National Tourism Day 2024: కశ్మీర్ నుంచి కన్యాకుమారి వరకు.. అత్యంత ప్రసిద్ధ పర్యాటక కేంద్రాలివే!

Tourist Places From North To South: భారత్‌ భిన్నత్వం కలిగిన దేశం. 28 రాష్ట్రాలు, 8 కేంద్రపాలిత ప్రాంతాలు ఉన్న మన దేశంలో భౌగోళిక ప్రాతిపదికన వివిధ రకాల సుందర దృశ్యాలు కనిపిస్తాయి. మంచు పర్వతాల నుంచి ఇసుక మైదానాల వరకు, అడవుల నుంచి సరస్సులు, జలపాతాల వరకు, దేశవ్యాప్తంగా ప్రవహించే నదుల నుంచి సముద్ర అలల గర్జన వరకు ప్రతి సహజ దృశ్యాన్ని దేశంలో చూడవచ్చు. ఇక్కడ పురాతన, అద్భుతమైన దేవాలయాలు ఉన్నాయి చారిత్రక మసీదులు ఉన్నాయి, పోర్చుగీస్, రోమన్ శైలిలో నిర్మించిన చర్చిలు ఉన్నాయి. భారీ గురుద్వారాలు కూడా ఉన్నాయి. దేశంలో మతపరమైన ప్రదేశాలు మాత్రమే కాదు, చారిత్రక, రాజకీయ ప్రదేశాలు కూడా ఉన్నాయి. దేశంలోని ఈ పర్యాటక ప్రాంతాలను ప్రోత్సహించడానికి, ప్రతి సంవత్సరం జనవరి 25న జాతీయ పర్యాటక దినోత్సవాన్ని జరుపుకుంటారు. దేశంలో ఉత్తరాన కశ్మీర్ నుంచి దక్షిణాన కన్యాకుమారి వరకు వందలాది పర్యాటక ప్రాంతాలు ఉన్నాయి. దేశంలోని అత్యంత ప్రసిద్ధ పర్యాటక ప్రదేశాలను తెలుసుకుందాం.

ఉదయపూర్:
దేశంలోని చాలా మంది పర్యాటకులు జైపూర్‌తో పాటు ఉదయపూర్‌ను సందర్శించడానికి ఇష్టపడతారు. ఈ రెండు నగరాలు భారతదేశ సాంప్రదాయ రాజ వైభవాన్ని ఆస్వాదించడానికి ప్రయాణికులను ఆకర్షిస్తాయి. ఇది కాకుండా, జైపూర్‌లోని జల్ మహల్, హవా మహల్, ఉదయపూర్‌లోని సిటీ ప్యాలెస్, లేక్ ప్యాలెస్‌లను సందర్శించడానికి లక్షలాది మంది వస్తారు.

కాశీ విశ్వనాథ్ ధామ్ దర్శనం:
ఏడాది పొడవునా ధార్మిక ప్రదేశాలలో రద్దీ ఎక్కువగా ఉంటుంది. వారణాసి కూడా పర్యాటకులలో బాగా ప్రాచుర్యం పొందింది. దేశంలోని పురాతన నగరాల్లో ఒకటైన వారణాసి గంగానది ఒడ్డున ఉంది. దశాశ్వమేధ ఘాట్, కాశీ విశ్వనాథ ఆలయం, సంకట్ మోచన్ హనుమాన్ ఆలయం, రాంనగర్ కోట, సారనాథ్, మణికర్ణిక ఘాట్ వద్ద గంగా హారతి పర్యాటకులను ఆకర్షిస్తుంది.

గుల్మార్గ్:
భారతీయ పర్యాటకులలో కూడా బాగా ప్రాచుర్యం పొందింది. కశ్మీర్‌లోని చల్లని లోయల మధ్య సెలవులను గడపడానికి దేశం నలుమూలల నుంచి ప్రజలు వస్తారు. దాల్ సరస్సు, గుల్మార్గ్, నాగిన్ సరస్సు, శ్రీనగర్, పరి మహల్, శంకరాచార్య పుణ్యక్షేత్రం, పహల్గాంలలో బోటు ప్రయాణం ప్రధాన ఆకర్షణలు.

కన్యాకుమారి:
హిందూ మహాసముద్రం, అరేబియా సముద్రం, బంగాళాఖాతం కలిసే ప్రదేశం కన్యాకుమారి ప్రత్యేకతను కలిగి ఉంది. పర్యాటకులు ముఖ్యంగా హోరిజోన్‌ను ఆస్వాదించడానికి, సూర్యాస్తమయాన్ని వీక్షించడానికి ఇక్కడకు వస్తారు. కన్యాకుమారిలో ఉన్న వివేకానంద రాక్ మెమోరియల్, తిరువల్లువర్ విగ్రహం, భగవతి అమ్మన్ ఆలయం, కన్యాకుమారి బీచ్, పద్మనాభపురం ప్యాలెస్, తిరుప్పరపు జలపాతం మొదలైనవి సందర్శించవచ్చు.

Also Read: ఈ రాశుల వారు ఇలా చేయండి .. జీవితంలో డబ్బే డబ్బు !!

WATCH: