Naga Chaitanya: నాగచైతన్య లైన్ క్లియర్.. సమంత పరిస్థితేంటి?

Naga Chaitanya: అక్కినేని హీరో నాగచైతన్య ఒక వైపు మూవీస్ మరో వైపు వెబ్ సిరీస్ లు చేస్తూ బిజీగా ఉన్నారు. ఇటీవలే నాగచైతన్య దూత అనే వెబ్ సిరీస్ లో నటించారు. డైరెక్టర్ విక్రమ్ కుమార్ దర్శకత్వంలో ఈ వెబ్ సిరీస్ తెరకెక్కించారు. షూటింగ్ పూర్తి చేసుకొని చాలా రోజులుగా రిలీజ్ అవ్వకపోవడంతో ఫ్యాన్స్ ఎంతగానో ఎదురు చూశారు. ఎట్టకేలకు డిసెంబర్ 1 న ఓటీటీ వేదికైన అమెజాన్ ప్రైమ్ లో 'దూత' వెబ్ సిరీస్ విడుదల చేశారు. ఓటీటీలో విడుదలైన ఈ సీరీస్ కు ప్రేక్షకుల నుంచి పాజిటివ్ రెస్పాన్స్ వచ్చింది. చాలా రోజుల తర్వాత 'దూత' వెబ్ సీరీస్ నాగ చైతన్య హిట్ కొట్టాడు. ఈ నేపథ్యంలో ఒకేసారి షూటింగ్ పూర్తి చేసుకున్న సమంత సిటాడెల్ రిలీజ్ ఎప్పుడనే చర్చ ప్రేక్షకులలో మొదలైంది.

నాగ చైతన్య దూత, సమంత సిటాడెల్ రెండు సీరీస్ లు ఒకే సారి పూర్తి చేశారు. కానీ సమంత సీరీస్ ఇంకా విడుదల కాకపోవడంతో చర్చ మొదలైంది. అయితే ప్రస్తుతం సమంత సినిమాల నుంచి కాస్త బ్రేక్ తీసుకున్నారు. కావున ప్రమోషన్స్ లో పాల్గొనలేరు. అందుకని విడుదల వాయిదా వేసినట్లు చర్చ జరుగుతోంది. ప్రియాంక చోప్రా, రిచార్డ్ నటించిన హాలీవుడ్ సీరీస్ 'సిటాడెల్'. అయితే హిందీలో కానున్న ఈ సీరీస్ లో సమంత, వరుణ్ దావన్ కలిసి నటించారు. హాలీవుడ్ లో 'సిటాడెల్' సూపర్ హిట్ అవ్వడంతో హిందీలో ఎలాంటి రెస్పాన్స్ దక్కుతుందా అని ఫ్యాన్స్ ఆసక్తిగా ఎదురు చూస్తున్నారు. సిటాడెల్, దూత ఒకేసారి పూర్తి చేశారు. దూత సీరీస్ తో నాగచైతన్య హిట్ కొట్టాడు. మరి సిటాడెల్ సీరీస్ తో సామ్ హిట్ అందుకుంటుందా లేదా అనేది చూడాలి.

Also Read: Aadu Macha Song: ‘ఆడు మచ్చా’.. మాస్ మహారాజ్ ‘ఈగల్’ ఫస్ట్ సాంగ్..!