మనుషులకే కాదు పాములకు కూడా సీపీఆర్ ద్వారా ప్రాణం పోయొచ్చని మధ్యప్రదేశ్‌కు చెందిన పోలీస్ కానిస్టేబుల్ చెబుతున్నారు. వాటి నోట్లో గాలి ఊదడం ద్వారా చనిపోయాయనుకున్న చాలా పాములను తాను కాపాడానని తెలిపారు. తాజాగా ఓ పాముకు ఆయన సీపీఆర్ చేస్తున్న వీడియో ఒకటి సోషల్ మీడియాలో వైరల్‌గా మారింది.
హిమాచల్‌ ప్రదేశ్‌ ముఖ్యమంత్రి, కాంగ్రెస్ సీనియర్ నేత సుఖ్విందర్‌ సింగ్‌ సుఖు అనారోగ్యానికి గురయ్యారు.గత కొన్ని రోజులుగా ఆయన కడుపులో ఇన్‌ ఫెక్షన్ తో బాధపడుతున్నారు. ఈ క్రమంలోనే ఆయన బుధవారం రాత్రి సమయంలో తీవ్ర అస్వస్థతకు గురి కావడంతో ఆయన్ని సిమ్లాలోని ఇందిరా గాంధీ మెడికల్ కాలేజీలో చేర్పించారు.
ఫిన్ ఫ్లూయెన్సర్స్ పేరుతో రిజిస్ట్రేషన్ లేకుండా ట్రేడింగ్ రికమెండేషన్ చేస్తున్న మూడు సంస్థల మీద సెక్యూరిటీ అండ్ ఎక్స్ఛేంజ్ బోర్డ్ ఆఫ్ ఇండియా(సెబీ) వేటు వేసింది. సెల్ఫ్ క్లెయిమ్ ఇన్వెస్టిమెంట్ చేస్తున్న మహమ్మద్ నసీరుద్దీన్ అన్సారీ తో పాటూ మరో రెండు సంస్థలను రద్దు చేసింది. అంతేకాక వారు 17.2 కోట్లను మదుపర్లకు తిరిగి ఇవ్వాలని ఆజ్ఞలు జారీ చేసింది.
గత నాలుగు రోజులుగా దేశీ స్టాక్ మార్కెట్లు మళ్ళీ నష్టాల్లో కొనసాగుతున్నాయి. ఈరోజు ఉదయం కూడా మార్కెట్ సూచీలు నష్టాలతోనే ప్రారంభం అయ్యాయి. ఉదయం 9.24 గంటల సమయంలో సెన్సెక్స్ 491 పాయింట్ల నష్టంతో 63,557 దగ్గర...నిఫ్టీ 156 పాయింట్ల నష్టంతో 18,966 దగ్గర కొనసాగుతోంది.
కాంగ్రెస్ సీనియర్ నేత, ఎంపీ రాహుల్ గాంధీ జమ్మూ కాశ్మీర్ మాజీ గవర్నర్ సత్యపాల్ మాలిక్‌ను ఇంటర్వ్యూ చేశారు. ఈ ఇంటర్వ్యూలో సత్యపాల్ మాలిక్ జమ్మూ కాశ్మీర్ విషయంలో కేంద్రంలోని బీజేపీ ప్రభుత్వ విధానంపై ప్రశ్నలు సంధించారు. సెక్షన్ 370ని తొలగించిన తర్వాత అక్కడి పరిస్థితులను కూడా ఆయన ప్రస్తావించారు. ఈ విషయాన్ని రాహుల్ స్వయంగా తన ట్విటర్ ఖాతాలో పోస్టు చేశారు. బీజేపీ నియమించిన గవర్నర్ గా పనిచేసిన సత్యపాల్ మాలిక్, పదవీ విరమణ అనంతరం బీజేపీ అగ్రనాయకత్వంపై..మోదీపై తీవ్ర ఆరోపణలు చేసిన సంగతి తెలిసిందే.
ఇటీవల భారత్, కెనడా మధ్య ఉద్రిక్త పరిస్థితులు నెలకొన్న నేపథ్యంలో తాజాగా ఒట్టావాలోని భారత రాయబార కార్యాలయం కీలక ప్రకటన చేసింది. కెనడా పౌరుల కోసం వీసా సేవలు పునరుద్దరిస్తున్నట్లు పేర్కొంది. ఎంట్రీ, బిజినెస్, మెడికల్ వీసాలు అలాగే కాన్ఫరెన్స్ వీసాలను జారీ చేస్తున్నట్లు తెలిపింది. భద్రతా కారణాల దృష్ట్యా ఇప్పటిదాకా వీసా సేవలు తాత్కాలికంగా నిలిపివేశామని.. వీటిపై సమీక్ష చేసిన అనంతరం ఈ సేవల్ని పునరుద్ధరిస్తున్నామని స్పష్టం చేసింది.
