Balakrishna : ఈ రాత్రి ఒక్కొక్కడికి శివాలెత్తిపోద్ది.. విశ్వక్ కోసం బాలయ్య ఎంట్రీ..!

Vishwak Sen : టాలీవుడ్ (Tollywood) మాస్ కా దాస్ విశ్వక్ నటించిన లేటెస్ట్ మూవీ గ్యాంగ్స్ ఆఫ్ గోదావరి (Gangs Of Godavari). మాస్ యాక్షన్ ఎంటర్ టైనర్ గా రూపొందిన ఈ చిత్రాన్ని దర్శకుడు కృష్ణ చైతన్య (Krishna Chaitanya) తెరకెక్కించారు. సితార ఎంటర్ టైన్మెంట్, ఫార్చున్ ఫర్ ఎంటర్ టైన్మెంట్ బ్యానర్ పై సూర్యదేవర నాగవంశీ, సాయి సౌజన్య నిర్మించారు. ఈ సినిమాలో యంగ్ బ్యూటీ నేహా శెట్టి (Neha Shetty), రాజోలు భామ అంజలి ఫిమేల్ లీడ్స్ గా నటించారు. ట్రైలర్, టీజర్ తో అంచనాలను భారీగా పెంచేసిన ఈ మూవీ ఈ నెల 31 న విడుదల కానుంది. ఈ నేపథ్యంలో విశ్వక్ అండ్ టీమ్ మూవీ ప్రమోషన్స్ లో బిజీగా ఉన్నారు.

ముఖ్య అతిథిగా నందమూరి బాలకృష్ణ

ప్రమోషన్స్ లో భాగంగా నేడు గ్యాంగ్స్ ఆఫ్ గోదావరి ప్రీ రిలీజ్ ఈవెంట్ నిర్వహించనున్నారు. ఈ ఈవెంట్ కు గాడ్ ఆఫ్ మాసెస్ నందమూరి బాలకృష్ణ (Balakrishna) చీఫ్ గెస్ట్ గా హాజరు కాబోతున్నారు. ఈ విషయాన్ని తెలియజేస్తూ సోషల్ మీడియా వేదికగా స్పెషల్ వీడియోను రిలీజ్ చేశారు మేకర్స్. ప్రస్తుతం ఈ వీడియో నెట్టింట తెగ వైరలవుతోంది. సాయంత్రం 6 గంటలకు హైదరాబాద్ ఎన్ కన్వేషన్ వేదికగా ప్రీ రిలీజ్ ఈవెంట్ జరగనుంది.

ఈ మూవీలో విశ్వక్ మునుపెన్నడూ కనిపించని మాస్ అవతార్ లో అదరగొట్టాడు. ట్రైలర్ లో గోదావరి యాసలో విశ్వక్ చెప్పిన డైలాగ్స్, మాస్ యాక్షన్ మూవీ పై విపరీతమైన హైప్ క్రియేట్ చేశాయి. ఇక ట్రైలర్ రెస్పాన్స్ చూస్తుంటే 'గామి' తర్వాత విశ్వక్ ఖాతాలో మరో హిట్ ఖాయం అన్నట్లుగా తెలుస్తోంది.

Also Read: Sikandar: సల్మాన్ కు విలన్ గా కట్టప్ప.. వైరలవుతున్న 'సికందర్‌' అప్డేట్ - Rtvlive.com