Monkey Pox : డేంజర్ బెల్స్.. పాకిస్తాన్ లో ఐదో మంకీ పాక్స్ రోగి

Pakistan : పాకిస్తాన్‌లో మరో పాక్స్ కేసు బయటపడింది. దీంతో అక్కడ  MPOX రోగుల సంఖ్య ఐదుకు పెరిగింది. అంతర్జాతీయ విమానాల నుండి బయలుదేరిన వ్యక్తులలో మొత్తం ఐదు కేసులు కనిపించాయి. వీటిలో మూడు కేసుల్లో అవి ఏ వేరియంట్ అనేది తెలియరాలేదు. కరాచీ విమానాశ్రయంలో ప్రయాణికుడిని పరీక్షించినట్లు అధికారులు శనివారం తెలిపారు. అక్కడ ఇద్దరు అనుమానిత రోగులు కనిపించారు.  అందులో 51 ఏళ్ల వ్యక్తికి వైరస్ సోకినట్లు గుర్తించారు. అతన్ని ఆసుపత్రిలో చేర్చారు. ప్రస్తుతం ఆయన పరిస్థితి నిలకడగా ఉన్నట్లు సమాచారం.

Monkey Pox:పాకిస్థాన్‌లో మంకీపాక్స్ వైరస్ కొత్త కేసు వెలుగులోకి రావడంతో ప్రభుత్వం అప్రమత్తమైంది. అన్ని విమానాశ్రయాల్లో నిఘా పెంచారు. అదే సమయంలో మంకీ పాక్స్  వ్యాపిస్తుండటంతో ప్రజలు ఆందోళన చెందవద్దని కోరారు. గతేడాది పాకిస్థాన్‌లో ఈ  వ్యాధితో ఓ రోగి మృతి చెందాడు. ప్రపంచ ఆరోగ్య సంస్థ (WHO) ఆగస్ట్ 14న Mpox అంటే Monkeypoxని గ్లోబల్ పబ్లిక్ హెల్త్ ఎమర్జెన్సీగా ప్రకటించింది. ఈ వ్యాధిని హెల్త్ ఎమర్జెన్సీగా ప్రకటించడం రెండేళ్లలో ఇది రెండోసారి. ఈ వైరస్ కొత్త జాతి (క్లాడ్-1) మునుపటి జాతి కంటే ఎక్కువగా వేగంగా స్ప్రెడ్ అవుతుంది.  దాని మరణాల రేటు కూడా ఎక్కువగా ఉంది.

భారతదేశంలో మంకీ పాక్స్ వ్యాధిని పరీక్షించడానికి RT-PCR కిట్.. 

మంకీపాక్స్ పబ్లిక్ ఎమర్జెన్సీగా ప్రకటించిన 15 రోజులలో, ఈ ఇన్ఫెక్షన్‌ని పరీక్షించడానికి భారతదేశం (India) RT-PCR కిట్‌ను అభివృద్ధి చేసింది. ఈ కిట్ పేరు IMDX Monkeypox Detection RT-PCR అస్సే.  దీనిని సిమెన్స్ హెల్త్‌నియర్స్ తయారు చేశారు. కంపెనీ చెబుతున్నదాని  ప్రకారం, కేవలం 40 నిమిషాల్లో ఈ కిట్ నుండి పరీక్ష ఫలితాలు అందుబాటులో ఉంటాయి. ఈ కిట్‌కు పూణేలోని ICMR-నేషనల్ ఇన్‌స్టిట్యూట్ ఆఫ్ వైరాలజీ ద్వారా వైద్యపరమైన గుర్తింపు లభించింది. సెంట్రల్ డ్రగ్స్ స్టాండర్డ్ కంట్రోల్ ఆర్గనైజేషన్ (CDSCO) ఈ కిట్ తయారీకి ఆమోదం తెలిపింది.

Also Read : రేపు విద్యాసంస్థలకు సెలవు.. అప్పటి వరకు బయటకు రావొద్దు: మంత్రి పొంగులేటి