ఇటీవల పులిగోరు ధరించారనే కారణంతో బిగ్‌బాస్‌లో ఉన్న వర్తుర్‌ సంతోష్‌ను అరెస్టు చేయడంతో కర్ణాటకలో పులిగోరు అంశం దుమారం రేపుతోంది. పులిగోర్లు ధరించిన కొంతమంది ప్రముఖులకు సంబంధించిన వీడియోలు, ఫోటోలు సోషల్ మీడియాలో వైరల్‌ అవుతున్నాయి. వీళ్లపై చర్యలు తీసుకోవాలంటూ నెటీజన్లు సైతం తమ అభిప్రాయలు వ్యక్తం చేస్తున్నారు. ఈ నేపథ్యంలో ప్రస్తుతం ఈ వ్యవహారంపై రంగంలోకి దిగిన అటవీశాఖ అధికారులు దర్యాప్తు జరుపుతున్నారు.
ఐదు రాష్ట్రాల అసెంబ్లీ ఎన్నికలు దగ్గరపడుతున్నాయి. ఇప్పటికే ఈ రాష్ట్రాల్లో రాజకీయ వేడి నెలకొంది. తెలంగాణ, మిజోరాం రాష్ట్రాల్లో ప్రస్తుతం ప్రాంతీయ పార్టీలు అధికారంలో ఉండగా.. మధ్యప్రదేశ్‌లో బీజేపీ, రాజస్థాన్, ఛత్తీస్‌గఢ్ రాష్ట్రాల్లో కాంగ్రెస్ పార్టీ అధికారంలో ఉంది. ఈ నేపథ్యంలో కాంగ్రెస్ హైకమాండ్ కీలక నిర్ణయం తీసుకుంది. అసెంబ్లీ ఎన్నికలకు సంబంధించి నాలుగు రాష్ట్రాల్లో కాంగ్రెస్ అధ్యక్షుడు మల్లిఖార్జున్ ఖర్గే కార్యక్రమాలను కార్యక్రమాలను చూసుకునేందుకు నలుగురు ఏఐసీసీ సెక్రటరీలను కేటాయించింది. ఇందుకు సంబంధించి ఆల్ ఇండియా కాంగ్రెస్ కమిటీ ఓ ప్రకటనను అధికారికంగా విడుదల చేసింది.
అయోధ్య రామమందిరం ప్రారంభోత్సవానికి తేది ఖరారైంది. దేవతామూర్తుల విగ్రహాలను ప్రతిష్ఠించి వచ్చే ఏడాది జనవరి 22న రామమందిరాన్ని ప్రారంభించాలని ఆలయ కమిటీ నిర్ణయం తీసుకుంది. ఈ నేపథ్యంలో శ్రీరామ జన్మభూమి తీర్థ్ క్షేత్ర ట్రస్ట్ సభ్యులు ప్రధానమంత్రి నరేంద్ర మోదీని కలిసి ఆహ్వానం పలికారు. వారి ఆహ్వానాన్ని స్వీకరించిన ప్రధాని.. నా జీవితకాలంలో ఈ చారిత్రాత్మక సందర్భాన్ని చూడటం నా అదృష్టమని ఎక్స్‌లో పేర్కొన్నారు.
/rtv/media/post_attachments/wp-content/uploads/2023/10/shawar-jpg.webp)
/rtv/media/post_attachments/wp-content/uploads/2023/10/snake-jpg.webp)
/rtv/media/post_attachments/wp-content/uploads/2023/10/cm-1-jpg.webp)
/rtv/media/post_attachments/wp-content/uploads/2023/10/47-1-jpg.webp)
/rtv/media/post_attachments/wp-content/uploads/2023/09/stock-2-jpg.webp)
/rtv/media/post_attachments/wp-content/uploads/2023/10/rahul-gandhi-2-jpg.webp)
/rtv/media/post_attachments/wp-content/uploads/2023/10/India-Canada-Flag-jpg.webp)
/rtv/media/post_attachments/wp-content/uploads/2023/10/Tiger-Claw-jpg.webp)
/rtv/media/post_attachments/wp-content/uploads/2023/10/Telangana-Congress-jpg.webp)
/rtv/media/post_attachments/wp-content/uploads/2023/10/PM-Modi-4-jpg.webp)
