల నుంచి మెయిటీలు, కుకీలు కలిసి ఉంటున్నారని.. ఒక్కసారిగా హింస ఎలా చెలరేగిందని ప్రశ్నించారు. వాస్తవానికి అక్కడ హింస జరగలేదని.. జరిగేలా చేయిస్తున్నారంటూ వ్యాఖ్యానించారు. ఇందులో విదేశీ శక్తుల పాత్ర ఏమైనా ఉందా.. ఎందుకంటే ఇలాంటి పరిస్థితులు విదేశీ శక్తులకే మేలు చేస్తాయని పేర్కొన్నారు. 2024 సార్వత్రిక ఎన్నికల ముందు భావోద్వేగాలు రెచ్చగొట్టి ఓట్లను రాబట్టుకునే విషయంలో ప్రజలు అప్రమత్తంగా ఉండాలని సూచనలు చేశారు.
/rtv/media/post_attachments/wp-content/uploads/2023/10/Tractor-jpg.webp)
/rtv/media/post_attachments/wp-content/uploads/2023/10/petrol-bomb-jpg.webp)
/rtv/media/post_attachments/wp-content/uploads/2023/10/Farmer-jpg.webp)
/rtv/media/post_attachments/wp-content/uploads/2023/10/delhi-jpg.webp)
/rtv/media/post_attachments/wp-content/uploads/2023/10/Baby-jpg.webp)
/rtv/media/post_attachments/wp-content/uploads/2023/10/parag-desai-jpg.webp)
/rtv/media/post_attachments/wp-content/uploads/2023/10/PM-Modi-2-1-jpg.webp)
/rtv/media/post_attachments/wp-content/uploads/2023/10/Srilanka-1-jpg.webp)
/rtv/media/post_attachments/wp-content/uploads/2023/10/ravana-jpg.webp)
/rtv/media/post_attachments/wp-content/uploads/2023/10/Mohan-Bhagwat-jpg.webp)
